HOKKAIDO

今團又一感恩~

工作事已唔想再提了...串?? 我係丫..因為我唔識兜圈講嘢囉...等50分鐘時已諗用咩方法, 點開口, 點出聲...但..."嬲"令我諗唔到, 所以...真係估唔到會用lee個方法, 可能而家諗今團係last or 好快係last..

真係估唔到..."一見如故".."fammy" lee個名,聽咗好多次, 聽到以為我地真係識咁...今次都係第一次見面,原來都係傻龜一名, 真係好好笑同好好玩, "返去搞飯局!!!" 好, 相信一定好好玩同好笑~~
初相識嘅人同你講 " 唔做之前拍我一次丫" ! haha...聽完lee句好開心...忍唔住認真講一句"好, 一定"..都幾期待同佢合作. ^^ 一定可以好enjoy~~

今團都幾開心, 差唔多日日見同事...同kitty住tomamu, 雖然大家以姊妹相稱, 但真係唔係好"知"對方, 同好少見面...喺房傾咗一陣, 幾開心, 好舒服 , 一個唔會問對方事. 但相處好舒服 嘅朋友^^

每日落雪..都幾討厭..因為工作在身, 但如果係...收工後,真係幾開心

bbq, bbq,  hot pot,  home party 猶豫不決,因為...唔知一個朋友會唔會約我...一月頭都忙忙地, 如果唔係31啳..真係no chance...final 決定係....因為喉嚨痛到唔可以食bbq同hot pot...haha

聖誕大禮物

真係100個開心, 竟然收到第三份聖誕禮物,lee份仲要係一份大大大禮物, 同我夾房個客no show...yes!!! .加上同康泰my friend 同機,2個同盟成日企埋一齊...幾開心 ..最衰lst 1晚唔同酒店,如果唔係仲正...唔知約唔約到呢??

北海道零下4度,好在今日先到,尋晚大風雪..如果唔係都死得..因為我已經覺得好凍啦...潺仔b一名...

喺日本,真係好喜歡自己一個人喺房...有自己嘅空間,幾好丫..

^^

聽日出團北海道5天, 點解一d興奮都無嘅??? 真係好希望今團可以比我有返d"想繼續"嘅感覺...如果唔係, 我估我好快離開lee個樂園...
30號晚landing. 31號希望放假啦, 如果無假放都唔堅要..1號放丫....
不過, 31號晚玩咩呢??
幾個人都同我講北海道雨雪...好凍...搞到人地執完行李又再執多次...好似搬屋咁...仲要去到要幫朋友們買嘢.....驚自己拎唔到丫....驚驚~

best of the best 之平安 white light~~

收工同亞妹上咗亞賴屋企..今晚陣容8女1男, 除咗亞妹之外, 其他都係唔太識...但又係cd人, 不過,好好笑佢地講嘢....
頂~ 又唔早講, 上咗當, 不過好在...有人接送~ ^^

同亞妹喺一個無通知嘅情況下, 大家都買咗禮物送比對方^^ 真係心靈相通呀~第2份嘅聖誕禮物~~^^ 好鍾意丫^^

走嘅時候同亞妹傾計, 機場duty free????試 ??? 但交通費好甘???不過, 都同佢講如果下次有位, 通知一聲...不過我係咪首先要住近d呢???^^

merry christmas!~~

交換禮物

超開心...竟然今日....可以同日交換禮物 ^^.wonderful timing~~ 雖然一早知份禮物係咩, 但...好開心 丫..^^

其實唔係點解我可以同"你"做到朋友, 而係點解"你"可以同我咁要好囉.朋友我唔少, 但好朋友嘅真係唔算多, 認識我嘅人應該算多...因為間唔中喺公司有人會叫我個名, 但我唔識/未見過佢嘅, 但我比佢成為生活一部份嘅人唔多囉..."你"應該志豪添啦...hahaha

真係開心...唔想我收到對方份禮物嘅時侯, 對方仲係等待中..
唔知...鍾意無??? 不過我覺得"你"會滿意囉, 因為我好鍾意嘅情況下去買...^^ 幾驚自己拆嚟用...幾日後再包返比你丫..^^hahaha,..自己都唔捨得買比自己呀...

merry christmas!未到平安夜已拆埋份禮物, 仲要已經放埋入行李箱內,準備坐飛機去北海道丫....嚟一個韓國護膚vs日本嚴寒 ^^

***************

已經第n晚, 臨瞓前開始喉嚨痛.....直到第2朝起身..已經n晚痛到瞓唔到...究竟咩事???

唔通有人落降頭??

MEAN

1. MEAN: 吝嗇的, 小氣的, 脾氣暴躁的, 難駕馭的, 出色的, 很棒的????

今晚同哥哥同媽咪去做冬食飯, 個老闆話我好mean, 小氣?? 第一次見我咋wor...話我mean, 咁我就真係好mean囉??? 但可唔可以具體d形容呀??哎呀~ 好想知呀...

lee個世界真係細, 個老闆娘同哥哥好friend, 好搞笑, 竟然lee個老闆娘係肥wallace親戚...真係神奇~
第一次飲sake係咁易入口, 咁好飲...great~
今晚其實都幾開心, 因為一家三口, 一齊做冬, 同埋, 影咗一張第3張相family photo ^^
不過, 今晚哥哥為咗就媽咪鍾意食海鮮, 有長腳蟹, 有蠔, 有蝦, 海膽, 三文魚, .....我已食少少...但一食完2條短短蟹腳, 即痕/...他媽的~陪哥哥飲咗2杯sake, 即狂咳...他媽的~好在老闆娘即比咗杯蘋果蜜我飲....好好多....原來我係咩熱底寒咳...原來又唔可以食白菜,紹菜, 黃牙白, 沙律...妖, 不如講我有咩可以食啦....煩~
******************
今日執行理, ..北海道咁凍嘅, 我出發嗰幾日, 日日都落雪? 日日最高4度, 最低-5度???oh my god, 點算, 驚驚~ 執咗好耐行理了...未執哂, 個luggage已爆.點算??

^^

真係替小香今晚嗰團歐洲擔心, 見到佢成個人謝哂...無哂心機...明明今日放假, 但由早到黃昏都stay喺分行不停打電話...好忙...真係做long haul領隊真係好辛苦...final 4點幾改咗飛ke seoul transit 8個鐘...都好嘅...見佢應該對上嗰次應該係清朝時先去過韓國, 兄弟嘅, 幫到佢都盡力幫啦, 人地話我地cd 無term work...今日真係一個好好反駁啦, chim chim 同simspon幫佢打比話通知轉flight, 個個幫佢撲form,  term work ~~

 終於同到飛機人食到晚飯lu...^^; 簡單一個晚餐幾舒服呀, 上次因為病狂嘔所以撓住對方隻手, 唔知點解...今晚都想撓...

今日真係好多謝亞ho, 幫咗我100個忙, 幫我拎100萬出去, 真係感激~~

賴嘢~

開始買聖誕禮物....lunch去睇...點知自己買咗比自己...
收工...約咗elaine x2, tracy同monica去食, 之前同elaine行街..原來佢都係壞人...haha..之前喺2間shop略略睇過份gift...就係咁...爽快~如果今團d客好似我咁...就好啦...^^
不過...真係lee幾日洗大咗...洗大嘅定義係...真係大...不過唔緊要,..因為買嗰刻真係好開心...不過今晚只係買咗一份...自己都好鍾意, 因為之前已想買....真係驚,未到人地手, 我又拆開嚟自用呀...
就係因為咁...我決定我銀包入嚟嘅錢要捱到出團 ^^
仲有1, 2 月都唔買衫~
唔去karaoke, 唔去酒吧!!! ^^
**********
飛機人真係好似歐洲天氣咁落大雪, 搞到要delay 再delay...>.<
**********
尋晚嘅疑團....終於破解了...真係一則笑話...笑到停不了...hahahah

BODY FEEL EXIT

如果而家有人同講我, 燒道符沖水飲就唔會再咳.,我諗我都會試下呀....真係有咩方法???? 好辛苦...日日咳成咁.....肺癆??!!! 開始想捱唔捱到北海道....

終於知道以前d人嘅感受... 唔係第一位, 第二位, 排位嘅問題...而係好似唔受重視咁...ummmm....

想轉工嘅心愈嚟愈大....派咗北海道都有咁嘅想法....真係第一次...之前都係一派日本, 即打消念頭...上網開始searching....

收工同波波, hehe, 姐仔 4個人行咗一陣, 買咗對靴...好靚,i like it, 我會帶埋佢去北海道 ^^ 4個人都有買嘢, 真係唔可以一齊去shopping 呀 ~~

哈哈

真係....唔知講咩好...哈哈~~
嘗試想, 如果唔係你, 係另一個人, 答案一樣嗎?? 哈哈~~
無事發生.

原來GALAXY TAB 暫時對我都係無咩SPECIAL...因此,仲未想換I PHONE....因潮流關係, TAB已DOWNLOAD哂什麼TANGO, PINGCHAT, WHATAPPS, ....但只係DOWNLOAD完AND開埋ACCOUNT....真係未有咩特別興趣玩....真係唔似我...正常嘅我應該會狂玩丫...點解嘅????
**************
飛機人...原來對我不在乎???!!! ~~哈哈~~~
**************
真係未試過, 距離出發仲有1個星期, form已填完, 小錦囊打完, 名單都打完....真係.....快...哈哈~~
**************
第9次醫生了...醫生都忍唔住講: " 你仲未好呀???? "哈哈 ~~~
*************
P.S THANKS MY DEAR BABY & 豬豬...LISTEN TO ME...

心態

近排無咩講電話, 又無特別約人食飯, 心態好似有d唔同咗...
由尋日失蹤到今日?! 一出現, 就好似發我脾氣咁...比著以前, 嬲死...
但...而家...真係nth  !! 一d hard feeling 都無, 唔知點解會覺得, 對方cool down 之後就自然出現...
係比重方面唔同咗??? 真係唔知...
只不過, 開始覺得, 有d野係唔會陪你一世... 我只可以選擇"珍惜現在所擁有" , 包括男女朋友, 親人....因為...經過lee個幾月, 病足咁耐, 同埋同輝輝嘅對話, 真係唔同咗...

***********
仆街丫...又病過...夜晚已經3張被啦...都病...無嘢好講...咳到頭好痛....真係好無助...

not enough

又一次...一日holiday係絕對唔夠嘅~~
landing返到屋企睇劇集到2點幾3點...今朝11點起身, 把握時間同媽咪落jusco, 陪佢食嘢傾下計, 幾個家庭, 我真係覺得自己媽咪係最好...^^
之後去哂幾間銀行, 搞哂所有嘢之後, 就同亞池上咗去亞賴屋企再去飲茶...
夜晚再同cherry瞿同matt chan打邊爐 , 然後再上亞恩到拎貨...真係忙死咗 ^^
一次拎哂所有新衫同褲...成床都係...決定收手!!! 太誇張啦...
今日派咗團,好開心可以過一個白色聖誕 , 同埋...聖誕同元旦都可以喺香港過 ^^
24號可以去party...
31號可以去倒數...十個開心 ^^

真係好開心好感恩之台北4

後悔無同咁多好好好朋友, 新朋友影相, 因為真係好開心~~~
開工等收工, 晚晚有聚會, 收工即報到!!!
第一次喺台灣一滴酒都無飲....繼韓國之後....原來我可以 !!! 唔係一定要飲先開心.. 又一個新挑戰~
今次行景點都幾怪, 不過我讚好... 頭2日已經去哂我最唔鍾意嘅故宮, 鼎泰豐, 同大戈壁...放西門町2hr.. 即衝上去粉人屋企,然後再上冰冰屋企飲湯.
第2日, haha....真係估唔到...2個站都爆....已穩坐6巴...真係感激感謝~同埋好似已打破我本人紀錄...收工...即去內江街聚會. 13人...飯局, 粉人一早order2碟我最喜愛嘅咸蛋炒苦瓜...10個讚..今晚...走嘅時候已2點幾..叫我唔好走, 第埋你返去, 已經唔係第一次...發覺近lee幾次, 每次見你愈嚟愈唔開心...唔開心嘅定義, 好似要喺聚會前30mins 留比你告解..真係好擔心你...又飲大了...幾眼瞓都好..都同你行返屋企先, 送埋你上戰場...或者有陰影啦..真係有d驚, even 行得正企得正...不過...真係怕怕...作為好朋友, 真係好擔心你handle 唔handle 到...唔想你唔開心, 但又幫你唔到...正常嘅我應該好好陪你飲埋一齊..但真係唔可以...所以今晚咁清醒嘅情況下見你咁..真係好唔開心...因為...我真係好希望我身邊每一個朋友都開心, 快樂.
第3日半free, 收工, 同個guide同佢d fd 飲茶, 之後再同寶姐high tea, 同佢傾咗好耐嘢, 有d嘢真係好似只有你先明...真係針唔剌到肉唔知痛...好開心, 一句,"你係福星, 你可以同咩人都夾到.." ^^
之後行咗一陣街, 再去亞嬌屋企, 一間我100個鍾意嘅屋企...2層, 好靚嘅裝修...然後再去冰冰屋企食住家飯...1000個好食...好warm..好得意, 我未拍過冰冰, 但同佢好friend. 好夾...可能人夾人啦...真係好friendly....佢仲狂大叫,唔要拍我, 驚d客嚇親我地嘅對話...hahaha...之後suki leung都上咗嚟. 3個人去喺亞嬌屋企傾計, 就係咁...又係12點幾1點先返酒店....
westin 張床真係好舒服..不過真係好細..,所以今次2晚無咩喺張床瞓都係無壞...嘅^^
第4日..再殺多2巴...真係好堅...
就係咁....4日3夜台北開心之旅the end....真係好唔捨得d朋友同d住家菜...台北4真係好舒服...真係唔mind3個月1次...去探朋友又好, 去食下嘢又好, 去行下街都好...good!!!

