TELL ME WHY

"亞B,你同佢做咩呀,不秋不采?" lee 兩日唔止一個人問我了.我都想知咩事...有諗過say sorry,但為咗咩事道歉?我都唔知! 旁人話洗咩道歉...但以我性格,如果一句認錯,可以改變現狀,我當然無問題啦,不過,今次真係諗左好耐,諗唔到理由...心淡就已經一家定咗...又一力證,人話變就變,已經無嘢好講了...如果而家同我講掉行,我估我真係OK!而家LEE度無咩感情可言了.. 反而好想快D掉行添...
好想改變現狀,可以點?已經厭悶了...

堅持

多次被叫去飲酒,堅持!
酒杯多次遞到面前,堅持!
對自己許下嘅承諾,堅持!
My eyes are burning fires!!!
原來我都會節制....

即興

已經習慣了紅豆糕唔采我了...全程坐車頭...堅持一句話都無同佢講...唔知咩事...今日返工真係好努力~ 開咗16個booking..自己都唔太相信...我咁有熱誠....sell 到比個客話我 " good girl ", 頂你丫...狗呀?? good girl...

收工即興食飯....原來..終於聽哂完整版..真係好可怕,..有d心痛...
其實久唔久一餐即興dinner..都幾好丫...

可能近排見得咁密...突然無見幾日...有d掛住黃家大小姐添..hahaha

EQ

我知你有幾低落,因為你第一次同我講你有10個唔開心!我感受到你嘅疲倦!將心彼己,如果係我,我而家只有屈服,低頭,!我知好難受,!!但可以點...為糊口係要咁...我咩都幫唔到你...只可以聽你呻, 同請你食飯....ANYTIME STAND BY U ~~
只要你一個call..我點攰都出..
咁多個朋友之中...你EQ真係高到不得了...

任性

如果有一隻藥食完唔任性, 聽聽話話嘅... 我第一個排隊去買...
如果有人可以控制到我嘅話,咁就請鬧醒我吧!
因為任性...因為怕悶...再係咁,我一定喊住搵你...Lee句早在上年你已經講過了!!


不爽...一日發咗無數次黃家細小姐脾氣....夜晚....估唔到...見你飲多咗...真的唔喜歡..我醒你醉時..對住你我竟然第一次好忟!發你脾氣幾次

縱使識左咁多年,已經唔係信唔信得過嘅問題, 因為從頭到尾,無必要!
唔尷尬,因為我不斷講大話!對你無講真相發生咩事!　
無朋友做,因為你不知所謂!!
點解LEE個地方可以令我咁任性?
監護人一唔係度,就作反了!!
真係好任性...

day 9 final distance~ 2010-03-15

今朝5點幾6點先瞓...下妟2點起身....真係唔想起身呀...3個鐘後要出機埸....

由起身起...d時間...真係好倒數feel 咁...好唔想...心情好不安...

出咗去咁多日...竟然...無 "想回家" 嘅心情...唔知點解好似有一種 "由dreaming world返去現實" 嘅感覺...

我想瞓喺暖暖嘅地板度耐d....呀...

我想幾時瞓就幾時瞓...呀..

我想幾時醒就幾時醒...呀...

時間倒數真係愈嚟愈心情沈重呀....點解你仲問我捨唔捨得呢??? 我要10月先有假啦...除非我落嚟...仲要撞到你free...如果唔係, 真係好似baby 咁...唔洗見...所以我好珍惜每次見你同baby 嘅時間...

去食一間力好食嘅雞鍋..真係好好食....10個好食...^..^ until 而家...真係好懷念..

時間一分一秒咁過...

真係要離開...所以...一早己搵咗個靚位...插咗支"b"字旗霸定個地盤..hahaha...雖然handmade...但可見我嘅心思..而字條..真係....有heart ga...字裡行間可見我嘅心情...hahaha...^..^

不管你因為要等人定真係想陪我到last minute先走....但thank you..

同一個地方...同一個心情...竟然第2次...不過今次.,..仲強烈咗....

