舒服哂

原來事件解決哂之後.個人真係舒服好多, 最少好期待去泰國食嘢, 飲酒, 游水.好期待返香港見D 好朋友, 姊妹,去KTV, 食飯, 重拾我失去嘅精彩夜生活, 雖然咩PLAN 都未有, 但....就算食, 我都好滿足...同埋好開心係...已收到好多SMS 話返香港要見面... LEE個係一個"價值" ^^

雖然唔知LEE個決定唔知做得啱唔啱, 但...嚟緊我要加倍心機用功, 唔再心散 ^^  對得住自己個決定. 

終於

失眠左3晚..今日終於要面對, 好慶幸同MISS KAKAO TALK , 啪左我針, 所以我先OK, 可以忍住...
分數...我唔OK 嘅..亦因為上學期唔合格, 令拉唔到分....
由9點鐘上堂到12點...我全程專心唔到, 諗好多嘢...
FINAL 自己有個決定, 再同3個人講, 一個係過來人,佢讚成我...明白我諗咩...但第2個竟然...我明佢諗咩, 因為早在星期五,我已諗過哂佢講嘅...大家各有己見, 再講就嘈..FINAL 再問第3個...同佢傾完..真係舒服哂...我唔係要一個認同, 因為今次我好認真去對待LEE件事...
50小時一個人認真去想...
我只希望身邊嘅朋友係支持同理解...
好似一個了斷咁...

自豪

我估成世女都無咩自豪...唯有嘅係一班對我好真嘅心靈朋友. 兄弟姊妹好友...
可能尋日喊得太多...今日都無咁多眼淚出...電話依然唔想聽...但至少今日都回應SMS...
好多謝你..同你講完之後, 你竟然講"我出 $2000機票錢" 唔係因為錢嘅問題, 係因為你真係重視我...你會好擔心我, 用心咁連續2日都SEND SMS 比我安慰我...
真係好感動...

懷念

懷念以前香港時, 分手又好, 咩事都好. 姊妹們幾遠都好, 幾夜都好, 幾攰都好, 都會撲出嚟陪你縱使坐唔出聲都好, 都比你感受到自己正在生存中, 感受到他們有幾撐你...嗰時只會覺得大家姊妹嘛, 必然啦...所以不當一回事, 只會閒時攞返出嚟講笑咁講...但原來LEE D 就係經營出嚟嘅成果

嚟左韓國, 相對地我比其他留學生幸福好多...因為有大屋住,有好嘢食, 要咩有咩, 想點就點...除左自己心理上責任負擔之外...有時真係想..唔通家族族譜寫漏左我仲有個姐姐?? 但...原來, 生在福中不知福...考試竟然可以考成咁...愧對任何人, 加上面子問題...真係好唔開心...尋日成日諗左好多嘢...究竟我係咪任性?? 究竟我係咪唔適合讀書?? 我係咪有讀書障礙?? 究竟...好多究竟...解唔開...好耐好耐無試過喊成咁...之前縱使有幾唔開心, 都會周圍同人講, 我唔開心唔開心, 講完就無事....但今次...我唔想講嘢, 唔想面對任何人, 唔想返埋餘下日子嘅學, 唔想去旅行, 唔想返香港, 只係想安靜唔講嘢...但好想有人陪, 坐喺我身邊...可惜...無..有D失望...但...明嘅..心中有答案, 唔同朋友唔同性格.


又諗..REPEAT 咪REPEAT 囉, 個底打好D囉, 最多之前諗住讀 6 LEVEL. 咁而家咪謮5個LEVEL 囉...(不過都你講下)如果比你上到, 你之後都會讀得好辛苦, 仲好, EPEAT 咪無咁大壓力囉...不斷向好嘅方向諗...

但...其實內心真係好難過...

自私

今日為左MISS 嘅SMS ...喊左好耐, 悶悶不樂一日....