爽

TWE真係台灣之最。我鍾意，無咩嘢做，餐又唔洗點睇，全程坐下面打機。景點大部份都係放free.酒店又得，只係要夾客，差咗囉。。
尋晚成晚無瞓，驚好似早幾日咁自己熄咗鬧鐘都唔知。所以一個鐘醒一次。加上食埋藥，上機大昏迷。
一早有人同我個講咗個街係點嘅人，基本上我不嬲都唔會理作佢地。啱咪講多句，唔啱咪只做好本份囉，不過。叫我頭咪揸五至十分鐘，喺台灣真係有難度。可能太熟啦。點知都講咗廿分鐘到，真係估佢唔到，竟然打比粉人嘈，你啦星丫，又唔關粉人事，報串，痴線架？不過除咗lee樣嘢討我厭之外。其他嘢我都buy喎。同埋由於唔friend關係，所以唔洗同佢soso揾話題，放西門町上粉人到，唔洗諗方法撇開佢，good^^
上粉人到，難得單獨相處，尤如神父聽告解咁，比咗30分鐘佢，唔話得啦。朋友嘅嘢。同我friens得嗰d真係差唔多串咀呀。。由於比咗希望佢話買咗milky seafood 比佢，點知final只係seafood no milky.friend真係friend ,串人嘅說話都一樣。同我尋晚打比朋友話佢買錯嘅對話一模一樣，咁衰。haha 今日第一日已精彩，放西門町上粉人到傾咗陣之後再上冰冰屋企食住家菜。超開心。仲要有我最愛嘅湯水
尋晚發咗媽咪脾氣，懺悔中。

話題

真係...無諗過我嘅病都可以做人地午飯嘅話題...不過好在...講完之後同我report返...
"停薪留職"??....真係無諗過...有d impossible 嘅感覺...
"轉坐counter"??....更加無可能...一係唔做....
好慚愧, monica 同我講 "你比個暖壺我啦. 我媽咪煲湯,倒d比你飲丫, 你再係咁唔得架啦, 差成咁..."...聽完..真係好無面, 自己媽咪唔係唔識煲湯, 唔係唔識煮飯..唔係無時間 , 但日日我都係食外賣...真係好瘀...
係咪係時候轉工呢?? 點解個個講到好似叫我就死咁...??? 我身體真係好差咩????

big 5

旅行團有5大保證...今日睇第8次醫生, 都講我都有5大....氣管敏感, 皮膚敏感, 眼敏感, 鼻敏感同腸敏感...他媽的...邊有可能有咁多敏感架...仲要講轉天氣, 食錯嘢, "5大"即到...shit!!
唔通真係年紀大機器壞???
今日仲要唔知咩事...行樓梯都可以kick到...仆到碌咗幾梯, 好在有個男人咁啱行上嚟, 即刻攬住我...如果唔係真係唔知碌去邊...亦都好在有lee個男人, 所以無傷, 只係對鞋鞋頭花哂....真係好忟...
無心機講嘢....真係無哂心機....
終於體會點解d人因病做傻事.....真係好down...

happy wedding




一個表哥, 兩個哥哥

 


真係好開心, 幾個原因...
因為健表哥結婚...祝佢地幸福快樂...三年抱兩
第2個原因...真係估唔到...一見到大阪輝表哥, 我倆竟然擁抱一下...幾年前嘅事..我想大家都無放在心內了..觀禮完, 竟然兩個人一齊行街,飲嘢, 傾計..更估唔到..傾計內容唔係普通話題, 而係都幾深入...大家私生活都講埋一份...媽咪知道我地2個一齊時, 佢簡直唔信添.hhaha ...真係好開心...好開心...yuri 已經3歲啦...好cute..好跟我添..haha估唔到呢....
竟然哥哥要求我地一家四口一張合照....應該話lee張係第2張家庭照...好warm...

***************
失而復得真係好開心...哥哥漏咗部galaxy tab喺的士度...打比我同我講, 大家都好down...但...竟然, ...我真係相信人品好, 心地好, 個天會幫你lee句話, 唔係的士司機打比哥哥, 而係下一個乘客竟然係哥哥第2個部門唔識嘅同事打比佢... 佢開咗部機睇咗哥哥嘅fb, 知道佢係同行, 竟然打比佢....仲要送過嚟馬場....真係好幸運...老實講,EVEN 同行都好, 我相信都照拎~所以我倆即刻開心哂CHEERS~~~

雖然今日Q咗假, 初頭覺得唔抵...因為我唔係咩POST. 但經過今日整日同輝表哥幾年無見相處之下, 值得 !

一家四口

不過付出代價係....因為貪靚, 著咗對3吋幾嘅高跟鞋, 但....成個下午喺尖沙咀行嚟行去...SHOPPING...真係腳抽筋, 痛死~著咗足足一整日...走嗰時已經痛到行唔啦.....到回程一上的士即除...LEE D 咪叫要靚唔要命囉~

同埋不得不承認我今日表現功夫好GOOD好大體,簡直最佳女主角呀~~~ 對住唔識嗰D簡直好似返工上身咁...假到好有HEART好堅!!! HAHAHA
好期待今日所影嘅相...因為好多都尤如家庭照咁...好多EVEN 住樓上樓下嘅親戚,都唔係成日見(應該話無咩點見)..今晚LEE個聚會, 十個讚!! 不過美中不足...有D嘢做細嘅出唔到聲,但...唔洗咁絕囉有D嘢....
不過今日真係好開心, 可以比我有一個家族FAMILY DAY~

TIRED

尋晚3點幾瞓,今朝仲要返早開門...真係好攰~ 都唔知係天氣乾燥定咩...d皮膚可以一撻撻紅...(應該唔關食物事...尋晚無飲酒,only3杯熱檸蜜...又無海鮮...)個鼻又勁乾...同robert仔好唔襯咗...連隻眼都勁勁乾...狂滴眼藥水...辛苦死..大單, 聽日健表哥結婚,咩都未諗, 衫又未諗,咩都唔知...而家仲要塊面咁...MY GOD! 好彩,聽日11點先到2/F報到 ,有時真係諗, 親戚住樓上樓下幾好丫...幾方便...真係有d懶到想著住睡衣落去...睇完之後再返上屋企瞓...爽呀~不過,今日聽個itin, 早知唔Q假啦. Q返早已OK...因為上午11點落樓下睇一陣, 之後FREE到5PM入場, 中間時間哥哥仲叫我一齊去影下相, OR HAPPY HOUR...好似無咩做咁...咁又動用一日AL啦....
聽日會破冰嗎??早在幾個禮拜前, 媽咪已經千叮萬囑唔好同輝表哥衝突或黑佢面... 其實都幾年啦...邊得閒嬲咁耐...加上...待人接物我自問OK GOOD嘅, 交戲WONDERFUL!~
不過真係未見過YURI, 唔知CUTE唔CUTE呢???
**************
今日check acc...oh...my god...lee排真係洗多咗好多好多...突然無咩安全感咁.....點算~
stop spending and wasting!!!!

sorry

鼓起勇氣打比你同你講...無想過反應咁大, 知衰, 將心比己我明嘅...唔打比我, 幫埋人地打比我2次都唔同我講嘢, 我都知咩事...由嗰一刻不斷計日子...睇下就唔就到...但點計都好...真係做唔到...如果可以比錢去換取, 我真係唔介意...我唔想任何人唔開心..
之前都無應承任何人, 因為應承對方在先, 但...今次真係事出突然...義意重大..真係好想好想去, 所以應約...應承嗰一刻都已經知有後果...但...我真係好想...之後無咩機會可以咁....
未試過喺karaoke 條走廊用差唔多45mins 時間say sorry...亦都自出娘胎從未同一個人講咁耐sorry..對唔住..求人地唔好嬲, 原諒自己...真係好驚對方嬲, 唔鍾意自己...對lee件事自己真係好認真....even對方finally同自己講由頭到尾都唔嬲, 老實講我唔會信...語氣已聽得出了...對唔住!!....
竟然同lee邊講對唔住, 到另一邊講唔會原諒自己...即刻down哂...唔知點好....又再數手指....越數越亂..1+1+3+5+7=17 ....我想要你, 又想要你你你....手背係肉,手掌又係肉....成晚坐立不安, 加上堅持唔飲酒,真係high 唔到, 投入唔到....好在有monica....stay with me...
我真係好希望可以令大家開心...
今日所有對話, fb inbox, sorry! 對唔住~i'll try my best!
唔好嬲我...我真係為咗lee件事懺悔...
*************
直到晚上一刻,都係無約我...吊起我??唔比我估到???原來大家都係karaoke...有少少輸比對方..因為識我太耐,知我咩性格?? send sms唔覆...心亂七八糟...
*************
原來..我係鍾意韓國架...因為韓國死咗次後..我真係無咩地方可以去架....唔係大陸就係大陸...真係好驚...不過今次好lucky...竟然派咗團台北4天, 仲要有一日free, 加上住5星...12號出發, 14號free day.15號返, 快靚正, good!!!
突然..今個聖誕...我想落seoul~ 唔知點解呢???

***********sorry for all my dears, i love you***********

休日

尋晚一早就瞓左。唔知係冬天定咩。真係好瞓得，未到十二點已瞓左，瞓到今日十一點幾。。食左早餐睇左一集perfect report之後。再二度瞓。到唔知幾點, 監護人打嚟叫今晚食飯，原本打算今日全日暖家添。瞓到三點幾，好似開工咁。先去睇第七次醫生。再上佢到。真係好多謝佢以前開始介紹我比佢d朋友識。亦都無諗過食過幾次飯都已經當我朋友。坐低無耐已經問我"近排做咩成日唔開心？"真係估唔到....前排sara yau都係咁問我。其實我真係無唔開心丫。喊因為豬豬要結婚所以感動同開心到之麻。要認真，因為打麻雀太多嘢講分哂心所以要認真之麻。有時不得不佩服人嘅想像力。
今晚同兩大監護人加池加大頭林加patrick cheng 一齊打邊爐。嘻嘻哈哈又一晚。幾開心丫。
點解landing 唔約我嘅？淨係報告今團生意比我知。。。我有dd想比你約。推一場都想你約。縱使好友話唔match有問題，我都有想嘅心情。縱使最後無得做朋友，我都有少少想。縱使後果都一樣，亦可能不久將來都係攬住好友喊或自閉，因為唔想後悔。
係我想法唔同定咩？

呻

咩都唔比食...雞又唔得, 奶類又唔得...海鮮又唔得, 生冷嘢又唔得,...其實我唔係回教信徒囉...淨係食豬..我已經好戒口.....不過唔食雞真係唔得囉...真係比死更難受,廿幾女,每隔一排又聽到戒口lee 2個字,好悶~旁人對我好我知,但可唔可以站在我立場想,幾時先戒到七十?"好返D先食啦..."車,我從來都未好番過,搵我笨!

HAPPY DINNER

主題係..."為慶祝豬豬要結婚之去遠d食好d"...難得今日唔洗Q都返到早...18:30仲要準時收工..所以好開心咁去九龍城食意大利菜. 個名唔太得,"小店"但....d嘢食超得~價錢又得~10個讚丫~

是日又係未停過嘅笑....真係好好笑~~
"去立山有咩睇"---"黑部"
"邊有可能影幾次相, 都係話我同個韓國女星, LEE HIYON??次次都似架, 又似鈴木亞美, 又似松隆子...不過最好笑,如果似男人的話, 我竟然似劉德華...HAHAH..不過好過AJ似江澤文...^^"
"去水雲間睇表演"--"正確係水舞間囉..."HAHA

以反對票形式去選擇地方...去旅行事宜終於有個初步方案...但回家路上...大單...邊有咁多假呀..而家得返13日...扣埋亞比結婚做姊妹...如果佢真係扣我大假...得11日...點算...7月7日北海道...而家另加一係3月5日濟洲加首爾, 一係5月日本立山黑部, 點算先....? 有無得買假呀??好頭痛呀!!!!\
真係好期待每一次旅行....講咗10年嘅地方依然堅持唔去住, 去D突然想去嘅地方~
今晚PLAN咗好多嘢LU~~~

恭喜哂

一早起身, 第一個news....
"土耳其求婚成功!!!" 一望到lee個sms就開心到...流2滴眼淚..真係好開心...
好似自己say yes 咁...好感動
一個最最最好嘅朋友...要結婚啦..衷心真心恭喜哂~
做咩pose , 開聲~~~
終於之前嘅planning可以大派用場啦. 電筒帶位..
為慶祝豬豬lee 個good news, 所以我同恩恩同jayjay要聽晚去"3人食好d"慶祝一番..
仲有呀,應該搞個旅行為人地結婚慶祝 ^^
honeymoon 唔該加多3位丫..^^
hahahahah
今日超開心~

鬼上身

真係好怕沖完涼,洗完頭, 塗消毒藥水加藥膏嗰一刻...好似鬼上身咁, 典嚟典去...受死...lee個moment就會後悔自己嘅飲食.....點解近排嘅病好似細個時咁..不過而家係嚴重版丫..???LEE度爛,嗰度又損,
************
收工同hehe 同monica行uniqlo, 短短25mins...真係好似唔洗錢咁.....hahaha ^^.真係開心 ~
上個月無咩點洗, 而家返嚟, 平衡心情~~~~
***********
OVER AND OVER,REPEAT AND REPEAT...期待與等待..我會成功,我會幸福嗎?? 今次一大障礙..."14"...自己不斷想, 不斷諗, 奇怪嗎?? 但似乎是理想TYPE.
再行, 就....等於START...
TRY

充實

講都唔信, 濺命真係濺命...瞓咗4個鐘, 瞓唔返...不過ok嘅, 難得一日假, 加上行程今日相當緊密...可以做辦多d事...終於有空去高等法院搞埋final手續啦...以為入面好莊嚴添...都唔係嘅, 咪商業大樓咁...車~
之後即刻去拜訪監護人..真係好耐無見了...一個月有多啦, 超開心, 終於發聲"b"lu..^^ 好cute...見到亞b咁cute, 竟然講咗一句:" 我都想生個..."不過...去到黃昏時...再忍唔住講多一句:"我都係唔生啦"...sammy姐姐真係好怕過度活躍嘅小朋友....
夜晚同埋黎小姐食...哇, 見到佢嘅表現, 我真係有d大壓力...
今晚攞正牌, 飲紅酒, 一支...點知...太耐無飲lu...個胃好似唔係太受得...嘔3次....都係少飲為妙...
真係有無咁多話題? 5日無講...由11點零, 一講講到2點幾....真係痴線..真係唔知咁耐, 可能....瞓咗喺度講啩...但真係....痴線~一d時間觀念都無...^^
東歐?埃及?曼谷?馬來西亞?杜拜?我都話地方唔重要, 就緊要心情嘛~~
所以..我決定唔諗lu...