黃家細小姐9日被照顧之旅..真係多謝你...

又一次寵壞咗我啦....

你對我真係好到唔識講...我只有慚愧....同埋...覺得自己好無用..

不過...haha....好enjoy 丫...

問你覺得今次旅程好玩無...其實lee個問題係廢嘅..因為咁問你...你一定比answer A 我...

大阪...好唔好...相信..我同你心入面答案一致...

不過...過程..真係非常開心...

我諗...地方真係唔重要...

因為....心情....haha

返到hk...個腦仍然..諗住...GPS....個mon...

"前面300米轉左...唔係呀..原來係一公里轉左..." , " 準備cut 去左面第2條線 " , " 死啦..係前面定而家個燈位轉呀..."...hahaha

dreaming , i was dreaming... dreaming , i was dreaming...

day 8....home feel~ 2010-03-14

我真係有理由相信,你唔鍾意我短過你...明知我腿短姐..邊有可能打斜瞓丫....
仲有呀....邊有可能早過我起身丫...有問題..不過好窩心嘅...竟然有人放咗件外套0係床頭比我起身著...^..^..真真無諗過你咁心細....搞到粗枝大葉嘅我有d慚愧...
由起身搞lee樣搞0個樣到出門口...都要3個鐘...
但真係好神奇...點解一次又一次問我會唔會悶親我..一條好funny 嘅問題...雖然過門都係客, 但我已真係當咗係我屋企咁..瞓0係地下度..自己開衣櫃...同埋....做返平日我0係俊文樓做嘅嘢之嘛...it's my living style...好舒服...如果我係悶..我就成日煩住你啦....

是日早餐安排食我最喜愛嘅少骨無皮煎魚加超"溜"蠔餅...飽死....

之後0係lee個連個天都唔鍾意我嘅環境下(落雨)去明洞...因為落雨..無心機行...陪sherming 去整指甲....唔知點解睇佢整下整下...我又唔知點解又整咗喎...真係好唔慣洗女人錢...連整指甲都佢比埋錢...真係好難為情...唔係咩面子問題..而係....唔識講呀....

之後...終於..可以...得到黃家大小姐批准...可以食蟹啦..yes!!!!! 好趕時間咁..嗱嗱聲趕過去海鮮市場順便買埋我最喜愛嘅士多啤利..係我咀叼咗定真係唔好食?? 點解隻蟹同我上次食嘅感覺唔同嘅?? 唔好食到...真係唔想放入口...但...我已經好努力吞....不過帶子同鮑魚真係好好好,有12個好食...

每一個moment 我都有一種被照顧嘅感覺...

"唔准掂隻蟹"  --> "起蟹肉" , 真係仲差咗餵埋入口lee個工序咋...如果唔係真係一條龍服務...

0係其他人面前, 我嘅惰性同超依賴嘅性格真係可以收埋得好好...但0係你面前....真係好自然咁...表露哂出嚟...

時間尚早...去咗附近嘅大大超市行..行超市..真係好幸福快樂...望住包羅萬有嘅物品...個腦即刻有picture...想為屋企添d咩,佈置d咩....但...由於lee度係韓國...所以...just look! *..*
去超市都比你包埋...我真係好無用...振興唔到韓國經濟...

afterthat,其實時間真係真係尚早...返屋企?!?!

一心諗住紅酒派對幾時開始...心情愈嚟愈激昂...但返到屋企...見....對方坐埋低...除褸....心知...應該係因"過往幾日記錄唔好"關係...即時取消, 唔洗通知..即時生效, 無投訴...可以講咩..鬼叫0個晚自己唔生性咩...