今次EXAM 應該好差... 資質問題定...?? 真係唔知..但我只知, 我今次真係好努力去讀...真係好努力...但我真係接受唔到....愈諗愈唔開心...唔開心喊...TIMING?? 點解...又係無即時FEEDBACK?? 可能已經慣了...咩都算了...只係唔想講嘢...真係好想有人陪...喺LEE個MOMENT 我需要人嘅指數, 比喺之前話孤獨嘅OVER 100倍...可惜, 要去玩嘅玩, 要返HK嘅返...坐在床上一整天...唔想對外接觸...唔想比人知我D事...

是夜忍受唔到...估唔到...我咁低潮時會係由你陪我...飲2場...同韓國人成晚用韓文講, 對方話聽得明我講咩...咁點解..我ORAL會咁差吖...??

我心情真係好差....

久違的

好似好耐未試過笑成咁...雖然好白痴...但每次諗起都好開心...真係好開心, 好好笑, 突然想...好似我 LEE 2個幾月, 未試過笑成咁....THANKS

好得意, 我圈子入面有好多唔同類型嘅朋友,有D係好TAKE CARE 你, 好似屋企嘅家姐呀咁...但你關於心情/感受上有咩發生,你未必會同佢講, 或會想起佢..因為知道佢唔會滿足到你心靈上安慰, 佢無興趣聽..有D朋友係傾心事嘅朋友, 有咩都會主動同佢地講,  基本係心入面個盒你會發生後1,2日會主動開比佢睇咁...有D 係好久唔見一次, 平時無咩CONTACT, 但一CONTACT 就REPORT 返無見咁耐嘅事...無生疏,無悶場...有D就一見面, 就HEHEHAHA ...好開心...老實講, 我真係好感激我LEE班好朋友常伴左右...簡單講...真係唔會悶..就算足不出戶, 都可以唔悶. 反而仲覺得唔夠時間咁...反而如果無左部電話..我反面會死...^^

今次考試好失望嘅, 因為,平時最最有信心個兩份PAPER , 今次竟然我唔識, 唔係要求高分. 而係PASS都唔知得唔得...好HURT, 望住份PAPER, D 字好似識跳咁...好難專心望...突然好驚...覺得好似唔識咁...一段文字望左5次都唔可以集中望...一開始已經咁..個心沈哂...反而另外2份, 今次竟然OK...但接受唔到自己有比心機負出而咁失敗,

一見面, 同你講唔開心..你即刻攬住我...雖然好想兜巴星反抗, 但..小狗永遠都係無反拒能力...>.<..  LEE 個MOMENT 我知大家都" 在心中", 只不過我地唔係坐定定傾計嘅...唔會好認真去面對, 處理一件事..而會用另類我倆獨有嘅生活語言相處. 雖然我有想過, 我地好似HEHA朋友, 有時會收埋D事...但我明每人都有秘密, 但反而我好鍾意LEE 個處理方式, 有感唔認真, 但有心.. ^^

2日聽到好多次"我個心有你"....明架啦...唔洗REPEAT, 雖然我倆真係少左聯絡, 有時會想我地係咪變質...但..LEE2  日CFM 唔係囉, 我相信之前辛苦經營嘅,唔會因為少少時間而改...當流架??雖然我真係好薄情...HEHE..但... 真係"在心中".

OVER

今次考試, 加埋今次, 4次...4次都係考之前病...其實係咪緊張壓力?? 學業嘅壓力, 尋日LINE 內容嘅壓力, ..好多唔同嘅壓力加加埋埋真係好爆.....今日由4PM 溫到9PM..溫到個人燥..好炆...

LEE 個MOMENT ,你好似上帝派比我嘅使者拯救我咁...出嚟同你食7咁食...飲返杯...RELAX 好多好多...舒服哂...

今晚好開心... ^^突然好似見返好耐無見嘅B 咁....究竟而家屋企嘅B 係自己定....今晚嘅B 係自己呢???講嘢假到爆嘅係自己定唔想講嘢嘅係自己??? 有時諗LEE個題目已經好頭痛... 究竟我係去配合人而不自覺地改變自己?? 定LEE個先係真正嘅自己???