老短

諗都無諗過會有機會再去廈門, 對上嗰次,五年定六年? 嗰時係雜誌派人扮秘密跟團,今次真係意想不到嘅驚喜, 可能公司知唔可以安排太辛苦嘅比我啩....不過當老短帶OK 嘅,$1099唔係有要求呀,同埋班客真係老短人,會自助式唔洗我理 ^^ 每日我只係期待夜晚返酒店喺佢個電視揀睇咩演唱會嘅時間,美中不足係間房好DIRTY~不過都影響唔到我嘅F/S心情!三晚,哈哈,安室奈美惠,倖由來美,濱崎步三場tour睇埋,爽呀,真係好似去現場咁...但三晚都瞓得好差,基本上,喺一個密室到瞓(窗全關,冷氣,風全關)但唔知點解可以凍到咁恐怖,EVEN 尾房,但無驚嘅感覺,乜唔係已經係無嘢咩?成晚瞓唔到,第二晚拎埋隔離床張被,先至OK ,但全程發惡夢...有瞓等於無瞓..last一晚係要用好驚嚟形容...發嗰個夢真係好恐怖,咁猛???未出發之前曾發一個夢,夢見自己行山路連人帶車跌落山崖,但仲要有離心力嘅醒咗,但點知行程去第2日去土樓嗰日,頂,行行下車,望見熟熟地嘅山路,真係好驚好驚,個心諗唔係呀?咁邪???狂諗經!好在LEE個moment SHERMAN打比我,分散注意先無咁驚咋!真係好驚, 好邪...
so far 幾日都真係幾悶...電話都無幾個講, 好俺悶....只係同elaine mimi ,taco同sherman 傾咗一陣...sms都無咩點send...真係好無聊, 撞嚟撞去, 都係撞信成, kk d t/l. 唔係"hill', 但見到佢地個look 真係唔想同佢地soso...
所以當第3晚佢地打比我約我landing 打麻雀, 即刻okokokok ^^ 有d衝擊...
今次tour 諗咗好多嘢...都可以話係諗多咗...但點都好...順其自然啦...啊~~~ 又係咁...over and over, repeat and repeat....
landing..即去打麻雀....打到4點幾, 5點幾先瞓, 但都唔係好攰....
今晚..真係唔認真呀...成晚唔知點解, non-stop係咁講嘢...真係好似好耐無講過嘢咁...^^ 由於太唔認真...所以輸咗囉. ^^

你個friend

"你個friend點呀??" 邊個先??
"你個friend幾時返??" 邊個呀??
"你個friend喺邊??" 邊個??
"你個friend出緊咩團??" 邊個??
"邊個拍你個friend喎.." lee個易估d, 因為唔係韓國就係馬來西亞...不過..係邊個拍呢??
"喂,你同你個friend點呀?" 邊個??
"你唔好亂食嘢, 你試下食丫, 我即刻打比你個friend"...lee個一聽就估到...但...我相信你打比佢, 佢都應該唔會理你囉...打小報告加恐嚇我, 我唔驚你...>.<
我真係...比我d朋友或可愛嘅同事玩死..."你個friend,你個friend......"邊個姐, 唔識講人地個名咩...
**************
lee幾日個個sell我i-phone, galaxy s, 為咗oversea時玩ping chat同tango..哈哈..哥哥買咗galaxy tab..比我出團用...所以唔洗買lu..同埋..問咗2個重要朋友,佢地都唔係用lee d 電話...咁我出i-phone同galaxy s 又有咩用呢(喺hk)..所以電話無用了...^^
**************
好似由上團landing7號到而幾日都無講過電話...真係好耐..8-22號係我病咗,基本上, 邊個打嚟都係聽我就死嘅聲音....好朋友真係好朋友...其實又唔洗夾成咁...交間咩...仲要同一個病...所以真係好擔心...尋晚打比對方...真係9唔搭8嘅回應, 真係好想即刻過嚟睇對方..無睇佢幾點開工, 仲諗緊今日lunch坐的士過去拎d藥比佢partner...好在..原來係下午開工...可以執料交收...^^; 真係好細心...突然覺得自己..hahaha...
*************
今晚最終都去咗食飯...幫我拎袋..gentlemen 姐..唔好諗咁多... 不過, 真係幾好傾.大家有共同話題...可能我講多咗自己喺韓國喺朋友屋企點, 去韓國點...所以佢臨尾都試下我...講講下, 你男朋友喺韓國? 真係想講係呀, 等佢唔好諗多...做朋友幾好丫...男同女一定要做拖友咩...唔可以係好朋友...even我同laurent直到而家都比人講...其實真係悶咗, 我真係驚佢以為我仲鍾意佢...
************
突然真係好想好想走一轉, 行開下, 你即刻問我想去邊?未諗喎...總之過完年啦... even3日都好...我要走!!
***********

忙

真係估唔到..因為lee個病, 我竟然...會追香港d劇集...義海豪情同刑警...真係估唔到....
搞到每晚睇完之後再追日劇..好在今季得2套姐...
*******
自上次食飯後...即晚send sms比我, 之後on tour又send, 又網上傾計..一landing 打比我...同你講
"happy birthday!" 叫我同你講埋"分手快樂!" ...感覺怪怪咁...原本應承今晚出席生日派對, 因為堅持"謝絕function", 加上佢又唔係到...真係唔想出...尋晚已婉拒, 但landing 打嚟約聽晚食飯...真係好奇怪..生日後幾日, 唔係應該好忙咩??? 我唔想誤會..但...我希望唔係啦...因為我真係無咩感覺...可能因為...但...上次佢都已經做到好出面啦....無理由唔明架???!!
唔見又掛住, 打比我又係例牌....想點呀, 黃b
******
唉....一到年尾, d 保險又嚟比錢... 真係好似打劫咁...原本打算出電話(lee排狂比人sell d funtion, 什麼ping chat, tango,.....main point係慳好多電話費...好吸引...)...不過..而家因為d bill..都係遲d先...點好呢? 買電話+手袋好定2月行一轉好呢???... 
******

day by day

日日都係咁咳..咳...咳...食藥..食藥...食藥....返工...返工....返工...真係好悶...
每日返工最開心就係約人去(even 美記亞bell, 康泰亞龍,mary, 花仔rick tse...自己公司漢東 ....串到仲要打比對方, "喂係時候落去4/f 抖下 , 門口等", 去4/f 露天位...relax...specially 而家有d風...好爽好舒服...^^

開心好簡單

今朝一個msn 已經開心一整日...今晚一個即興飯局...真係好開心..近排可能少見人, 心情唔好, 成日都瞓床...真係無咩可以衝擊到自己心情...其實今晚真係唔應該出去食飯..因為仲未病完...但心野嘅我, 最後都應約...當然今晚火鍋好多嘢都唔食得..同埋佢地好就我...所以都ok ~ 戒到口.

話題好好笑...真係估唔到自己想像力好堅..堅嘅定義係亂嚟...hahaha.. 了解真係了解我...竟然問我lee條問題, 有留意我 ...haha..^^
今次...守口 ~不會向外界發表任何偉論 ^&^

竟然...派咗團廈門..真係估唔到...一個平過老短2天, 但有飛機,坐ka...真係...無野講.

touching

做朋友. 層次真係一定有分, 有時叫"兄弟姊妹"嘅, 係咪真係兄弟姊妹?? 開心sharing嘅, 喜悅sharing 嘅,好多人都做到...唔開心,有心事時幫你sharing嘅, 叫好朋友, 但當你病時, 真係擔心你,  (會feel 到邊d係真心) lee d 係最難搵...唔係人人都做到...好在...我有lee d 朋友, 真係感謝個天

今朝一開facebook, 收到inbox, 雖然只係copy and paste, 但心意已經收到, 好warm, 原本低落嘅心情有d溶化咗...望住你個msn微笑 ! 原本今日唔聽任何人電話...而家聽你一個丫.. ^^

thank you

悶悶不樂

醫生已睇過4次..
病假已放4日...
藥已食到無得食....
但...點解仲未好返, 仲係咁架....
d皮膚又開始嚟料...真係好忟..係夾埋嗎??? 仲有咩丫, 一次過嚟哂丫...唔好間唔中一樣, 間唔中一樣丫...
心都煩哂...
咩mood都無哂....
shit!!!!好忟!!!好悶

FINAL CALL

頂唔住..上完堂去咗法國睇...真係辛苦咗...
如果lee次都睇唔好...我真係唔知點算...因為真係從未如此這般耐同辛苦...
又2日病假....
加埋tn, 我足足7日定8日啦....

今日聽返媽咪講..32歲??? 唔係呀..咁大單..??? 咁算.....

hard

真係好驚...同朋友傾傾下電話都可以要收線趕去嘔...真係好擔心. 究竟同醫生先生夾唔夾?? 已經轉咗第3個....難得一個醫生睇咗2次, 食咗佢d藥都未暈低....已經唔係夾咩??? 嘔完 好似飲完酒咁wing 咁瞓...好wing 好wing....忍唔住send 句 真心話比你:" 好驚呀"

今日上半天都好地地. 放咗學見難得一次喺旺角, 難得的朋友放假, 難得的2年無見....打算食個便飯...去飲嘢其間, 亞龍都話過埋嚟(識咁耐第一次食飯)....點知...就失禮哂......狂嘔...好暈...標哂冷汗..真係好辛苦..自己好想即告坐車走...真係好驚自己都暈低...將2個人好似水泡咁捉住撓住....嚇親全世界...真係死撐咁完全整個晚餐....

2年後見面....真係感覺唔同咗....

酒

熟我嘅, 都知我個人嘅定力有幾勁~
只係喺fb 打咗一段嘢...已經被睇死, 我明嘅, 自己都知自己事...haha
不過諗深層, 其實近1,2年已經少咗去玩..
最少, 出團飲酒少咗啦...以前出團見有人飲, 自己一定飲埋一份, 但而家無啦..飲可樂多咗....加上係年紀大咗定咩?真係睇人先諗出唔出去夜宵...
有d地方都已經立咗個牌寫住 " 除非有permit, 否則嚴禁" 受監管...除非偷飲...但..都ok 啦..慢慢地已習慣 "約束" , 不過係得一次追酒飲, 叫人陪我再去下場飲姐...^^; 但後尾都被發現丫...
唯獨台灣, 一定飲...改唔到.... 
喺hk, cd 已經少咗function, 又少咗機會飲....同埋而家已經無咗以前咁好玩....亞kiu亞ming 嗰段時間係最顛...一個月好幾次通宵...
自己出面朋友, 都唔飲酒...
但承認...飲紅酒次數多咗好多...

不過....我真係唔想咁快要人扶我靈, 幫我拆帛金, 我仲有好多嘢未做 !!!! 所以我會努力忍忍忍 ~~ 戒口 !!

想法

由7號landing 到而家, 已經睇咗2次醫生咩啦..點解可以仲咁差...??? 一到夜晚又係咁...fxxk! 媽咪狂迫我睇中醫, 但真係唔想比佢拖住睇.... 日日都比佢sell中醫有幾好...好煩

返咗幾日工...死啦...好攰...同埋真係無試過連續幾日都咁勤奮, 日日收10幾客...元氣大傷...同埋而家唔知係咪放大假多咗....出外旅遊散心hea 嘅時間多咗...而家又心癢癢...真係好想2月or 3月又走一轉..但真係唔可以咁任性., 3,4個月又走一轉...雖然唔係好貴...但始終係破費...點算好...

可能而家飛開嘅次數多咗, 因為工作上關係, 所以旅遊觀念同前2,3年已經好唔同..或者, 生活要求高咗, 唔洗為生活太煩惱, 基本上只要公司一批假, 話飛就飛, 去邊? 同朋友都唔洗相量, 是旦講一個地方, 唔反對就走...目的好似為咗"飛開"而飛, 行程?唔要都ok! 唔plan都得! plan 咗都唔跟! , even 成日stay hotel 無問題~ 但只講究食同住....觀念真係唔同哂...

繼上次澳洲之旅之後, 真係好想再去一個地方, partner都未去過, 而唔係"陪" 嘅地方....但諗咗好耐...真係好難諗, 有d地方好想去,但基於"接受唔到其他配套" 而打退堂鼓..."埃及"已經係一個好例子...40幾度? oh shit!
有d地方, 覺得係時候去..但個mood 仍然not ready! "東南西北歐"....
唯獨日本..未去過嘅好想去, 立山黑部, 九洲, 廣島....但.又係日本呀??
係我未夠深度定咩...其他地方...真係未有咩興趣....其實我係咪一個旅遊從業員???