最後...2個人坐低傾計...之後...繼續睇電視...直至5點幾先瞓...

lee個晚上...算唔算浪費咗d呢??難得唔0係香港, 唔洗驚飲醉返屋企比屋企人乍型, 難得係韓國, 唔係on tour...唔洗驚第2日開工起唔到身, 攰, 無精神...9日8夜嘅quota.....就咁....用完   @..@
雖然是夜節目out of my mind...但....都好開心...因為真係好home feel ~~~
所以決定聽日開始霸地盤插旗仔....~

day 7...goodbye osaka, hello seoul ~2010-03-13

由於2個人晚晚好夜先瞓...所以朝早起身真係好有難度...正如d客成日都講..仲辛苦過返工呀...

又一次明白...出外旅遊最怕幫人買嘢搵嘢...好似今日咁.."突登"為咗大家嘅朋友sss 要上網check, 突登揸車去...再搵...私人時間又少咗幾個鐘....搞到唔記得咗買好食朱古力....

去到目我地發生一個小小意外....由於係個0個moment , 係睇住事情發生經過..."砰"一聲....真係呆咗....好在身手唔差...只係"掂"到下....好在...不過...真係驚驚地...不過...放心, 無事...唔洗拎電筒照....

日日都食拉麵咁上下....唔係金龍就天龍.."其實我真係好鍾意食拉麵..."haha...2個人0係人地鋪頭...好似搞事咁...係咁玩同笑..真係傻同顛唔可以0係埋一齊~~坐耐d, 鋪都拆埋人地...

之後就去咗大阪城..幾日嚟發現. 揸車唔係太難...最難係parking....真係好煩...同埋個GPS 真係唔係咁good...有時會show叫你轉彎..但明明係無彎,轉唔到...同埋佢guide你d路成日都兜遠d咁....可能我唔識揸車...所以...真係好難睇....比著我..真係無勇氣....揸車..單單係搵大阪城個泊車位..都兜咗幾個字時間....

帶團去過咁多次大阪城外圍...真係第一次入去...成日聽哥哥講嘅名...原來同大阪城有關...不過我都係鍾意姬路城多d姐...^..^

大阪行程~~真係正式the end~~~~真係有d唔捨得...不過...今次嚟..比我好似睇到日本人真d嘅一面, 好似...香港人= 大陸同胞 = 不受歡迎, 有被看低嘅感覺...

正如takako講, 大阪人揸車好狼....好兇....8個驚驚

大阪...再唔係我以前嚟嘅時候咁nice...啦...

真係好失望....

某程度..我估本身...應該係香港人做衰了自己, 自己摧毀形象....

不過..時間真係過得好快...7日6夜大阪之旅...真係有d唔夠...下次再嚟嘅話,我一定要全鄉下郊區hea.... 都係京都爽d...