突然

了解我嘅你...同我講左你嘅想法之後....
我成晚諗...諗點解你會咁講?? 如果係其他人講時, 我真係唔諗咁多, 一句 "你都"ON"嘅.."..但LEE個想法係出自你時...我真係好認真...好MIND...

一晚嘅冷靜想...心中有答案. 因為我自己知自已要咩, 諗咩, 做咩...

之前的而且確係有問題, 但....我堅持人地鍾意我都無法...開心一定有, 任誰都想自己係童話公主入面嘅白雪公主咁有人鍚...但..我只不過係迷糊幾日...之後靜落嚟, 夠鐘醒返, 搵返自己, 咪得囉, 唔係咩??

肯定嘅, 我今次一月返嚟到而家...4個字 " 不知所謂 " LEE 幾日反省好多次....WHY? WHAT?? 我唔可以好肯定講我而家個腦好清醒, 但至少而家 知自己想好咩, 想做D咩先..

喺香港成日渴望一個人住..今個月完全滿足哂我...原來我真係好ENJOY 一個人生活. 想點就點...同一時間証明我係暖家嘅, 有人約...真係睇邊個約囉...都唔想離開屋企, 寧願住喺床到百無了賴, 講下電話, SEND 下SMS, 或大大聲播歌, 睇TV都唔想離開屋企...

miss

原來我錯過左好多嘢...今日無啦啦用佢個名yahoo search...原來佢而家喺北海道..北海道大学 / 医学(系)研究科(研究院) 做助教.....真係錯哂...lee個應該係拍得最耐, 最鍾意...最後無故分手而最可惜嘅一個...
如果嗰時我識諗..(而家都唔識諗)...我估, 我應該一世免費睇醫生 ^^ hahahaha
不過鬼叫自己未定..心野...
錯哂~

滿足

今日放學自己去學校診所睇醫生, 第一次...將自己滑雪跌到, 坐得耐膝蓋好痛,行唔到同醫生講.. 雖然醫生講嘅唔太明. 但MAIN POINT 都OK, 食2日藥, 早晚, AFTER MEAL 30 MINS 食,再貼膠布, 唔WORK 去醫院照X-RAY LEE D 聽得明...睇完唔係因為睇左醫生而開心, 係因為同佢講到咁難嘅而開心...^^ 好有滿足感..

今次証明一個人生活係無問題嘅...

繼續

明知無可能, 但竟然繼續...係挑戰心定....

我不是來者不拒...我喜歡你樣子, 髮型,  喜歡你性格...
 
只是為了尋開心??  喜歡被寵愛???  被人著緊的感覺????

究竟我做緊咩??

玩緊人?? 因為突然失去倚靠, 要搵嘢自我心靈填補?? 如果係咁...我之後一定 HURT 到人, 雖然明知對方唔會係FINAL, 而要一齊, 會好HURT 對方...我唔再想做傷害人嗰個啦...

玩火

近排真係好似玩火咁...
繼上次" 扮無事" 之後...
一係DRY到爆,  悶到死. 一係旺場到咁....
ENJOY??? 都唔知.但肯定唔會FINAL!

突然好似偷情咁...唔可以WHATSAPP, 唔可以LINE...只可以FACEBOOK...不過...好快比我知你有女朋友了...而你都唔介意講比我知..咁...唔可以比佢知我嘅"存在", "存在"又代表咩???我同你已一齊嗎??? 

 突然一個SMS  : 好一個我鍾意左成10年嘅女仔...因為你唔愛, 所以有佢嘅出現, 以後嘅事無人會知, 好多人身邊都唔係佢嘅最愛..."

究竟我想點?? 突然諗起欣宜首歌:" 無人完美".. 係我錯過?? 我要外表定內在?? 我要照顧定開心???