但一講到short trip 幾日, d 地方已經去過無數次嘅地方..真係想encore再encore...泰國,台灣.....是旦丫...

諗, 其實我係為咩而去旅行?? 為地方已經唔係啦, 一d想增廣見聞嘅heart 都無, 為hea為休息? 咁去長洲南丫島澳門租2晚都ok啦... 曾經有朋友講過唔知尊重定重視同我一齊去嘅旅行 , 聽到時真係好surprise...因為無諗過原來lee個都係我嘅答案...

復工

今日正式復工... 狀態大恿...不過係..成日喘氣, 但最少有精神丫 ^^...
不過唔知係咪無返2日....亞姐全程無采過我...wor...anyway, i don't care~~~

不安

計下計下,原來病左五日啦,一到黃昏就好驚,都唔知點解一到夜晚就最辛苦,好怕一個人!好無安全感..好不安...

背影

上training, 望住他嘅背面...不禁想, 佢都幾smart 丫, 點解我會放手???唔珍惜???
真係想唔到理由...

HARD

真係好辛苦....食咗藥, 難聽d, 比人搞都無力反抗...
成日好難捱....
收工太唔舒服, 坐的士返屋企, 一返去...狂嘔, 連飯都唔食...昏迷....
食咗藥好似無好到咁..好似仲worst咗....係我唔比信心醫生???
真係好怕病...真係好似好耐無試過"交換條件"...