3年後..i'll be back!

~~~~~~~~~~~~~~~~~~~~~~~~~~~~~~~~~~~~~~~~~~~~~~~~

好快..由一個陌生但親切嘅大阪飛去另一個地方, 一個熟悉但冷酷嘅地方-韓國... 

即刻變返聾啞人仕...我明之前幾日sherming 嘅心情有幾不爽...因為真係好唔爽咗~~

返到去護城河好似返到屋企一樣咁...唯一一個好親切嘅地方喺韓國....^..^....

鑑於喺日本...無咩肉食,...所以2條友去咗食好味烤肉

由於大阪之旅真係好忙..夜晚又夜瞓..真係好攰...所以咩地方都無去...返咗屋企..抖...洗衫..haha..無錯...真係返屋企洗衫...haha

我嘅9日假期已經步入倒數階段了....

day 6 ... 謝了shopping ~2010-0312

因為尋晚咁...今朝早起身....sorry x1000

亦因為尋晚咁...我有理由相信要開始守行為....

終於可以食到酒店早餐...不過...唔ok wor...仲少野食過on tour 酒店早餐...>..<

連續幾日, 基本上都有踏足過心齋橋...

今日no car... 坐地鐵去梅田行街...終於比我搵到心心衫啦...真係唯一 ~~~~

真係好攰好攰...可能lee幾日行街d衫嘅style都差唔多...所以真係無咩心機行....好想瞓教...
final 2個人...真係忍唔住...返酒店...
夜晚比人歧視....去一間火鍋店...咩事姐..而家又唔係比唔起錢..仲咩狂同我地講價錢又唔比我地入坐丫....火嚟..2個人好唔衰得咁..走咗..但走咗之後...不停講:" 真係想食0個個.."...但...堅持~所以最後去咗d guide 好鍾意去嘅白木屋...
之後去咗htl lounge 飲嘢..good view good feel...~~€ but not enough

day 5 takako 共進晚餐 ~2010-03-11

是日不設morning call...真係爽...爽嘅定義係...好爽...因為今日無event 係book咗早上嘅..由於miss咗酒店個豪華早餐..所以去咗食mcdonald..haha 然後去咗酒店附近睇下有無跳跳虎鞋...oh ...點解好似hk同seoul 仲多d 款ga???錯哂囉...

落神戶搵takako... 0係三宮附近行百貨公司....好似時間好唔夠行咁...

takako帶我地去咗食一間牛店(哥哥)都去過...可能我地真係咀叼...蝦又好, 牛又好...真係ok only...反而個salad , 我同sherming都一致認為好好食...之後takako帶咗我地去harbour land...一個我好想好想夜晚去嘅地方...最衰無開燈..如果唔係仲靚..不過...好凍好凍...好凍.... 如果lee個地方係同男朋友嚟一定好開心姐..................................................................回程返去..又一小插曲: 我真係唔知原來咁恐怖...唔怪之得你..."慌"啦...不過....find out 只係一個小問題..(對我來說)...haha...不過..你non-stop時...真係見你個樣好驚...

返到htl..肚餓...on the way出去食途中...."小病發作"..0個個moment 嚇親你嗎??你狂問我洗唔洗去醫院...其實..真係小事一則...相信..因為...頭先harbour land 冷親氣管吧...sorry...for worry....

day 4 ...難得little bit sunshine ~2010-03-10

4日3次...你問驚唔驚, 唔驚就講大話嘅....不過...你喺我心目中已經好勁了....因為我咩都唔識...

點解好似連個天都唔鍾意我咁...日日落雨....難得今日有幾個鐘天氣好d有陽光...增取時間...去咗m字法整茶lee個係有少少失望咗,因為上網時..見真係好似幾ok...無諗過會咁hea...之後再去月桂冠,好辛苦先搵到..and then 見天氣還ok, 去埋伏見山城,,有4棵櫻花...都幾靚丫..之後又係咁...狂落雨...搞到嵯峨野,同稻荷大社都無去....返咗大阪...去咗黑門市場..諗住好多嘢食...黠知..無野睇...街市一個.....再去返心齋橋....5:45 先正式食早餐(吉野家,仲要好似d窮書生,share!20:30終於食咗蟹樂道..之後仲約咗朋友(咁啱佢出團,住附近...)坐去咗bar 飲野...2杯日本chu-hi  真係好好飲...02:30再去食拉麵...今日嘅早午晚3餐真係好堅咁亂哂...hahaha

