無癮

要等到4號先有團派...真係燥燥地...炆自己點解成日病...
lee 個 世界就係咁唔特別要草時..d 錢往往都係easy come, 但想努力草錢時...最好似同你作對咁, 草唔到唔緊要...但仲洗得多...
不理解
今日覆診, 好在平左姐...上次半價..不過都幾肉痛...
又影近照...唔洗呀??
今次堅, 14日藥...真係食藥食到wing wing 地...唯一安慰嘅係: 媽媽唔洗驚我會濫用藥物囉, 因為已經啪到驚...
一聽電話, 被人狂鬧...哎呀...又唔洗通緝我嘅~~sorry 囉 ^3^ ..唔記得覆之嘛...

負

見到自己本雜誌近排咁負面......真係好負面...好多嘢諗...
y 理又開始出....
理應真係唔可以出團...但...堅持
一個原因, 9月起大把時間抖 !!

SHIT

其實我唔係咩名人, 亦無新聞價值...真係估唔到,  一個感冒之麻, 咁都被人問我," 我主管話你好似係婦科病, 無事嗎??? 但點解你要帶口罩, 把聲沙嘅???" 真係啤一聲,...nth to say ....

lunch , 同傻龜, 小姚同花4個聯誼會會員去飲茶, 因為好耐無食過人間美食?? 定因為之前咁多日食得太清....腸胃唔慣....食完...全部嘢嘔返哂出嚟....我諗我真係要食得好清先得..

夜晚食完....又嘔??! 真係要我提早退休???

聽日應該可以拎到復工紙...可以派團啩....

幾日都無聽你電話...sorry ^^,

15YRS

如果我細15年, 唔好話15年, 12年呀, 我都會搵你做男朋友呀...邊有可能咁有錢, 17歲...去杜拜package, 會book 一晚 al maha desert resort, 一晚帆船, 一晚atlantis the palm 吖....痴線架...真係痴線架....

今日每sell一枱客後, 就無哂氣, 透唔到氣.....>.<...點解可以仲未好返嘅. 就快一個月啦...灰

驚喜

突然一個來電, :  "我地到左炮台山啦, 而家過緊嚟" ...
即刻醒左...上嚟??? 做咩??? 探病???
真係好開心...有lee 2好友 .^..^
雖然無利賓納, 燕窩, 冬蟲草, 但都有一梳香蕉 ...hahaha ..
同埋媽咪一齊出去食飯,之後 打麻雀.
真係好感動這2個摰友的探望同心意
i love you ^^ jay and blue

藥力??

係d藥真係好堅定咩???
食完non-stop 瞓, 瞓到頭痛同牙痛??關事嗎???
有好轉嗎??? 好似....
好討厭嘅薯仔同冬瓜又嚟啦....
好在今日終於食返美味肉餅 ^^
我會好番嗎??
醫生真係可以醫好我嗎????
不停不停地一個又一個噩夢...真係驚 ...又係藥力嗎??

悶悶不樂

好想好想去玩,
好想好想去食,
好想好想去第2度...
好想...
好多好想...

每月一病

真係好辛苦嘅一團...唔係因為客人, 行程....而係出發前一日失聲, 失聲嘅定義係....啞左..出發機場briefing, see-off simon 超好人, 問我幾次洗唔洗幫我briefing..不過..真係好樣衰, 所以沙住聲好辛苦咁講..真係未試過...b 完之後...又啞左...連同其他領隊講嘢, 企喺佢地隔離講, 佢地都聽唔到....
上飛機開始狂咳...what's up... shit !
5日都咳, 喉嚨劇痛, 失聲, 講嘢走音, 前後10日...真係好過份...
連朋友突登長途打嚟, 我都咳到講唔到...
第4日free day... 原本plan 左寫report, 睇notes, 出去行一陣, 去捐棺.....但點知, 一早咳醒, 去睇早餐, 之後返房食埋什麼幫唔到手嘅抗生素, 瞓下又咳醒, 咁又下午...真係好似挑戰世界紀錄大存咁, 睇下一分鐘可以咳到幾多下, 仲要咳到胃抽筋, 再加喉嚨劇痛....突然諗, 點解次次病嘅都係我,??點解我可以成日病...忍唔住喊左出嚟...唔係因為覺得自己可憐, 只係諗點解lee個世界咁唔公平, 我又唔煙. 真係可以講, 普通人一個...點解可以一個月真係好似得4日係健康...點解我成日要戒口, 海鮮唔得, 因為皮膚敏感, 凍嘢唔得, 因為氣管敏感, 點解我食咁多保健品都可以身體咁差....忍唔住send 比4個好朋友...但...真係估唔到覆得我最快係gray 同fammy 佢地真係好朋友...知我free day會全日陪我傾計, 就算夜晚飲緊酒都分別send sms比我講嘢比我聽.. 真係超好, , 知我病到就死., 幫我book 埋專科睇, 仲要知我唔開心 , 講笑氹我...真係好感激佢地...老實講, 我唔係要人氹, 要人安慰. 只係好想有人陪....但竟然最好嘅...堅持係lee 個位失蹤...send 之前已預左...但...真係....
幾辛苦都好, 咁難得落泰國, 堅持出去捐棺.....我今次真係無要求咁多..只係想身體健康同工作順利only...出左去2個鐘返酒店. 又係食藥瞓...
真係未試過去泰國係飲warm water...係食咁少嘢....食藥多過食其他嘢, 真係未試過...
今次真係無relax...F/S似 入住獨立病房. 酒店將床似病床多d...
真係好無心機...小病是福, 我知, 但每個月得4日無病...真係唔係福囉. 財多?? 如果我真係拎哂醫藥費去炒股票, 我估我而家真係富婆.... 我病得下??? 我真係唔係囉....
其實我真係一個要有朋友先可以生存嘅人...我真係要人錫....多謝你每日都打嚟問我好d未, 多謝你出船都打比我....
真係未試過病到咁無心機, 咁灰...