真係好hard....
~~~~~~~~~~~~~~~~~~~~~~~~
今日一收工, 即刻再去睇多次醫生....咩呀??上次d藥有嗎啡??? 真定假呀??所以咁攰??? 但...點解好似唔太work咁...咳到個肺都跌出嚟....日日好似take 咗嘢咁....好迷幻....
幾時先好返呀....

昏迷

lee兩日瞓教嘅程度係去到堅..好似10個世紀無瞓過咁...
胃口無減, 飯照食, 討厭嘅冬瓜,薯仔照食...唔怪之得, 個醫生問我2日夠唔夠放啦...食完佢d藥同昏迷係無分別嘅....1日24小時, 有成20個鐘都係瞓喺床到...上網都係食完藥唔可以即刻瞓時先上一陣, $160真係堅.....比韓國買嘅藥仲堅, 行唔到直線...

但好堅, 夜晚哥哥可能心情唔好, 發媽咪脾氣, 我睇唔過眼,竟然帝國反擊戰..最後佢被擊退返入房, 而我...都入房...瞓....

lee2日...完全用唔到腦諗嘢....迷~~
每日一個電話,第一句:"點呀,好D未?仲有無咁WING.."你嘅慰問,真係好WARM...

假期=160

而家睇醫生真係抵, $160, 又有咳藥水, 又有沖劑飲,又有6粒五顏六色嘅藥丸食添....最重要係食完藥之後, 最少要你5個鐘瞓喺床上昏迷, 堅呀~ 

因此聽日返cj, 打比亞姐請埋聽日病假, 我明嘅, counter人手唔夠呀, 忙到死呀, 出哂團呀, 上training 呀,我明嘅, 不過返到緊係返啦....

休多一日...

最討厭嘅薯仔你又出嚟啦....

THANKS

5日韓國, 都幾開心...
初頭真係好想推, 但幾個原因啦..唔係凌晨機, 唔係cheap團, 可以同sherming見到一晚(lee個亦都係落seoul一個開心原因),又可以撞到亞花(人地唔知以為我地2個做op添, 2個人講到好似拍住行咁初頭....),同埋seoul嘅餐差極有限..^^ 
不過..最衰自己病咗, 搞到要小春照顧幾日, 幫我做埋嘢..thanks! 仲要幾個工作人員交叉感染..全病...
真係未試過出一團食藥多過食飯, 每次食完藥之外, 都浮下浮下, 好WING....
識到一個人生經歷豐富嘅人..5日4夜, 差唔多晚晚都聽佢嘅歷史, 真係好鍾意聽, 好有興趣... ^^真係好傳奇...佢d story又唔悶...好多問題想問, 但又唔好意思wor...^^
對上一次韓國KTV, 應該係清州, 今次竟然係雪嶽山, 無錯, 唔係SEOUL, 而係渡假區, 雪嶽山~
講過只會飲少少, for 應酬...但都係擔心...specially 返到去房...始終. 驚驚地..由其係聽到佢地話好wing, 好暈,好醉, 斷片一刻...同埋我真係相信,而家d影相呀..壓力真係好大, 邊有可能2個影相, 咁玩得, 咁唱得丫...我已經攰到死, 真係死, 佢地仲可以輪住唱d咁有感情, 好似去哭喪嘅悶歌丫...搞到我仲想瞓...
終於返到seoul, 第4晚,返到酒店, 約咗sherming 見面, 一週年多啦...終於被釋放啦...我嘅"蟹御殿"終於食到啦...100個開心 ^^  不過最衰食完返到屋企塊面開始敏感...唔爭氣..下次都唔知仲有機會食....
無返酒店瞓, 比咗間房小春, 亞bee, 影相仔瞓, 如果我都瞓埋, 就真係好似去咗渡假村lu...去咗sherming 屋企到瞓....好似返到屋企一樣, 舒服哂...^^
好好笑...喺1 日1晚, 小春聽到我嘅對答, 呆咗4次...呆因為...我對答得太normal? 神秘?? ^^ 真係好得意呀~~
喺韓國買咗隻藥食..真係好堅...堅嘅定義係...食完你會迷咗, 望嘢無focus, 唔知做d咩...好浮,好暈, 隻耳鳴哂...不過好似work work 地...
點解喺seoul嘅時間咁少架??可唔可以多一晚呀...???唔夠時間食嘢呀 !!!
last 一日, 3個華東tl (我,clarie, jerry終於首次會面), 一齊食個lunch ^^3團唔同flight嘅韓國團, 竟然可以喺機場又見面 ..下次一齊去邊???

SORRY

對不起下午發咁大脾氣,凌晨飲醉酒第一次要你服侍....
係咪飲醉?係啩,突然狂喊,病仲飲酒,仲要有人講熱水加黑牌對感冒好...真係低b..竟然相信, 仲要飲咗2杯...,痴左線! 最後咪由的士嘔到返屋企囉! 還記得馬來西亞嘅嘔,尋晚一樣!個幾鐘未停過!最後驚動黎小姐!嚇親佢了,對唔住要佢擔心!
今日返工, 要食完個lunch先回到魂...攰到死~
今晚收早即刻負荊請罪!做乖乖女,約黎小姐食飯,同行陣街...問我尋晚發生咩事??!一臉好憂心樣子,原來...尋晚返到屋企,邊嘔邊狂喊,真係唔知尋晚返到去係點瞓..無咗記憶. 點解喊?我都唔知...因為首歌?又唔係丫,係姣婆D說話?又唔係啩!真係唔知!不過...只係想大喊一場~
舒服哂~ 最少前幾日唔想講電話嘅心情都走咗啦~哈哈!

仍然

小小紅酒聚會...好似要等我宣佈什麼似的, 但其實..我真係無咩嘢想講, 無咩嘢想宣佈, 問我幾次係咪拍拖??!!

唔想講嘢, 只想聽只想飲...

空歡喜一場

原來去一次旅行都唔易...
由天數, long 定short, --> short, 再諗地方, 每人諗3個,  定咗啦 ---> 韓國滑雪, 諗日子 -->1月 , 點知, 今日亞姐講一月唔請得假, 就算入, 佢都唔簽...諗住改2月中..點知, 到朋友又唔ok, 代表取消了嗎??? 如果2月唔去, 3月就溶雪....再等一年....點好...?! 點解1月唔比入假架... >..<
真係堅想試下玩滑雪, 做咁耐...都未玩過, 平時都只係換套衫去影相...

第一次"強烈要求"... "不惜一切, 去換取" 如願以償...好嘢~~~
cfm 3號出韓國了...^^

感想

一團6天華東, 真係好漫長....

一個長篇 SMS 喺一個情緒低落時SEND 比7個我認為係我最好好好好嘅朋友, 得3個覆我...仲要係圈外人...真係有D估唔到....同心情...有D 複雜..
估唔到嘅係...3個覆我嘅都係玩埋一GROUP...雖然其中2個, 望完真係忍唔住笑咗出嚟...但真係..好WARM...
原來其他人已經聽慣了, 出團"不順形象"或"你有邊日無唔開心" 覺得太NORMAL了...甚至...睇完算...問有無收到我個sms 時, "唔...有呀"..that's all , 亦有人隔咗一陣打比我, 但...講其他嘢...
唔識講個心情係點....LITTLE BIT DOWN...

同姐仔短短拍到4小時...單單LEE 4小時...發現原來同佢係可以做朋友...真係最估唔到...估唔到一個好TOUCHING 嘅SMS, 係會由佢SEND 比我...同佢會面之後, 估唔到佢擔心我, 會打長途比我身邊嘅好朋友叫佢安慰我...更加估唔到我會打比佢"呻"....THANKS

突然派咗團韓國...真係好想推..."都唔知你小姐心情諗咩....好茅盾心情囉~ 最大原因因為...今團華東心灰意冷...好多嘢真係唔關我事, 但...係咁比人話...已經好努力將唔開心嘅發生TUNE為笑話,希望一笑置之...但太多笑話啦...TUNE 唔切...同埋.,...因為真係無諗過會派得咁快, 有個好朋友嚟HK...因為"無諗過"而無Q留港...但對方係上個月已通知我佢訪港..真係好想見佢...好想同佢暢飲..豪飲.....但..........
忍唔住打比你同你呻, 同埋同你講SORRY, 不嬲都好"知" 我嘅性格, 又一次講中,"你都係呻完就算架啦, 你呻啦..."真係好在有你...原來你係一個"氹B"能手...收線後心情緩和了...THANKS! BABY , 我愛你....

朋友其實真係雙方付出...真係有"掛住", "你悶嗎??", "你忙嗎?","有無想起我?" ...EVEN成日見嘅朋友都會有LEE個想法.
無聯絡因為"應該對方好忙...."時間耐了TUNE為 , "佢一定好忙 "...
當一個, 兩個SMS 已出, 對方無REPLY, 無CALL BACK, 都係一句 "佢真係好忙"
但我最WORST最想聽對方把聲而SEND時 , 而堅持無FEEDBACK....真係會唔開心咗...
忍唔住打比對方竟然換來一句: "你唔記得我電話號碼啦??"..一句可能用作打完場嘅說話,但...聽完仲負面心情同嬲嬲地...嗰個MOMENT, 真係好想收線...但記得對方話好憎人咁做...
不過...靜一靜再想一想...
又TUNE 出 " 對方不是得你一個朋友, 要24小時stand-by嘛.."所以好快平衡心情了  "
或者...因為當時已有其他人出現拯救我了...

LEE6日, 學會了"TUNE", 咩都由負面tune為正面~

check account

哈~ 一係唔check, 一check真係嚇死人....
原來lee2個月...真係揮霍得咁堅~~
但洗咗係邊呢???真係唔知....

狀態

今日返香港仔,竟然主管之下就係我! 一返工一句"今日幫幫手!今個月唔夠數..."同玉儀帶住兩個新人...點都要做下嘢.好在今日唔知咩事好似上身咁狀態大勇!自己都嚇親~加上,LUNCH又同到豬豬食,十七個興奮,最衰要帶埋個同事一齊食...
尋晚嘅心情,今日一掃而空,游游地,仲要行左陣商場,仲要angel 問我點解塊面咁, 又知道我去bbq 時, 陪咗我去食龜令膏, 仲要坐底食...哈哈,LEE D咪叫返工囉!^^

收工, 用1個半鐘嘅時間由銅鑼灣入去屯門 bbq, 同人講, 都比人話我痴線......真係有時估唔到自己...

嬲

上次講完, 面紅哂..
今日又提....好想喊..
點解唔放過我呢?? 每次借過嚟都咁辣著我...其實我面皮真係好薄, 好易喊, 係咪想睇表演姐, 每個人都有死穴...可唔可以唔好點中我呀??
原本成日心情好好好好, 收咗20個客, 加上夜晚可以同好友們開心飯局,...一問完(咬住嚟問, 仲要同上次講嘅一樣, 仲要喺其他人面前問...)...真好無嬲, 好唔開心...突然好似置身在老虎樂園入面...真係好想喊...好委屈...
你已被認定係壞人!!!!!!!!

入獄

放監2個幾月..係時侯要還押監房啦...今次仲要加監....真係好唔捨得自由呀...型咗2個月..係時候啦....咁多位, 我入返去之後, 我就少function , 少聚會,少shopping 架啦...
不過, 都好嘅, 如果唔返入去...真係見不到未來...^^
你為我好, 我明嘅~所以只有接受與承受.
相信你朋友都感到奇怪...見到你這個獄長形象~
 ^^
由半年--> 一季-->每月... 我會努力服刑...唔會輸~ 睇住嚟 !!

BEST FRIEND~

謝謝你   有你在我身邊真的是太好了

不管是什麼時候總是笑著度過

就算要分開了 不論經過多少年

我們是最好的朋友 這永遠都不會變的吧！

很喜歡你、非常非常的喜歡你~~♥

對不起 在這麼晚的時間還打擾你

一個人什麼辦法都沒有

若聽到你的聲音的話 就能繼續努力

對母親不能說的事情也都能全部告訴你

比任何人都更能了解我

我高興的時候 你能夠當成自己的事情一樣喜悅

我絕望的時候 因為有你能夠好好的罵醒我

失落的時候

總是能第一時間寄MAIL安慰我 因為這樣有好幾次都被你拯救

因為有你在我身旁 是比任何人可靠的夥伴

如果你發生任何的事 我絕對會馬上趕到你身邊

想要成為世界上最幸福的人♥

由於太好聽,已成為接駁鈴聲...^^

北京5

真係好想同公司講., 真係唔洗派北京比我啦..無謂嘥quota....
開心因為4晚夾咗3晚elaine, 1晚溫總. 唔洗同客瞓~
興奮因為4晚都有聚會宵夜
愉快因為食咗4日水煮魚, 美味雞翼
可能公司真係知道我地出團狀況...唔係"T", 而當我地"AL"...所以返去無假放...仲要at least 返2日...
返工唔緊要...不過..破壞咗我完美放假去澳門打算瞓哂身1萬蚊一鋪過買3條6,圍色嘅行動囉..錯哂~

p.s 真係唔好亂講嘢, 得罪人囉...後果咪要狂同我say sorry同有報應囉...初頭真係好嬲好嬲..不過...見對方咁...算! forgive 佢~

感謝感激感動台北4天

我嘅暑假又嚟啦...

原本諗住7號飛, 雖然landing 返屋企都2點幾, 執得行李都唔洗瞓...不過而家飛8號,其實都係無瞓, 因為7號晚有party, 飲紅酒, 飲到點幾返屋企執得行李都4點幾...不過main-point係之前留咗部電話要7號先有得拎...又急住要用...timing真係差dd, 搞到我少了一天...><

今次平平地(其實都唔平, 可能因為2個字---要求), 唔想動用14/365 嘅大假(慳假)..所以去咗台北4天...諗住hea 4日...點知遇上"週年慶"...真係不得了嘅平...第一日已筋疲力盡...(可能大家出發前一日都無瞓..好在你打比我叫我起身..如果唔係...真係大單...)

今次main-point係... 食胡椒蝦 (因為知對方鍾意食蝦, 好想好想推介比對方..亦因為自己敏感...真係好想同對方一齊sharing...所以出發前7日齋戒...7日齋戒換取4日任食--值得~)

雖然唔係同機來回, 總好似爭咁d咁...但...回程好努力去meet對方, 去T1比驚喜對方 ^^, 跑去hello kitty gate 口影相...落機又67/64gate 口之差,一齊坐無人駕駛, 只係...坐飛機時, 分開瞓 ^^, 盡量拉近距離.... ^^

上次台北忽略好友事件簿後, 堅持今次唔可以再令人失望, 所以唔約其他人, 但有事請求"粉人"同寶姐終於肯比我見面嘅關係....所以一次過約佢地飲茶..其他人一概不見...其實真係有d唔好意思...even 對方口中"無所謂, 我地lee行真係無所謂...你約啦.." 但...只要一約, 我就無哂結伴放假旅遊嘅感覺了...相等於,如果放假去seoul, 真係唔太想見其他人...因為無holiday,無空間...嘅感覺...^^

"粉人"真係好兄弟...last 一日講咗電話, 聽到佢講到真係有d"興"..我明嘅, 你真係當我好係好兄弟..真係好感激同你做到老友...^^ 有d嘢,我明嘅..

隔咗一年, 終於見到寶姐..真係好開心...一個大大擁抱, 真係令我安心...今年去過台灣幾次, 但每次只可以電話慰問, 真係好想見下你....今次一見...放心哂了...^^

行程慢慢放慢腳步..真係relax and holiday...慢慢拋開"週年慶" 3個字, 瞓到自然醒,步伐慢下來...

可能接近多了...我的節奏也慢了...感染了..是好是壞??哈哈..

4日過得好快好快...有d唔想走...想stay多陣....

開玩笑一句 "唔好....."....點知.....真係....錯哂~
真係好驚, 好擔心, 擔心唔係自己, 而係對方...唔知點算好...好憔急......定眼看每一個車窗...好想你立即出現...真係好驚...欲哭無淚直至見到你為止..

心情好似兒時行街同屋企人走失一樣...不過無諗過...大個咗之後感覺都係一樣...只是..而家唔係擔心自己返唔到去或什麼...而係為對方著想...心入面有好多假設...唔通....? 或者??.... 可能...?? 難道...?? 死啦..會唔會...點算...?好多問題出現,令自己仲驚...

一見到對方,一股無力, 無助..軟弱.比我知,原來你不是強人...嗰一刻, 我知錯.,無好好跟上...

真係無諗過上電梯時你會釋放出來.....lee d 事,不嬲只會我先做...無安慰你, 因為...自己個心好難過,好慚愧, 知道"衰咗"....但同一時間諗對方因為咩事而咁...可能發生在其他人身上, 我未必可以強烈感受答案, 只會諗對方受驚等等自身問題, 但今次...我直覺感覺因為我, 因為擔心我...可能某程度,外人會諗, "車, 你當佢智障咩..有咩好擔心丫...洗唔洗呀...無聊....." 但我相信...大家想法一樣...第一時間諗對方...以對方為大前題..

你問我做咩喊?? 因為...你擔心我, 我由心感受到...好耐無咁嘅感受...感動到喊...

愈來愈倚靠對方了,一個命令, 一個服從已習慣了...

回家路上, 一句多謝...真係好入心...突然4日嘅片段又一次 run 出嚟, 落街食煙, 撓住行街, 朝早起身過床, 瘋狂週年慶 ....

有時真係要遇上發生一d事, 先會"感受"到對方嘅存在,今次 一個小插曲, 友情又拉近了...有些事已經唔需要用語言去溝通,好多嘢已經"習慣", 好多事都唔需要猜同想了...真正"得架啦,明架啦, 知架啦..

遇見你真好...
期待..下一次....^^

p.s 今晚真係好攰...不過...想用完整嘅心情去寫出嚟.

P.S 2 真係唔明,直至而家,都有人問我同邊個去旅行...有D人堅持覺得我去台灣係有D嘢, 我唔會怪任何人嘅思想, 因為我控制唔到..

不過..真係好想講: " 同邊個洗唔洗同任何人交代呢?"

夜班工作

真係holiday~~ 由早到晚都係瞓...為咗今晚23:15集合, 不過....愈瞓愈攰...愈瞓愈頭痛....
都唔知而家D航空公司點搞㗎?出團時間愈嚟愈遲,而LANDING 時間又愈嚟愈遲,除左用痴線之外真係無其他字嚟形容~平時LEE個時間係卸妝,而家係用嚟化妝!真係愈嚟愈似夜班女郎!近四個月去嘅地方,日本零晨,張家界海陸空走空,而家去韓國無首爾,型囉 還記得有年同朋友喺警察總部睇煙花,今年竟然喺機場巴士上面路經咁睇!都唔靚嘅~ 時間過得好快,咁就已經八年了...

心大心細

好想快d見.....但一日一班機, 恐怖大家辛苦, 一個連踩10日工無休, 一個0025 landing ,但要0950 起飛...even 有諗過照做, 最多一landing返酒店check-in 瞓...但...未免太辛苦大家....加上, 聽晚出團, 無時間再book htl 了....真係好想快d見...唔知點解, 可能因為有種感覺, 今團返嚟會唔太開心咁...所以想早一日見, 早一日休日, 早一日失蹤....不過.,...算吧...

可能之前真係有好多人啪咗我針...所以今晚peter打比我同我講..仲問我信唔信佢..."我信你!", 所以我真係都算幫佢架啦...問定op option事宜...

只想順利和平咁渡過lee5日...

如果可以, 我想今團無程齋戒...直至7號landing. i will try my best~

追緊一套drama "十年後依然愛你" ...諗...10年後..我會點??我嘅朋友圈子有無改變? 我結咗婚未?? 有小孩無??? 仲做wot? 唱ktv 時, 同朋友唱友共情, 最佳損友....還會嗎?? ^^

挑戰

由知道邊個係guide 嗰一刻起, 都會聽到"mic die"...唔係呀~玩咩....
有仇口嗎??派d咁"多功能犯人"比我...真係嬲嬲地呀~~
什麼"如果一知係sammy姐落嚟, 就派個fit嘅比你啦, 火嚟... 咁唔見你將d垃圾炒哂佢丫...真係愈講愈嬲...一觸即發...
" 咸濕-即強姦犯啦", " 焗d客option- 即打劫啦", ","扼T/L 錢- 即行騙啦."......仲唔係多功能犯人
今日真係down down 地....無奈
初頭無人話拍過佢..頂丫, 講下講下, LEE個又話拍過, 嗰個又話拍過...仲要比埋佢以前D歷史出嚟, 唔聽好地地, 一講原來我都聽講....
加上, 今日,一個不嬲唔會理同會講LEE D 嘢嘅朋友都講" 可唔可轉T/G"...聽完真係驚驚地...連佢都出聲...
我其實真係一個唔鍾意表現自己嘅T/L, 可唔可以唔好久唔久一團經典呀???我唔想台灣嘅出名, 帶過去韓國囉~
p.s  6號完團/...個假而家7號開始....掙扎好唔好改早一日飛.....????
*********************88
是日夜晚晚飯依然都係即興....波波, 姣婆,馮聰 4人飯局~ 真係好耐無見...

即興

27/9 返到hk, 2日都係玩即興, landing傾開計話我地3個(sherman,zome)好耐無見, 無食飯..."好呀, 聽晚丫...'就咁..就食啦, 食完, "不如飲杯嘢丫"..."哦,好丫"就咁, 就去咗諾士佛台飲紅酒...
真係好耐無見丫...換咗銀包都唔知...
"你呀.唔好有錢身痕呀, 唔好亂洗錢呀.." lee句說話....好似係大小姐口中出現過,仲要一模一樣....
真係好耐無見丫...幾耐丫???

28/9 返3日cj, 一日返工只欠re-cfm未做, 其他finish....cj真係好悠...收工又即興上咗亞恩屋企, haha...識咁耐, 第一次煮飯我食...是日精選素人料理^^ 之後2個人好努力咁上網大搜尋...玩到11pm 返屋企~~~ 真係忙, 返到屋企繼續.到2am....
"識咁多朋友之中,你係最懶...." 耶~~唔好咁讚我啦...
估唔到, 人地以為丫理嘅嘢, 我同你都有一樣不一樣睇法....friend 真係friend hahahaah ^^

lee2晚見嘅人...真係好鬼了解我姐..haha..

仙台

charpter機冷門dd 嘅行程, 唔多唔少真係驚有d事發生...但今次竟然順利, 完美無暇...

出4日團, 可以病足4日...好在個guide 都好好人. 好take care 我...差唔多全部嘢佢做哂...日日都買lemon cc 比我飲....4日都唔知飲咗幾多百個lemon 入個肚到...日日都係嗰句: " 你嚴重欠缺維他命c呀...."

真係幾鍾意仙台lee個地方...雖然鄉村d , 無咩街行,夜晚 just 超市or 居酒屋(典型)...但真係好舒服, 2,3層高嘅叮噹屋企, 真係好正~雖然賺唔到錢, 但勝在早收工...日日5點幾返到酒店, htl 晚飯,free到第2日...what do you want? 可能真係好病...所以連電話都無咩點講, 加上難搵便利店增值, outlet 同一番街都無心機行...無咩洗錢...

lee個地方真係可以考慮再嚟...但唔該加埋秋田丫~

多數第1日到時, 都收到朋友個來電, 點解今團無??? 個腦不斷諗係咪之前做錯事...第2日都無??? 忍唔住打比對方...哈~原來係我think too much~~~

瞓到零晨, 突然有個長途打嚟...雖然內容真係朦朧咗, 但main point 聽到...我實撐你.收線後...我都想....可以好似你咁....羨慕....

回程以"唔食餐, 唔飲嘢,唔洗service"嚟換咗c class 位...爽~~ 瞓足4個半...^..^

 估唔到5個cd 人(大隻婷,laurent, matt wang, eddy)差唔多時間landing...^..^

P.S 第一次抄下alex手咪講嘅說話: 不管你是腰纏萬貫, 富甲一方, 抑或是籌備經年..lee句真係絕句~

摸唔清

究竟零晨機辛苦d定晨早機辛苦????
今朝0400起身, 0540集合,好在都有成3個幾鐘比我食藥瞓...係d藥唔得定我已經食純咗..?? 好似無好到咁...發冷發冷再發冷...咩唔係韓國凍咩??? 等我狂叫豬豬著多件衫...夜晚忍唔住去咗藥店買藥...


今團d客, 我懷疑佢地嘅偶像係德川家康呀...又係去日本去到無咩地方好去...基本上公司嘅日本可以插旗嘅地方,佢地已經攻佔咗....日本熟過我...連今日係日本秋分都知...痴線架我真係好想同佢地講" 咁多位, 釣魚台係屬於我地架!!!!"