又係一個開心一天....

明天...more more happy

day 3...是日本人黃慧b ~2010-03-09

為咗方便 again and again...

今日去咗著和服...好可惜...成日落雨...又好凍...所以只係著咗幾個鍾...

第一次著...真係幾煩...係咁裝假狗毛巾...都20幾層啦..都唔明以前日本人係點樣可以日日著....不過成個過程都好enjoy..good good good

之後去咗清水去..行..真係好希望我地2個都可以dreams come true...啦...

是夜晚上..2個人去咗酒店附加居酒屋食....第一餐覺得好好好嘅shop...後悔無拎卡片同照相....

今曰去咗車站留上shopping咗..期望大失望大..係我唔襯10年春裝(郊外野餐feel定咩...)..咩都無買過..真係灰...

返到htl..同你send sms "你係咪好憎我??? "什麼完美地完結2個月...."...即係......

我明白了.,...

真係完結了....

真係好唔開心...

腦海一片空白....唔知想點突然....

"一個我無想過嘅ans....同幾段sms"

我輸比你了...因為心情因你影響而唔同...

day 1 + 2 ..another feeling~ 2010-03-07/08

由上次旅行講到今次旅行...都可以話萬眾期待....

大阪,京都,護城河9天體驗之旅...starto!

大阪,自己都去過幾次....今次真係好係另類...租車自駕遊....好多地方都未過...

未出發之前,真係好想"介紹"大阪嘅好比對方...但唔知點解...去到lee個地方...真係突然好陌生...lee個真係我熟悉嘅大阪嗎??? 好似未去過咁...真係對自己好失望...

由於自己唔smart,...所以今次個旅程變咗.....探險~~~

凌晨機...真係好辛苦...不過...喺你面前...真係唔敢講"辛苦"...因為遠遠都比不上你...

去到大阪...真係好輕奮...^..^

不過小小插曲....搵拎車嘅地方..真係好難...搵咗好耐...同埋..可能自己本身好大期望...但實際...真係幾失望..有d貨不對辦....不過...算...因為輕奮心情已蓋了...不過第一日就撞花架車...會唔會快咗dd呢?? haha..同埋正如takako講, 大阪人架車真係好狼, 又唔讓人...其實都幾驚, 唔係因為擔 心partner 技術,而係....真係人生路不熟,成日用咗好多時間去搵地方...辛苦哂你了...

返咗酒店....osaka nikko, 真係好方便..同埋真係幾ok...張床真係好good!!! 去咗心齋橋, 行來行去, 狂食....豪食....一日內食2間唔同嘅拉麵店(d guide 成日介紹嘅金龍(原來係假架...聽聞,但我覺得ok wor...同埋去咗人地介紹嘅四天王拉士麵..係我病入膏肓定本身有問題?? 明明2個唔同湯底嘅.我都可以食到一樣...), 仲有食咗2間壽司(一間ok好好食, 另一間....只係食咗4件因為真係好唔好食...

.第2日...竟然...竟然....係sherming叫醒我起身...有無可能呀...impossible!!!! 不過...尋晚真係瞓得好好好... 可能出發前玩得太盡...成日失眠...所以...真係好好瞓...不過發咗個好恐怖好恐怖嘅夢....用電話no.去set gps...原來係唔match!!...竟然用咗2個幾鐘去京都甘春堂整和果子(delay2個鐘...)好奇怪...一直都好憎食咁甜嘅嘢...但好想去整...haha...不過過程真係幾好玩,好有趣...雖然製成品3個只強食咗一件,...但已經係一個極限了....

之後去咗周邊寺廟...最衰timing唔啱...好多已經收咗..日落去check in~ hotel granvia kyoto...真係好好好好好好靚...之後去咗附近食店...又係唔好食嘅壽司..真係失望...之後想再去居酒屋....但...又係....經過lee2日,真係好想好想學好日文...好無用...