ok?

好似前幾個月都係失聲reconfirm...每打一個好似要用盡所以力氣一樣...
打完一個飲幾啖水...打電話時要望上天花板, 順氣d....打得真係好辛苦....
sell行程時, 個客仲可憐自己講一句, 你好辛苦呀....
真係好討厭病嘅自己...

don't look back

不要受外界閒言閒語影響 !!!!! 集中精神 !!!!
無謂事唔好諗 !!!!!!
真同假, i can get it !
現在唔係發白日夢, 或者光說不試就可以實現的, 只要堅持自己想法...堅定的走下去,  誰也阻止不了我.
心裡爆發出來的慾望愈來愈強烈...因為如果缺乏樂趣, 活著還有什麼意義, 沒有行過高低起伏的路, 就好沈悶, 乏味.
夢想不在過去, 也不在未來, 而是現在追求的目標, 別傻傻地呆住不動.
你明唔明呀，猶豫只會造成困擾，咀巴是別人, 因此誰都沒有錯，所以不要遷怒其他人...
黃b, 唔可以失敗, u can, even 個個話你waste the time, 只要想就做吧 !!!

5顏6色

一係唔病. 一病就5顏6色...辛苦死...每到夜晚都係難以入睡,

無返一日工, 一返去, 亞姐即刻唔彩我 (都估到)...因為尋日得我一個 b ..都照唔返...我明嘅...不過我真係不至於對lee間公司咁有heart, 咁有歸屬感到....病都要睇埋counter 夠唔夠人, 有幾多 a 有幾多 b 先決定返唔返囉...老實講 , 如果係咁...我咪唔洗請病假??? 況且lee 間公司日日都嚴重缺
乏人手嘅...

可能今次係last 一次appraisal, 所以好 hea  同好快, 由坐低到簽名都只不過20秒....對比有一年用一個鐘真係誇張呀....亦可能係今年last 1年...我諗都應該得我一個敢做...叫亞姐試下寫我A ...hahaha...真係啤一聲...

夜晚收工同亞史同凱琳去食飯...發覺食飯嘅組合愈來愈千變萬化...好fresh...

今日好開心聽到好友step 1 ok !!! yeah~~~~~ step 2 is coming~

又病

掙扎咗好耐, 究竟返定唔返...因為得我一個B.. 最後都返唔到...都無諗自己咁嚴重, 今次又睇一個新醫生, 鼻咽喉發炎, 嚴重鼻敏感..有無咁嚴重??? 出唔到聲咋喎...^^

尋晚食出團d成藥都唔得...如果我去咗韓國, 點算?? 我要執定d咩藥??