所以.我個guide由今日機場到酒店,講咗好幾次..."我地玩得開心d啦..."....係啦...玩得開心d啦...
...只係今日...已經cfm 我唔係auqa 之友啦...什麼"忍咗尋晚成晚無出去玩..好辛苦呀...好想去玩呀...."哈....仲要講10幾次....真係接受唔到,可能...我個腦會即刻聯想起千層糕啦....堅持唔一樣..
hhahaa.....


第一回合殿堂之激安已開始咗啦...打和!!!  (我個街已經好滿足了,佢話ok 啦...喜出望外....)
聽日round 2...
今日終於收工lu...今團班客, 都幾nice~~~keep住 nice, 我已enjoy!


一個人在房間,好想念朋友們...你好嗎???

夜晚婉拒了導遊相陪,獨自行出去...雖然好凍(但要去買藥同無食晚餐,去便行店行下)...好鍾意lee到好寧靜...好舒服..同上一次去大阪d人(尤其係揸車d人)好劣成好大對比...
真係好鍾意日本,單單聽到人講日文已經好開心...真係好想長住日本...原來我都係漢奸...

can't sleep can't eat i'm sick

病返工, 辛苦
食咗藥返工...仲辛苦...
真係朦下朦下返工....就死咁...個鼻不斷流流水, 食咗藥又好眼瞓...真係好似毒癮發作咁...
做re-cfm...一早都估到我lee班高水平有知識份子嘅人係要求高d架啦...
邊到有30人, 有14個passport 有英文名, 仲要係50代嘅人...擺明有文化, request 多嘢到呢....
NO BEEF MEAL 已經好NORMAL. RQ 生果餐,
RQ路口位, RQ得好好聽, "如果 2,4,2坐位, 我可唔可以要2"
"我地會唔會要去到5字頭, 唔係無人駕駛嗰D GATE 口?" "下, 我連搞CHECK IN 開邊個COUNTER都未知, 問我GATE 口?? 痴線"
"我地溫泉酒店, 可唔可以RQ 洋式房??" 和式酒店要洋式房, 玩呀??? .......
我相信LEE班一定係好專業嘅團友...
真係有D驚佢地會成為"殿堂級激安"呀~~~~

SICK SICK SICK

放假病...錯哂...
唔爽咗囉~
今日個活動係食(特餐: 薯仔通粉)+食藥同瞓. repeat and repeat...
無力去做任何事...包括出去睇醫生...

了解~

會唔會諗多咗呢???我真係無諗過你D存貨安排...因為咁小事我會唔高興嬲咩?你唔係真係咁諗呀??? 都唔了解我嘅...灰哂..仲要今日問2次....唉~~ 

正如我尋晚本雜誌都寫...因為想計好d數字...熟我嘅都知我數字白痴, 望住"數簿" 左計右計...只想好完美咁運用...睇下將d數字放喺點安排...加上計下計下, 又miss 咗一d數字未整理...總之好煩...好炆...心亂..搞咗成晚, 都無計好..個人仲係心大心細...數字依然喺度....輸咗比佢...
所以真係唔好誤會...我唔係發小姐脾氣, 唔係嬲, 唔係唔高興....^..^

同埋, 我真係唔知...你尋晚有little bit 在意...或許我太專注喺條數到...(因為平時講電話, 我真係尊注喺電話度,無做其他嘢)所以今次無細心聆聽..sorry!~~
不過, 臨瞓時...仲諗住唔記得RQ SMOKING 添...嘻嘻..仲諗咗d 好搞笑嘅RQ添  >..<

COUNTER有人病, 屋企有人病...所以正常我一定都會病...因此...我真係病...

感想

"冒險" lee個詞語我記得係出自我把口...但冒險d 咩我唔知, 只係直覺, 可能係時間啩~
睇完好友一編文章...好同意...一路睇一路點頭 , 睇完都係一句: 我都鍾意.
同埋我應該適合...
因為直到lee 個moment , 我竟然間唔中想起唯一的.. ^..^真長情~ hahahaha
有時諗"錯過", "後悔", "如果"....想一d 無可能嘅事...(白痴)

突然

突然....down down 地..唔想講嘢....無咩心機...
因為???
幾百樣嘢要解決...
仲係未計好條數...好亂好亂, 計計下又多一樣嘢出現...
真係唔知點好...唔比我見到好地地...但見到..就灰灰地...
不安現狀...咩到唔滿意...
如何可以精彩人生...??
好想放假好想放假....好想懶洋洋....

點呢??

今日同亞亮傾開錶 ?一個新進品牌我睇好嘅叫codex, 真係有100個型, 價錢ok 喎千幾瑞郎...上網搵咗好耐..點解無女裝嘅????大隻唔緊要...但比rolex仲大...真係帶唔到....帶咗都似d超人帶嘅變
身器啦, 錯哂...叫咗亞亮嚟緊去歐洲再幫我睇啦...真係好型~~~

睇到一個新聞, 真係幾有趣:
調查發現，手機牌子可反映機主的性格。 iPhone用戶最深閨，三星機主衣着最保守； SonyEricsson機主最重視社交生活、愛吃快餐。
巿場調查公司 Roy Morgan訪問了 20,000名手機用戶，查詢他們工作、休息和娛樂習慣，又問他們的收入和對科技看法。結果發現，個別牌子的機主，有近似性格，例如 iPhone用戶相信，電腦讓他們更有效地控制生活，他們喜歡留在家中找娛樂，但從來不會打理花園。
三星機主通常年過 50歲，平均年薪 24.7萬港元，衣着保守，不愛冒險，也不愛搭飛機旅行。相比之下， LG較受年輕人歡迎，機主主要是 14至 24歲少女，她們很少看收費電視台，也缺少機械頭腦。
澳洲《先驅太陽報》

原來我係重視社交愛食快餐...

up and down

其實我真係好想係屬於kitty條line.. 係佢term 人, 可以嗎???
高已經唔係....低又未最低..我應該滿足嗎??
************************
平時派日本, 我應該好好好開心...但唔知點解今次,...無咩感覺...可能個心掛住想落seoul, 指定團種啦...從未試過咁想落...唔係一個稱職領隊, 但好想同你sharing ....sharing 我韓國嘅favourite, 好想介紹你食雞, 食蟹, 年糕, 薯片, 我朋友...可惜...今次唔準咗...
***********************
突如其來...真係身痕, 只想快d處理,...如果唔係死得...

CHEERS~

每幾個月就一次cheers 聚會...彷似已經習慣了...同2大監護人飲嘢, 電話較無聲, 打電話都要靜靜地打...否則被說不尊重大會...
真係幾enjoy lee邊個圈子...因為真係受到溺愛...^..^
傾到1點幾2點??2支紅酒,1d小食 播住音樂, 真係好舒服...
i like

猜猜猜

可唔可以簡單d??? 或者直接d??   真係唔明...係我太簡單?? 定我唔了解你...
明明話早餐好食所以去食早餐, 而家又話唔食...即係點??? 我唔覺得你係咁"善變"囉...
真係火火地...

我其實真係好期待所有嘢, 亦好尊重, 好希望對方開心, 滿意...但...點解未開始, 已經咁多火花???

唔通真係要買重保險...驚打交??

我的最愛

有困難,第一個就會諗起你...
要搵人幫手時, 你都係第一個我會揾嘅人...
同其他人無法開聲講嘅...只有你, 我先會厚顏無恥..咁同你講...
我愛你丫...豬豬~

真開心

一個晚飯,真係好開心

最貼心的台北旅遊貼士：
1. 酒店：超方便，喺正台北車站上面... 有個「龍」字嘅...原來所講係"凱撒~".....
2. 日本料理：叫和三味，喺台北市銅鑼灣... 重點：$600港幣一位，無menu, 你知咩事啦...
3.  有間火鍋好正,  喺太和殿斜對面。(p. s 太和殿有兩間)，記得同的士司機講係斜對面, 的士知架啦....
我真係get到你嘅心意, 出團時...一定同d團友講, 介紹比佢地...

唔洗諗咁多啦...知對方一定ban, 但都問下對方....200零呎....no way...一條心了...

口角

最近好似10次電話有 6次都會鬧交...簡直係挑戰嘅行為 !! 
由尋晚到今日...已經爭吵不休已經2次了...你究竟明唔明我講咩?!?!?!?!?!?!
我會堅持己見, 爭取最後勝利 ~
成日返工上網睇示範單位...lee個好似唔錯, 嗰個好似幾好wor...點好?點好??
講過一手包辦,  加油~

終於

失散咗幾耐呢?? 1年2年?? 因為電話跌了而搵唔到...但..點解對方無搵我嘅???
一個 "安全感"返嚟lu ^^

魔戒

一個海陸空走空嘅5天旅行團...真係好辛苦...
但願 lee一世唔洗再去..真係好憎好憎好憎..
用出廣東省嘅心情出lee團, 因為今團無飛機坐, 但真係無諗過...班客真係廣東省客...可能41人, 可能好耐無坐船, 未坐過高鐵啦.....so..真係好比心機去做...好有heart..但回報嘅係咁真係好嬲好唔開心好down...好在, final 喺碼頭有2份心意三文治安慰下.., (真係可以叫"苦中一點甜") 如果唔係...真係好灰到唔想做...吃力不討好...
基本上得2日行景點..其他都係坐車坐船
1st: 0630集合-2hr船-順德-1hr巴士-高鐵站-2hr火車-長沙-40mins巴士-天心閣-2hr巴士-食飯-2hr巴士-酒店-2230到達.  好甘, 好腰酸背痛...
2nd...他媽的全日行...上山落山, 樓梯...上6次環保車, 全程只係數人數
3rd...上午景點,又係行...up and down...shit~ 下午5.5hr 車去鳳凰古城...
4th..上午free 到lunch, 再嚟7個幾鍾車食飯反酒店
5th..高鐵站-2hr火車-廣州-1hr巴士-順德-2hr船
last day 落大雨, 上落行李, 又搵車, 全濕...又乾又濕又汗, 好嘔心, 自己都接受唔到自己好似勞工工人, 真係好難頂....返到hk, 真係謝哂~~
全程靠食4個麵, 3碗淨白飯, 腸仔同meiji朱古力...維生...
係魔仇定串燒關係....應承唔飲啤酒...破咗戒...第一晚見到jimmy, 幾個去食串燒. 只係飲咗一杯好細杯啤酒...返到酒店狂嘔...第3晚住鳳凰古城, 同個guide同司機, 因為final 所有行程...又食串燒飲酒, 我承認今晚真係飲唔少...但唔洗一返酒店擦擦下牙, 即反胃咁狂嘔呀....
4晚嘔2晚...痴線~
今團唔係用好多電話...只係$200,ok 啦...一到夜就比余琦蘇笑我有無咁多電話講呀...無辦法...真係好似落地獄, 好難捱嘛, 係要搵人平衡返個心理嘛..
my wish : 真係...但願 lee一世都唔好再去lee個地方...

忙

尋晚已經做哂所有嘢啦...點解...今晚搞份料可以搞2個幾鐘架...??
真係唔明以為點出老短呀...
久違了嘅船飛...真係好苦惱...
聽日group 定散b?
b咩好? 
點先可以快收工??
 一個海陸空走空嘅旅行團..真係好辛苦同麻煩....
2個希望..順利, 快回

一年一度

上年9.18長洲之旅後, 咁快又一年啦....今年除咗子聰之外, 全部人都唔同哂, 但地點都係一樣, 長洲東堤11a 3/f ...不過....個單位擺設唔同哂啦....有d upset 添...因為幾鍾意上次個擺設, specially 個廳有張床...超爽..但...而家無咗....>..<

尋晚四點幾先瞓, 今日12:00就要喺中環等...真係好攰~好攰嘅定義係真係過份咗嘅攰~~~

今日100個relax, 做過咩?真係唔知?? 我地5個人(子聰, 亞妹, 漢東同monica)只知好似食咗好多嘢... 落咗碼頭, 第一時間去咗飲茶, 之後返房, 一望無際嘅sea-view , 我又嚟啦...今日真係thanks god, 天氣100個靚, sunshine very much!~
安頓好, 坐底即調酒先生 (漢東)開始做嘢, 淺酌一會...之後沿住沙灘邊, 一路行一路食(魚蛋呀, 砵仔糕又甜品...) 感覺真係好舒服, 真係好有渡假feel...好hea~單單坐喺天台都可以坐一個鐘...真係不得了嘅痛快...

無咗上次嘅豪飲, 5個人先一支lable, 主角係bbq, 仲有椊帆之家自家制腐竹蛋糖水, 真係好有家庭feel (不愧為椊帆之家)..haha...

真係估唔到hehe同慕華(新識)放工即刻趕過嚟玩, 最值得表揚嘅係第2日2個都係要返工, 一個(慕華)仲要返9點...仲要係2點幾先瞓,但要6點起身.., 當全人類已經好攰(亞妹同子聰已經瞓咗.. monica 因為個頭未乾, 所以我同漢東陪佢唔瞓住玩...而我雖然沖完涼之後醒咗, 但隻眼真好只有3mm...真係好攰好乾), 但hehe真係好堅, 第2朝返1130, 越玩越精神, 6點先瞓9點起身...真係堅~不得不承認自己已經唔係young...ヽ(　￣д￣;)ノ

輪更制睡眠, 真係好攰...haha... 4個堅持一路玩啤牌, 一路等到6am慕華醒先瞓..但其實點解???因為3個一張床瞓唔到??? 真係唔知..6點正, 仲要叫醒埋子聰, 跟住先瞓...(濺)...同一張床今次唔同人瞓,同亞妹孖鋪,又一証明, 尋晚瞓教, 我真係好凍, 因為中間醒咗幾次, 發現都係 "x腿"...真係難為情啫...暗醒嘅時候...又係"今日睇真d" 痴埋到呢?? 2人一枕頭.....不過...其實我真係未醒囉, 只係望個sms啫...唔洗個個以為我醒咗, 亞妹,monica同漢東輪住坐喺我上面, 又踩背, 又擒過嚟..如果有人啱啱經過望到, 我真係以為自己玩緊摔角,仲要輸緊.....>..<, 真係100萬個攰~

回程時...其實好想返去瞓, 但真係好忙...同時間競賽, 又要搞基金, 又要搵凱琳拎嘢, 又要執行李, 又要搞出團嘢...真係忙. 同媽咪食完飯之後...雖然好攰,但由於until lee 個moment 都係有dd 怯...仲係驚船同火車...所以唯有喺其他位做好d...去咗雜貨店買要用嘅嘢....今次真係比咗d heart出嚟, 亦多謝亞ho比咗d意見我 ^..^

ψ(｀∇´)ψ 好開心"過境旅客"打比我,因為只係"過境", 都我傾咗1.5hr( ^_^)ロ---------ロ(^_^ )
...因為一個 " cxl "sms 嬲嬲地?? 咩wor..lee 個擺到明係一個美麗嘅誤會囉....咁鬼叫我朋友之前叫我留意wor..咁人地真係留意時又發現同我朋友形容係一樣wor...咁真係唔怪得我架嘛, 係咪?? 同埋, 上次去ktv 時, 語氣又好似唔想咁....咁人地咪真係誤會囉~~
鬼叫我每次除了 "尊重" 之外, 仲帶一點點再多一點點嘅 "期待"ｏ（＾－＾）ｏ 喎...所以會成日提起囉...
點知你係  "含蓄嘅尊重"  wor....  ～(m~-~)ノ　～(((
不過., final ... 都係confirm!~~~~~ 好嘢..真係好期待丫~~。('-'。)(。'-')。

PARTY~~~~AGAIN

一個真係好特別組合嘅party...我, 徐鴻, 嬌, kitty , 亞界 , vivian, jeff, marco, gary lam (生日人), eddy , .........(唔識嘅...)幾多人??真係唔知 幾多人, 但組合真係好好笑....
但, 玩埋嘅, 都係我,kitty, jeff 同marco 學咗玩15 ,20...真係好難...

點解又係咁??
一個狂sell 個人比我, 又話係佢細佬, 又話好襯, 叫我try.... 但另一邊箱, 一個又同我講lee個mic die.. 一拖2,3,4,5架...哈哈..其實...我真係唔急...一出karaoke門口就byebye架啦... haha

今晚好好玩, 我要學kitty ..真係輸比佢...hahahaha

飲多了...自然又send sms...haha ..missing you ....

人

就係為咗無熄水機, 無熄tic, 無倒垃圾, 就鬧咗我地尋晚收夜嘅人, 我知,無做lee d 事 係我地唔啱, 但未至於鬧over半個鐘囉...同埋, 返早嗰位同事...又唔洗係咁報串, 小事化大囉.... 真係嬲嬲地...由於lee 2日見嗰位同事都張我地"唔好問點解聚會"拎出嚟講,(仲要特登同喺亞姐面前講)...煩咗囉, 討厭丫...所以正式宣佈, 已經唔係我朋友啦,facebook 我都delete 咗啦....
收工去邊做咩都比人監視...同坐監有咩分別, 私隱一層一層被揭露出嚟, 好似去厠所比人偷窺一樣咁..不知所謂~

夜晚同亞hody 食飯慶祝生日...10000好食嘅泰國菜(老地方)..真係好開心...
但...原來同一時間, 媽咪, 老舅, 亞健, 亞邦.....同哥哥去食德國嘢包場慶祝生日....點解無叫我嘅???如果叫我, 我一定出席架.....不過.....點解嘅???有d 不是味兒添...

過料

搵咗個同事過料, 船同火車.,..只係lee2part 都過咗差唔多1個鐘...真係驚...一d concept 都無.....愈講愈confused....真係唔明d人點解咁原始..係要搵咁辛苦同麻煩嘅方式去一個目的地....
*************
作一個決定....

non-stop~

哈哈, 今日收到2份禮物~~~ 超開心...一份係由子聰送嘅keroro 郵票, 十個靓~第2份係...道歉禮物, 話說香生今日一返工話我尋日同亞姐講佢蛋牛治事件, lee件事無錯係我親耳聽, 但唔係我講先...狂話我, 最憎比人屈嘅我嬲咗佢, 同佢講, 除咗公司嘢其他嘢唔采我..hahaha(其實都係玩),跟住佢即刻拎咗支swarovski白色筆比我..超開心~
******************************************
隔晚玩...好似誇咗咁...但好enjoy~~~繼sherming 訪港之後. 4/9 (徐鴻返嚟啦...karaoke party 聚會), 之後5-6 /9 長洲之旅...又嚟飲飲飲....100粒護肝寶都幫唔到啦...haha...
**************************
今日派咗團..去我最討厭嘅中國, 唔緊要~  坐2程高鐵~ 都唔太緊要, 去張家界, 小小緊要~ 最緊要係連飛機都無得坐...真係接受唔到囉....來回坐船再駁巴士再駁高鐵先去到目的地....玩咩....仲要單女...嗰個moment 真係有dd 再多dd 接受唔到..... 但同baby send sms, 傾埋電話, 之後,加上我間行又收多3個, 打internal 電話叫佢唔理用咩方法, 一定要收單女, ok我變f/s...之後已經接受咗, 因為我唔記得咗我係要錢...仲要係急需...所以都幾想出, 之後電腦得返1k, 打比人叫幫我拎埋last1個位...點知op突然又加幾個位...變6k. 可能之前又有同事放返hold booking, 變8k, 突然又變7k...oh..d 位.上落仲快過股市...check點解無啦啦拎1個位, mg 拎咗, 仲要一個男人報...shit...再check...補00S....真係估你唔到...好在而家依然 f/s. 不過真係有d擔心...因為咁難得接受咗, 唔想比人轉走...呀,  原本33人, 而家收到37, 最多可以44, 老實講, 我入職咁耐最大團都係42, 不過都係張家界囉....今年暑假都未出過咁大團...
*************************
夜晚cd function...由於今次係我搞..so 有dd多少少期待...final 好玩同開心...因為抽獎抽到$100, 打返個和..haha...
*************************
i miss you 呀..今晚終於聯絡上啦...雖然無見唔係好耐..但好似好多嘢想同你講咁, 知你唔係一個好好嘅listener...但煩濺嘅我又好想同你講, 每次講嘅時候又係咁...未講完就被轉第2個話題.... 所以, 習慣了...同一時間...都習慣了第一時間send sms 比baby....真係好掛住baby....真係好掛, 比任何人都掛...

PARTY

一個名為"唔好問點解之聚會" , 原來有17個人...今次有 我, sherming, 花, sherman, zome, kitty, 波波, 細mon, 姣婆, 亞妹, 嬌, laurent, 魚尾獅, 漢東, 大隻婷, 廣達 同炳亮 (真係要諗好耐先數哂)

我對上一次party time係幾時呢???  我生日???如果係...真係都幾耐 ....

辛苦嘅暑假終於完了...

今晚真係都幾開心..."最嘅" 都係喺哂到...比生日party仲開心, 仲顛and free...
可能好耐無飲咁多酒...wing wing 地, 今朝睇返lee 個blog, 竟然尋晚寫blog, 仲要用英文(當然已deleted 啦)...痴線....玩到3點幾, 4點返到屋企,仲可以做咁多嘢, 都唔知係醒定醉... 
竟然4個party嘅姊妹可以組埋一齊玩.good...一次過..hahaha...
不過我始終鍾意"獨立"多d....
今次lee 個party真係可以話係"珍貴"...下次幾時??? 相信一段時間啦...
"可唔可以飲酒係開心呀?" ---今晚guarantee 啦....
可能之前有一段時間係唔開心...但已過去了...加上今晚真係開心...開心嘅定義係...真係好開心....唔知唱咩歌有個moment 係有淚光, 但唔係咩負面事而引發...可能係會歌呀, 咩歌啦...真係太開心...
唔開心飲酒究竟係幾時開始嘅事??好似好耐了....不過啱啱上團17個唔開心, 但竟然無想飲酒嘅衝動同念頭, 可能之前有次唔開心飲酒, 點知飲完仲唔開心啦...
你講得啱, "飲酒係開心嘅" ~ enjoy~~
死啦, 同得你地多, 好多嘢都似咗你個咁...都唔知好定唔好...^..^
***************************************
今朝baby 叫我打比佢...同佢傾咗一陣(其實都唔係醒嘅情況下, 所以內容係咩真係唔記得了...但之後瞓返...竟然全程都係發夢你囉..hhahaha...
**************************************
食打冷, 真係好想食嗰2碟, 我知唔食得嘅原因, 亦無怪/無嬲任何人, 因為大家都係錫我啫... 但.,....皮膚敏感都唔會好返架啦...咁我咪成世都唔可以食??? 會唔會太可憐?? 鍾意食嘅都唔可以食...可能其他人會覺得係丫理...但...有lee個想法都係正常架啦...我真係好耐無食過海鮮啦...
**************************************
同我講基金planning....actually lee d 保險呀, 基金呀, 股票呀...基本上同我講完, 我左耳入,但同一時間都係左耳出....真係入唔到腦, 一d concept都無....點算好...但今日...好努力消化你尋晚d說話...
*************************************
~~~to all babies, i love you, you,you,you and you~~~~ thank you! ~~~