lee2日...大家都有各自嘅心事....聽日...聽日...我決定...豁出去玩....咩都唔諗,希望可以...

我好想好想...好enjoy 好投入去玩...因為唔係成日見嘛...^..^....

今晚好想飲多d...不過d炸物已經k.o 咗我了....haha

真係好鍾意京都...以前出團時最怕lee個地方...因為怕悶...係人大咗定心情???真係好舒服好心平氣和嘅feeling...反而..大阪....已經唔再適合我了...突然好想去奈良,和歌山...近郊...唔洗要咩行程, 坐坐看風景已好滿足....

3年後..i'll be back!!!  京都...

P.S...今日收到GOBBY SMS...雖然一個短短SMS...不過真係好開心..因為在心中嘛...

心死...

真係心都死...心情好...我地就食"御膳更".狂拉住我地傾計講笑..心情唔好...我地就食4點幾更...黑面黑到呢...我真係以前自己犯咗咩死罪...要殺人償命.....咁...女人真係難捉摸...
所以今日我地2個努力抗戰...唔出聲...唔0係佢視線範圍出現..
連借行都不如嘅對待....
連借行都不如嘅態度....
"紅豆糕"???車~~~~我鍾意食馬豆糕呀~~
跟咗7年幾....
原來...真係...可以咁......
唔嬲...不過...跌眼鏡咗囉...
如果辭職, lee個一定係reason之一
真係 "太后"...

一早返工...即刻做哂re-confirm...27人, 有19人去咗茶會室開茶會...韓國首爾4天咋喎..破哂紀錄啦...比我第一個感覺係.....連茶會個食物都唔放過嘅一群人...叫佢地帶泳帽..問浴帽得唔得...係我chinese唔叻定...佢地唔識中文..都話"泳帽"咯...仲要唔止一個party咁問...真係不得了...
好在一派lee團時..亞花已經同我啪咗針姐...如果唔係..我估火都嚟...而家..一笑置之..
今團我都無期望...期望快d安全回港....真係好耐未試過落seoul有咁嘅心情..好似啱啱新做嘅心情咁...hahaha...

終於....終於...哂咗旅行d相lu...已經唔係全哂架啦...都要200張...邊度有咁大本相簿呀...突然好有heart 想去整.....my eyes burning fire~~~希望可以捱到5mins 啦...hahaha.....

超開心的兩晚

收工拿拿聲趕去....好耐無見...了,...
今晚2個人飲咗2支紅酒....突然,真係好想講.."我好鍾意飲紅酒"呀....^..^..2日開咗9支紅酒....
是夜話題不多...因為未到醉意....
但...完場時...往往才是我想得到嘅氣氛....2個人0係條街嘻嘻哈哈, 談天說地...或者大家都飲大咗...講嘢才是最真....最貼身...如果車未咁快到咪幾好...可以講耐d..~~ 我倆話題可以更深~

"我好掛住你呀, sammy ", "我愛你..." ....其實我一早知丫...要不然, 你點會間唔中打比我叫我陪你... 長途都打比我丫say 個hi....不過...如果同我講lee句說話係佢咪幾好...最少我可以開心3日啦...不過...我都多謝你...都咁耐啦...你仲...haha....可能唔係我理想對象, 聽到, 睇到....都無咩特別感覺....只係...覺得..原來我都有人鍾意......(苦笑)...

今晚雖然飲唔多...可能尋晚...所以....情緒都幾高漲....

消息

每次派親日本,唔係最主要check人數,而係CHECK guide,因為每次都會諗會唔會係偶像帶我,好期待好渴望!但,聽完一個消息,以後唔洗check啦,因為佢唔做了...替佢開心因為佢有新生活,做哂我嘅希望,長期駐守日本!應該替佢開心,高興!但真係有一刻酸溜溜嘅感覺,因為以後連一刻嘅機會都無!

除左澳洲之外,點解每次我去親邊到旅行,之前或返嚟後都落返嗰度ga??今日同朋友講自己嚟緊落韓國,點知對方第一個反應就係..."下,又係咁嘅?由以前泰國,日本,台灣...都係咁...你買唔夠手信都無問題啦"...原來公司咁重視我嘅旅行啫...(苦笑)

今日返工,理應攰死咗,但...唔知點解好努力努力收客...真係估唔到, 不過,同一次時間,傾電話次數都多好多!哈哈!!講到唔想講...可能今日返工好悶啩,只可以對住laurent玩抽水十五秒..
快D返埋聽日啦.趕時間出團!唔想喺香港呀!

醉了

自亞比結婚之後...真係無見過...