嚴重

咩事呢？近lee幾個月，鼻敏感發作次數急升，重要係喺屋企同每次都係嚴重，嚴重到眼痛，眼腫，狂流眼水。鼻水。喉嚨痛，失聲，成塊面痕。真係好討厭。以前可以唔食藥，但而家係一定要食添，仲要唔係次次work.錯哂。真係好炆。 已經習慣了，每日同指定人物whatsapp,嚴重到一日不見，就要報驚警。真係估唔到喺我心入面佔一席位，仲要唔細。whatsapp真係偉大發明。拉近人與人之間距離。 我發現老毛又開始了，開始厭倦了，唔聽電話嘅行為又嚟啦，真係唔鍾意日日好似要報到咁。 點解我會咁架？點解會重覆又重覆咁去犯錯？

再見C86,O10

原來我倆已識咗8年幾...
下午編左情侶更食, 豪食峰壽司..傾下傾下, 原來2次嘅第一天同最後一天, 我都喺度, 今次...有少少唔同係...知道唔會再有下一次, 突然覺得大家都好似成長咁, 各有目標...
雖然知道我地之後都好似之前咁, 可以成日見, 食甜品...
不過...喺counter上無左一個1000個好嘅partner, 成日比我蝦 ^^..我餘下幾個月都要孤軍作戰啦。遲幾個月就到我啦，唔知我到時係會點嘅心情？
i wish i wish i wish for you~

drink

已經講過無數次, 放一日假係唔夠嘅....

之前一晚睇電視到2,3點先瞓, 理應好晏完起身, 點知, 賤命~~8點幾起身....瞓唔返...同他媽軍團whatsapp 成個鐘, 真係笑醒咗, 發現lee 個group 頭腦慢反應慢d都唔夠玩呀, ...真係好好笑, 咩group可以deleted , 但lee個group真係唔可以delete ,special 唔開心時一定要睇返lee個group d sms.保證笑返~~~

約返小姚比嘢個客之後去happy hour 2小時, 再去夜晚ktv.. 是夜有zome, 花, kitty ,小姚 5人, 唔....好攰好攰....唱到430....1000個眼瞓...

自5月尾開始, 好似都狂飲酒咗....真係好似飲多咗咁...

乖

一早聽左媽咪講返同哥哥之前"如果有錢, 一人一單位"言論嘅說話, 我明嘅..站在哥哥立場, 我明, 站在媽咪立場, 我都明...所以我都係唔出聲好d...

可能再過多3個月就飛, 所以好希望有時間都陪媽咪, 因此, 今日返cj, 一人食飯..叫左媽咪過嚟陪我, 可能外人會覺得仲咩要搞佢撲嚟撲去, 但...我知佢好想見多一面, 食多一次飯都好開心, 可能佢已有少少估到我唔止去2個月啩... 所以當今晚一cfm 唔洗出去比野客時...即再約埋佢食晚餐, 佢今日好開心...有少少放唔低佢一個人幾個月....(」゜ロ゜)」 不過好在, 今日聽佢講, 佢個best friend 個仔都去外國讀書...又係9月...所以...^^ 放心哂...因為到時佢地2個人可以成日出嚟行下食下... ^^ 互相陪下 (*_*、)ヾ(-ω- )

了解我嘅, 一定會有疑問, "點解會去韓國??" ,包括媽咪同哥哥等等.... 因為知我熱愛韓國嘅程度吧 ^^ ,傳言已經去到"有男人", "做guide" lu.... haha... 聽到都忍唔住笑, 因為...估唔到自己都有新聞價值...但有d不悅係..竟然有人將我同xx比...真係不爽咗...（●｀ε´●）  我唔會輸嘅. even 真係讀唔嚟都好, 都要堅持...無得輸 ε=ε=ε=ε=┏( ・＿・）┛不過...而家望住d notes...有少少苦惱...

突然..覺得有d似....做陣嘢就去學語言, 做陣嘢又去學第2 d 文...

landing

welcome back.. 終於可以返香港啦...好耐未試過咁唔鍾意d 客, 佢地有錢, shopping, 老錦夾大....但無品格...態度好有問題...我明因為 x 嘢, 會要求高d...但...真係唔得同過份咗囉, 加上同房條仆街...令我想殺咗佢, 加上空調問題....真係好miss hk...
所以一landing , 即刻約埋媽咪同哥哥去食德國嘢..其實想食生蠔...不過媽咪又唔太好....so...
今晚好開心...同哥哥一人一句, 3兄妹理論人格分析...估唔到原來大家都了解大家....但媽咪不是味兒...因為佢堅持我地係"厭棄無禮貌", 因而有dd火藥咪, 加上同哥哥都有叫酒飲...所以..要我打圓場~~~ ^^;
真係估唔到...我懷疑媽咪成日襯我出門時, 靜靜雞同哥哥成日嚟, 無可能會喺一個無點歌嘅情況下, singer會講明係唱比媽咪聽吖...輸哂~~~
得悉哥哥最近買咗份保險, 受益人係我??? 咩事呢??? 咩保險???
今晚真係好family night, 由7點半食到10點幾..3個幾鐘....真係好warm ^^
珍惜每一天.