p.s 1 天假期真係唔夠....好期待5,6 號~

^..^

香港真係需要你...振奮香港全靠你... 真係好想好似你咁想就做~ 如果我都可以. 我相信我更瘋狂...
一個家常便飯...其實可以食下蝦,食下螺, 食下蟹...我真係好耐無食過啦...真係好想好想食...
尋晚諗,係咪我瞓教有問題?? 點解只有我一個..先會咁...?? 無可能~~

悶

哎呀~~ 返工好悶呀..d遊魂又返嚟啦...漫無目的嘅飄上嚟, 都無心想去玩嘅,counter條q 又唔停wor...shiit~~~

尋日個倉發現失竊案, 原本都唔理啦, 因為唔關我事...點知今日返工香生同我講, 支筆係送比我嘅..頂丫...即刻火都嚟, 狂鬧狂咀咒偷嘢條粉人...即刻唔開心咗...香生見我咁..即氹返我話下次落去再買比我...^..^   hahahaha

shoppin' 嘅心又燃點起來~~

尷尬

一早媽咪同我講一個news...oh my god...見佢好憂心嘅樣...點好~
唯一一個方法...如果真係...都要用...
同朋友講, "你撼親個腦呀..." , 除咗lee個方案, 真係無..諗唔到...
**************************
一個借行同事(仲要係long haul, 仲要係新界區)...做咁耐人, 某程度同垃圾無分別...其實佢係咪想奚落我??? 當笑話講??嗰個moment 真係好難受, 想搵個地方捐...好在有同事(唔知佢係知件事定咩)幫我解圍....但..真係好難受...被人當笑話講...

lee行真係愈嚟愈無秘密....真係好唔鍾意....
*************************
今日返工, 比人話我個頭形...返到屋企,比媽咪摸同睇, 佢話我瘀咗同腫咗??? 下下下?? 我幾時撞親都唔知??對上嗰次咪係護城河??咁耐仲瘀??? 唔係呀???
************************
READY FOR 29/8 ,30/8 2晚~
放馬過嚟~~~~

感恩

一早打比媽咪, 睇佢喺邊....同佢講講下, 佢竟然喊...原本想瞓多一陣, 都唔好, 即坐車返去, 一落車, 即攬住我...佢真係好擔心我...
是夜好想好想好想成家一齊食飯,約埋哥哥一家3口去食德國嘢, 順便預先為佢慶祝生日...一個好warm 嘅dinner~

幸福唔係必然. 我有咁錫我嘅媽咪, 咁好嘅哥哥, 一班咁錫我嘅朋友...真係要好珍惜同感恩...因為lee d 已經係bonus!!!

我真係好想親口同你地講"我愛你~"

有確實的傳達給你嗎?
因為是和你 才能走到這裡
因為是和你 才能想像未來
誰都無法預知未來的每一天
你理所當然般地陪在我身邊
一起度過每一個「今天」
所以，有確實的傳達給你嗎?
不管是安全帽互撞五下或是煞車燈連踩五次
（我愛你） 有確實的傳達給你嗎?
因為是和你 才能吵架
因為是和你 我才能在這裡

無法盡如人意與忐忑不安的日子裡
你理所當然般地每天陪在我身邊
感謝有你陪伴的「今天」

所以，有確實的傳達給你嗎?
揮舞著仙女棒 畫出五個愛心
（我愛你）有確實的傳達給你嗎?
在倆人的「現在」轉變成「昨天」之前
關於我倆未來的藍圖仍在編織中
在每天一起度過的日子裡不斷的累積

所以，有確實的傳達給你嗎?
不管是用額頭互撞五下或是無數次的親吻
（我愛你）有確實的傳達給你嗎?
也在新的暗號增加的同時

愛してるってもっと言って!　何度も言って言って!

順利回來了...

landing一刻...真係好想大口大口飲啤酒...
landing 打比你, 好似已經係習慣, "你有無諗過上嚟, 我一個人咋..." ...明知上到嚟, 我係瞓地下, 明知上到嚟, 唔可以上網, 但我都上嚟....証明我都掛住你丫...
賊贓鴨舌加紅酒...爽呀~其實真係好攰好攰, 話哂2晚無咩點瞓...但...真係好想見下你...應該可以安心d啦....

好恐怖..