今晚, 我,zome, sherman,phebby, 秀文..5個去咗上次0個個埸(旺角)食飯飲嘢..真係無諗過飲3支紅酒,會free 4支比我地囉/....total 7支...
醉了..
收到你飲醉咗嘅電話...其實我都醉咗....
真係唔開心...final 走淨我地3個.(ZOME & SHERMAN) 加2個老細一齊飲...真係醉...(只有醉, 我才立即寫日記)....3個人嘅時候....加上醉醉地...我真係唔mind 開名傾計...
even無人幫到我...不過...總算發洩過....
點解..次次都係你飲醉.我飲醉...你打比我時...好down..
原來姊妹嘅意思係咁.....

派咗團seoul...$2399-500..仲唔係全銀河最抵????但點解...係國語guide...???單女..無得踢走嘅單女/?? 好在..同cora 同hotel..真係有股衝動開間房....

真係醉了...

口不對心

點解要22號喎....
初頭唔知..唔想去...見到...好想去...但....又有少少茅盾,...去到又唔知點...當然..好似上次...都幾好丫...不過....因為一句說話...成日放在心內...但...."完美...." 又好似句號....其實.....我想係省略號....但....旅行之後......總覺得愈來愈遠.....好遠...好遠....
想...打電話...唔敢
拎起電話...唔知用咩籍口....
最後打咗比你...用一個好爛嘅藉口....
lee種感覺好辛苦....
唔想同人講..因為...好似好煩咁...但....真係好...困擾....
picture always in my mind....anytime....
"finished

突然,零晨兩點幾好想打電話比人, 只想聽下有人講嘢把聲...感覺自己不是一個人...可以嗎?.... 討厭一個唔似自己嘅我,咬住唔放

平靜

玩創咗心...返工..真係好辛苦...
個腦整日...
"我懷念的"..
" 234~ 有咩幫到你?? "
~~~~~~~~~~~~~~~~~
返工...比幾個人...問同一個問題..."我份禮物呢?? 我唔要大圍嘅...我地係好朋友/姊妹 ...."
下次...我諗去旅行之前...一定要整一個list 出嚟......因為...真係唔夠...
~~~~~~~~~~~~~~~~~
你去日本...點解...會係韓國食品節....hahaha...真係好難為情.....
其實, 我真係好想講...我係日韓之旅....hahaaha
~~~~~~~~~~~~~~~~
點解...而家counter轉咗收9ga...
真係想講句, 我就快無家人, 無朋友???
唔知...遲d ..會唔會...個slogan都改為 w o t  24小時一心服務你 or ...總有一間0係你左近??真係他媽的~~~
~~~~~~~~~~~~~~
你可唔可以比我心理平衡d 呀.... 唔好阻我送比你丫... 一次咁多丫... 求下你丫...
我知同你無計....不過....我真係欠你好多....

第二最愛

期待已久嘅馬來西亞終於都到啦,突然有一種5+10天嘅假咁...
雖然搵唔到錢,但真係好開心(可能出完lee團就放假啦,所以無心工作)
第一日已同sunny lim.打馬拉麻雀兩場(好在去程飛機全程瞓左啫,如果唔係真係虛脫),馬拉麻雀又幾好玩,不過都交左少少學費去學囉!
第二日,喺馬六甲陳金福撞到cassandra,亦好在撞到佢,先可以避過一却輸麻雀機會,不過,見到cassandra時真係幾尷尬,因為今次落嚟無打比佢...原本諗住同佢食鮮奶炒蟹,點知無開,錯哂~之後約去飲嘢,但點解...點解...會同埋佢四個客一齊,雖然佢地好NICE,但又唔同公司,有點怪囉~第一次黑啤溝生啤,話好好飲,我真係感受唔到,我同baby都係一樣享受飲完之後有股氣嘅感覺!
第三日放sunway,baby 過左嚟陪我,諗住係飲嘢,點知去咗新地方,去KTV, 型囉, 一路傾計, 一路聽歌,一路飲啤酒,真係爽!!今日真係好開心~
第四日,講都唔信,第一次落馬來西亞有FREE呀,四點半收工,爽呀,baby今晚帶我去食蒸雞,100個好食!!真係好彩,原來baby五號一早飛廣州,如果我遲兩日先過嚟,真係見都唔洗見呀,真係LUCKY ,等左年幾終於等到佢兩封大利是呀!
五日四夜真係好充實!!
 樂而忘返丫!!!
malaysia~ i 'm lovin' it~