5天團

5日, 由於無撞過公司團, 又由於同房夾客, 所以悶咗幾日...
難得同個guide 去食宵夜, 可以暢所欲言...都被客打嚟通緝咁...
不過每次都係靜落嚟時...都開始諗嘢....
一連串問題...即刻send whatsapp 問....
其實問題出於自己..因自己嘅固有性格...真係好驚有日被厭棄...

7

約了波波同姣婆食飯,  估唔到下場係去飲嘢 ^^

 之前試過了嗎??

去左UCC食之後再去 CAMMINO OF THE EXCELSIOR 到飲嘢,  近排喜愛上GIN TONIC..真係好好飲, 好FRESH!

幾鍾意3, 5知己坐低摸下酒杯底...真係一件樂事... ^^,

  9月中旅行?? 日子幾好..因為可以有借口早D過去XXX囉...BUT 慘遭 REJECT...LEE個世界就係好得意, 當有時有D嘢諗到好完美時...往往就係有D障礙...不過唔緊要...PLAN B., 同埋諗諗下又係WOR...無可能....哈哈...真係當自己屋企...咁...添..^^;

原來我真係一個好理智嘅人, 理智嘅程度係...我真係唔相信...其實...咁理智做咩呢??? 好型咩???

如果堅持咁理智...恐防LEE一世都......
~~~~~~~~~~~~~~~~~~~~~~~~~~~~``
他媽的發生咩事...鼻敏感嚴重到...成晚狂流眼水同鼻水...好討厭~~~

6

去左亞賴屋企飲嘢傾計..
"你不嬲收早或者放假先上嚟, 有咩事先???" 哈哈..諗諗下, 好似係...不過, 想見唔係問點解呀... ^^
真係唔係劈, 只係3個鐘, 傾下計, 2支紅酒...走嘅時候....醉醉地...可能架車行得快------>嘔....同埋, 好似以前咁...飲多了之後又嚟sms....第2日睇返...原來我真係好堅..可以打咁多句說話....仲有....寫埋行李牌...真係好似鬼上身咁...痴線....
可能真係由佢血淋淋出世, 感覺真係唔同....桐桐叫我 " b ", " bb "時真係好冧~~~

我只可以講sorry, 幫唔到你繼續落去..撐你..lee 個moment 你需要嘅係支援, 但我support 唔到你...我真係為lee件事唔開心....
lee幾日, 日日都聽到 "做人道理", 什麼 "私隱 ","底牌"....哈哈...我真係好想講, 我對佢係零秘密...真係唔明做人點解要有秘密, 點解唔可以坦承相處???
不過真係好多謝關心, 証明你係超痛愛我... ^^

5

happy birthday to me ~~~

真係好感謝尋晚2位超好友凌晨致電...估唔到2個都唔係係HK...

一位下午我同佢講,夜晚打比佢時, 回覆"唔好啦, 我好攰..返去瞓" 以為佢真係瞓左, 唔記得左添..^^

耶~~好衰架....不過...我聽得出對方真係好攰同埋病病地嘅聲音~~ 但都...真係陪我由28渡過29嘅時刻...

另一位真真估唔到會係亞人, 凌晨2點都打嚟講HAPPY BIRTHDAY...不過, 最有趣係佢好似不斷remind我生日咁...由尋日下午打比我, 今日又打...hahah...真係好開心...佢地真係好有heart!!

同埋有d一到00:00 send sms, whatsapp比我嘅好友..thanks

今年LEE個生日真係好SPECIAL~~

竟然喺COUNTER好想喊...忍住忍住...不過都比laurent 發現左... 

因為亞姐一句: " 最後一年同你喺COUNTER慶祝生日啦, 下年可能你要係韓國慶祝啦..." 聽完真係雙眼通紅, 畢竟第9次同我慶祝啦...突然好感慨...

是夜真係無諗過...會係由小姚同小雄同我慶祝生日...HAHAHA..

收工先去HAPPY HOUR 飲3個鐘,傾足3個鐘...^^ 之後再去食乳鴿...今晚真係好ENJOY, 好開心..真係無諗過...只係識咁一年左右會friend成咁.. ^^;

一直, 返工, 好朋友係我嘅支柱, 有佢真係好有安全感....(外人覺得我成日蝦佢...),我真係好想講,"我唔捨得你呀..."..生日sms 之中, 亞瞿同佢都係睇完有少少感觸

或者而家我倆先真係長大, 尋求目標...但真係好希望我同你都可以成功, 獨當一面...努力 !!!