下午喺九族收到個SMS, " 菲律賓...." 下?? 足足用咗2小時FREE TIME 上網睇...好恐怖好恐怖...
應該無事嘅...
但夜晚當同緊客人喺醫院睇醫生時, 收到泰國長途, "死哂..."
眼淚直流..真係好驚, 即刻雞皮疙瘩, 真係好驚,  忍唔住打比baby 同媽咪...真係好驚...打份工姐..唔係要死呀? 去個旅行姐...唔係要死呀..???
人係有生存嘅權利架...
真係好驚...
7月14,唔緊要, 去醫院, 唔緊要, 住西門町豪景兩晚,唔緊要, F/S ,唔緊要, 尾房,唔緊要, 但一入房唔知點解毛骨悚然,周身唔自在,就好緊要...好恐佈, 係因為新聞影響嘅關係定心理作祟??? 真係好唔舒服, 好想打比你, 同你講,今晚我要上你度瞓, 但...final 人生第2次(都係台灣)喺銀包拎咗張佛牌出嚟放床頭....
凌晨1幾瞓, 2點醒, 拎起電話望幾點, 放低..但唔夠5秒,突然一個SMS ...真係嚇死..個心跳咗出嚟..瞓唔到, 唔好話瞓, "合"埋眼都唔敢...直到5點幾6點先瞓到..不過7點m/c...
真係thanks god ,我有lee班好錫我嘅guide...joanne ,小玉, 徐鴻...見你地2個病緊, 都出嚟陪我...亦陪我食間好食小炒...原本真係諗住唔飲酒..但...見到你地, 豁出去, 飲小小,   真係小小 ^..^..但其間,真係好好笑, 比個新人(做咗半年)嘅同事逗," 你咩code 呀?" "做咗幾耐呀?",忍唔住講,"細佬呀,講嘢態度好d可唔可以"." 唔緊要啦,你唔講, 我返去都可以check到..", 火都嚟, check 咩wor...做幾耐,關你咩事呀...真係撞親個頭....唔怪之得出面話我串啦..廢鬼事采佢...hahaha
之後上咗徐鴻屋企,你狂講:" 錯哂, 今晚開錯個頭, 初頭都唔明你意思..."但之後聽叉燒講, 原來你知我落嚟好開心...平時唔鍾意send sms 嘅,都同我send , 仲要周圍比人睇我同你嘅對答.....我真係驚叉燒諗多咗...不過...真係好開心,因為聽到叉燒一句: "邊個落嚟都無咁開心, 係你每次落嚟佢都好開心, 狂講lee個唔見唔得..."聽完真係幾開心...
由屋企落街,同joanne 一齊時...唔知點解又起雞皮...驚起來...坐的士到酒店時...由一入去, 再入lift, 出lift, 入房...個心跳得好厲害...好驚, 是夜又係瞓唔到...好驚嘅定義係好想返hk, 好想攬住媽咪..
返hk, 喺機場真係啤一聲...35人, 17個單丁位, 由30坐到60排...痴線...真係痴..點編...真係好憎坐CX, 不知所謂...
so far今團都ok 嘅,如果喺lee個guide嚟講,今次生意可以用差字嚟形容...不過如果for 其他guide, 已經叫ok...
只差一點點...真係幾秒...可以見到你...要9月尾先肯見我??? 我一定要見到你...9月尾?? 我記住~

困擾

2日都嘔，已經無飲酒啦，真係好困擾。。。食完第一餐，飽到夜晚，之後又係嘔返唒出嚟，唔舒服咗， 叫我照胃鏡， 無可能嘅事， 因為仲驚。。而家話嘔就嘔嘅地步已經係去到ANYTIME，嘔到坐喺地下（好似飲醉酒咁。。）擔心咗，唔敢同屋企人講。。。

真係未試過一團咁多人咁無家教，咁無禮貌..直到而家都係零交流。。。零溝通唔緊要，但唔好對我視而不見丫。。。原本真係好有HEART 想去溶化佢地。。。但真係溶唔到，同埋而家已經望到佢地個樣已經好憎，好反感，好想兜巴星過去。。。但同一時間, 電話另一邊廂講 " 我唔會同D無禮貌嘅人做朋友"...就係LEE句, 成晚反思...好似近期收咗幾張告票咁..(告票罪狀都係超快收線)..好似真係態度差咗???

真係有D諷刺...咁...一方面我話人地, 但另一方面我比人話.....

LEE 2日個人都係空空咁。。唔想飲酒，但好想搵個人攪住喊。。。此情此景上年都發生過。。。記得還SEND SMS 比BABY， 仲喊住搵佢。。。今次， 唔想嚇親佢，LEE期真係嚇咗佢好多次了。。。第一晚，收到一個闊別已久嘅SMS“ 我掛住你。。” 忍唔住回心微笑。。。原來同一個時間， 唔同地點， 大家有同一個心情。。。真係谷底， 第一時間打比朋友， 真係有D時差。。。曾幾何時，有人同我講每次喺“需要我之時”都搵我唔到。。嗰時我仲諗“對方咁多朋友， 搵唔到我，仲可以搵朋友ACDEF啦。。。但原來。。唔係架， 真係有D無耐， 唔開心。當然， 對方唔係得你一個朋友，唔會24小時STAND BY，唔會24小時FREE住等你無電話。。。但原來你愈越CARE 對方時， 就會愈CARE 對方對你嘅睇法同重視。。。


每每有LEE個心情時， 都會血拼一番。。。睇中幾對鞋， 跳跳虎紫色好定紅色好？？ NIKE 好定ADIDAS好。。。好苦惱。。。可能痴得朋友多。。都有LEE個選擇性困難。。。

喺LEE個咁軟弱之時， 竟然同你傾幾次電話， 你嘅聲音同關心，加埋用”親愛的SAMMY“加細心，真係好窩心。。。不過知你對個個都係咁時， 即時醒。。。

返工放工...

積極諗緊今團去台灣做咩好...
書店 ~
波鞋 ~
鴨舌 ~
好想麻辣火鍋 (想去太和殿, 不過有d貴, 應該佢地唔會同我去...唯有..期望...)
苦瓜炒蛋 ~ 
胡椒蝦/螺 ~
好想約小玉/joanna/ 徐鴻 ~
好想約鄭國明 ~
好想見寶姐 ~
好多嘢好想...
唯一最想,快d到台北~~

MY WAY

"每個月lee畢數入基金, 係咪多咗???"lee幾月都有lee個問題喺我個腦到出現..因為..而家真係覺得自己hardly life...酒局而家已經2個月先3次,仲要有2次唔係喺香港飲... 飯局已經cut and cut...真係好節衣縮食, 收工都係返屋企....但點解好似無咩餘額...

但原來...真係....計到出嚟架...因為而家草多咗錢...雖然LEE畢錢都係草嚟洗, 但好過我平日有錢身痕丫...KEEP 住LEE個行動都幾好...

收到一封信, 真係估唔到,...真係開心咗...原來我真係要迫出來...被虐待狂...^..^

忍唔住同你講...不過...白痴嘅我, 真係無從入手, 想行動想CHANGE都無用......唔識就唔識, 聽完一個方案時會有心動..但...真係唔知要做d咩好...只想要個easy life. 但好似好難咁....只想媽咪生活好d, 同哥哥, 朋友距離近d...但真係好遠..唔係要比較...只不過...點解我唔得??

我倆可能好耐無講過電話...估唔到一講講到02:40...但又真係好多嘢講...同你其實真係無limited 嘅話題...無底線...

而定發覺電話係好重要對我...尋日返工電話無響過時..個心有d納悶...

之前1團1000都做到..next level, 減少send sms, 同減少電話上網....我要電話費由2000減到700!

靚哂

今日咩日子...竟然收到3個oversea,電話, 仲要係最.....

亞cat打比我呀, 係呀, 亞cat 打比我......10000000000000 個開心...正式宣佈9月10月唔需要派馬來西亞比我丫...同埋8月尾9月10月都唔需要派韓國比我丫....無謂浪費quota 啦..比d真正有需要嘅人出丫..

突然有一刻好想cxl 2日假, Q團 絲路同你拍團玩 or 喂跟你團添...haha...不過都係想下好....immipossible..不過你打比我嘅main point 我知唔係lee樣嘢丫...^..^... 感動中...^..^..我無事...

大小姐打比我講大計中...今次只準完美無暇..所以我會專心去搞...

波波喺北京打比我...main-point係...小春喺隔離, 同我傾咗幾句...好耐無send sms 比佢添~~~~今年好似未落過去???

今日咩日子呢???真係好開心..3個電話令我不得了...不得了嘅定義係...收線之後心情未平伏囉~~

收工join 咗monica 嘅生日私人飯局...^..^..生日快樂丫...一齊快d搵個未來人...

holiday

原來我打電話係平過send sms ..所以今日好似打嚟打去打好多次...haha..
因為一直無好好記住日子...當知道後,收線時, 突然有一個念頭...某程度都真係幾突然...
"10月不如..."...就係咁...又open file 啦....有目標..努力~ starto...
收線後,..突然有第2樣問題出現..."就係我9月拒絕咗人地lee 個RQ"...但而家我竟然RQ第2個人做同一樣嘢...如果比對方知道, 唔會有事嘛...
~~~~~~~~~~~~~~~€
好開心, 你今日會同我講你旅行奇遇...聽完有D似童話故事...因為....FINAL 要分開...
是夜去咗食雪糕傾計...
忍唔住亳無保留同你地講...真係好慶幸,你地明我諗咩....証明我真係好好好朋友, 如果真的發生時, 你地處理手法同我一樣...^..^
不過...你地都覺得我D圈子咁搞笑/...HAHA " 擺明爭寵, 無聊"..HAHAHA...
耶~~我不嬲都話自己係屬於大家架啦...
遲D可能傳我玩厭男人, 玩女人...HAHAHA 咁都比你諗到, 輸比你啦...
我真係好鍾意我地咩都講嘅聚會~~

返到seoul...

一團韓國, 基本上都係等待返seoul 嘅日子...可以見到大小姐, 亦好似已經習慣了去護城河玩.....繼上團監護人竟然叫我喺城度住 (我懺悔我上次諗多咗, 唔公平, 好衰嘅想法)..今團真係估唔到...竟然都有lee句出現...
幾多團之前開始呢???落seoul一定要F/S, 仲要唔理用咩方法....因為...我要房no.
第3晚, 因為知道大小姐要去旅行1天遊,要成點先可以返到嚟(仲要係坐豪華車)...因為想搵人陪,所以打比監護人約佢飲嘢, 一上到去佢屋企, "有咩要同我講?? 我地今晚不醉無歸.."一聽已知有人同佢講咗咩事...3個人, green lable + blue lable, 真係要不醉無歸??真係無諗過wor...已經開始wing wing地了...stop~好在大小姐啱啱返到,可以返去熟悉嘅地方...好想攬住你大聲喊一場, 好想發洩一下...真係唔敢,亦唔會攬住監護人喊..但唔知點解, 入咗門口 ,我竟然選擇忍住....所以wing住沖涼,然後wing住瞓...好得意, 可能我地成日見啦...唔同baby, 每次一見baby,即刻攬住...真係唔知點解wor...
第4日, 同rick放lotte world. 唔知點解佢會同我講d 好私人嘅嘢...當然我會覺得應該全人類都知啦,但好得意, 講講下, 你又會講lee個亞邊個邊個都唔知...但自己好多嘢都無法同佢透露(愈來愈發覺自我收埋愈來愈叻..)...我地仲喺lotte world 出面食五花腩, 不過最串係...我地去咗supermarket 買咗幾隻鮑魚燒...型同1000個好食...今日好開心發現原來我一直覺得怪怪地嘅睇法, 竟然有人明...同agree..
早收工, 又入城玩..(其實有時會諗對方唔知鍾唔鍾意, 所以忍唔住問對方, 但答案令我更加唔明.."你叫我點答.." 鍾意同唔鍾意..點解答唔到???唔通我地又係無法坦誠相對嘅朋友??不過我好似無理過...照上...真係愈嚟愈似干物女, 喺地下碌嚟碌去...
唔知真定假, 但我已經當真, 只係講一講, 但你已上心, 亦對現嘅"承諾" ,原來可以令人咁開心, 我知我拉你去toliet 而走咗去時...應該不爽?! 但因為...唔忍心,你咁眼瞓嘅情況下,要你送我落樓..太衰啦...^..^ 不過你唔瞓, 應該唔係怕上次我嘅投訴啩...要我走, 你先敢瞓???
真係好開心丫...因為你嘅行為同baby嘅sms "i luv u2".原來小小事都可以令我開心....成日諗住lee2件事...已經開心一整日了...
真係忍唔住想同人sharing...
可能lee2晚唔係好瞓得多...last day...狂瞓, 狂瞓係唔理時間地點都瞓...我個guide 狂問我地尋晚做過咩...點解可以咁攰, 狂話我痴線...
今團係你last 3, 真係好開心拍你...但你竟然問唔知仲有無機會再拍你...真係火火地...不過,.,我唔mind 丫...正如baby講, 如果拍個friend 嘅partner, even 賺唔到錢都開心,唔mind...
返到hk, 唔知點解有d失落....好似返返殘酷嘅現實咁...

NEWS

耶~~　ＬＥＥ幾日聽得太多自己嘅新聞...多到...有Ｄ應付唔哂...
繼無聊新聞,　榮升大Ｂ之後,就係舊聞送我回家...真係唔洗唱呀~???　
好在,　有ＢＡＢＹ喺到...一ＦＥＥＬ　ＳＯ　ＨＡＲＤ　即同你講,想喊同你講...而你都係覆得我最快...真係好多謝你....
個腦要諗咩,我真係控制唔到...亦無得控制....
所以...諗下你,　望下你嘅ＳＭＳ...開心Ｄ
你好努力想氹我,Ｉ　ＧＯＴ　ＩＴ....　真係ＴＨＡＮＫＳ　ＧＯＤ,好在有你ＬＥＥ個對我咁真嘅朋友...
知我飲緊酒,　即ＳＥＮＤ　ＳＭＳ　比我叫我ＳＴＯＰ~
**********************************
唔敢打比你...知你心情去到谷底...驚大家灰鬥灰,　第２日一齊約埋去殯儀館呀...所以尋晚襯自己飲咗２杯特飲　(益力多溝真霑　同　真霑溝檸檬汁溝ＳＯＤＡ...咁都唔痾又唔嘔,真係痴)　只係打比你同你講一句:"我掛住你"　然後收線...可能同你講咗　"我的心情"　估唔到你陪我講一陣電話,　我明白,　現在自己可能係諗多咗, 你問我幾次 "有無做過...無咪得囉" 我知無咪得囉, 不過....耿耿於懷DD囉....
**********************************
ANYWAY, 我OK.都咁大個人, 可以HANDLE啦....