又一年

台上真係3分鐘, 台下10年功. 好滿意今次annual dinner 自己喺台上跳舞演出, 心機係無白費到, 真係一個good show...真係緊張,一個全程keep住疆硬嘅笑容, 但真係好忘我.好投入..feed back都幾好...不嬲港島都係輸架啦, 但....今次望完2另外2組, 真係覺得自己嗰team 好pro...

完來我都係一個有要求嘅人...仲要唔低, 今晚我真係唔鍾意自己個髮型...成個顧修全咁...由左至右,橫誇幾個海峽...真係不得了...但由於化妝師全程緊貼...所以唔好意思洗頭再整....>..< , 今日望返d相, 真係唔知想掂...

考慮去唔去下埸...因為"讀書"成日喺個腦度...又話free嘅, 所以同波波去...點知...原來都係要收錢,同埋...一去到港晶10mins, 嘢都未飲, 即比表哥, sonnie拉咗我去佢地嗰邊, 眼見亞花, sherman, elaine又未咁快到...所以閃咗去先...annual dinner時, 已飲咗"大會提供black label"壯一壯膽. 跟住下場溝beer...估唔到同表哥傾咗好多嘢, 亦估唔到, 我會同佢講... 之後再返去港晶...入去無耐, 唔知發生咩事..好多人喊...有d當然我無興趣知咩事...但有d我care嘅人, 我真係當你地2個係姊妹, 我真係想知, 點知回覆一句 "你唔知好過知!"我知每個人都有d事唔想人知...但好似全宇宙d人都知時..其實...我已經再唔係sharing對象? 姊妹?? 有人問返我咩事...但少少尷尬因為我唔知...同埋...真係好無奈...叫我唔好諗多..不如,試下代入我位置諗, 知d唔知d, 之後見傑仔話去sonnie嗰面, 亦自己都估唔到我會同佢講一齊丫....聽到一d原因, 我唔知係咪事實, 因為lee行 d 人作嘢好叻, 但如果唔係一個人,二個人講時...我係咪要試下相信?? 返到去表哥到..忍唔住,真係忍唔住....攬住佢嚎哭, 嚇到sonnie死, 以為我又係感情事, 狂問表哥我咩事..仲send sms比我...

唔通全部人無變, 而係我變??問題係在我身上?? 我唔夠投入?? 定放棄了我??因為我care你地, 所以會小心眼d (lee d 唔係正常嘅咩?)

今晚, 真係估唔到...表哥, 真係表哥...listener 係咪唔可以係同行??我發覺近排我嘅圈子在轉動...傾心事嘅對象好似唔同咗咁...

真正同傑仔話做朋友應該係今晚, 原來有人同佢形容我"佢好乖"....haha, thanks, 原來大家都係共同朋友提及下先知對方同想知lee 個咩人...haha

放縱咗一晚, 結果係抵死嘅, 狂嘔同頭暈...

真係攰

連續2日training 過料...
由1930過到0100, 由0930過到2030..仲要未完...真係好攰...會考都好似無咁辛苦咁...
真係1000000 個眼瞓...
都知出面嘅人都有閒言閒語..."說話", 搞到我仲大咗壓力..仲唔衰得...
真係thanks 派團嗰位同亞姐, 真係計過先派...真係可以話全程有人拍住, 4程機有3次都有人陪, 出海又有人陪, 酒店都應該有人陪....thanks
尋日茅生幫我約咗geroge tse 過料, (咁啱angel lee 又約咗佢過, 所以有2個澳洲人比意見), 今日返工全日鬼妹過料, 收工paulina又過, 漢東又借書,蒙姐姐又講d, sun fung 又借notes, joachim又比form, carmen 高又借卡比我...真係thanks alot!!! 好感動....有咁多師兄師姐們咁幫手...^^
但...真係好似唔夠時間...呀....得返9日, 當中有4日出團....點算, 一諗到lee樣真係好驚...
過料過到個腦好實. 一諗起zoo同rain forest...真係唔知點算...
一d概念都無...
當然我比另外2個friend 無咁憂心係...我去過..但..我第一次出long...咋
個個都話" 你都去過啦..無問題啦.."但我真係想講, 我去嘅時間無諗過" 我下次再去澳洲係出團架嘛..."基本上, 只係記得玩得好開心...但入面detail ..個guide 講咩,真係無記到...
我真係好想話比人知我係可以獨當一面..但....

CHANGE

放下了...但....公司真係明玩我..派團台北駁北海道咁好嘅盤比我...所有嘢都安排完美, 小錦囊都整哂....點知...lunch無啦啦..亞姐打比我同我講要出澳洲????? 即刻cut咗我團浪漫北海道(因為係拍b哥, 一早同佢講要浪漫北海道...)...其實派澳洲比我ok 嘅,因為我真係想試一次, 想証明自己係ok嘅.但可唔可以唔好派咗北海道之後再out咗個名囉....老實講...如果北海道lee團牌面咁靚(39人,f/s,拍b哥,舒服)..我真係想出...

臨老入書叢....
好在澳洲唔多歷史...不過都幾多嘢記..還記得上次哥哥揸咪講:"209隻雞, 74隻豬,29隻綿羊,19隻山羊,5隻兔,5隻母牛,2隻公牛,3匹母馬,一匹公馬".....
漢東同蒙姐姐借咗d notes比我...真係好想溫..但真係無時間...連續N 咁多日返0930, 收1830, 之後再跳舞到0200, 返到屋企0330瞓...周身骨痛..又攰又眼瞓...想溫都溫唔到...又唔想喺d同事面前拎住溫..,點算...
7天, 23人,而家收到26人, 單男....??會轉嗎?? 我真係膽怯...好驚揸咪無人有反應...好驚比人問嘢唔識答, 好驚搵唔到餐廳, 唔識行景點, 好驚好驚...不斷問自己, "我可以嗎??我有資格嗎??"
不過, 去到lee個時候, 都唔係諗lee樣嘢...
而係"無得輸,豁出去"
我無理由唔得!

無奈

真係失落同無奈,尋晚以為因為今年D團唔大啦,所以一大一細,原來唔係,連C GRADE都不如,34人5天泰國駁37人北海道,天數人數我都比不上,原來我真係出唔起?只可以偶然一大,仲要第二團北海道要等到21號先知會唔會轉名,真係好無奈!雖然個個都話牌面應該單女,但未到嗰刻,真係驚!! 今日打開LOCKER,有兩本刋物,其實我已經TUNE好...可唔可以唔好耍我? 應該無人會明我..

口不對心

臨收工....終於都派了....新年團~~
28/1 , 4天, 台北, 31人, 駁2/2 , 5天, 北海道,40人...如果同去大陸比,會開心...
台北做3日嘢,1日FREE, 北海道行程超輕鬆.. 10個開心都嚟唔切啦...
失落...唔知點解...都係努力出好LEE 2團啦...
唔好諗其他吧~
LAST 第幾團, EXTEND? EXTEND? OR ... 
*************
夜晚同GARY譚同FAMMY同亞花同凱琳去打邊爐...真係好好笑, GARY TAM 成晚望住我講DOUBLE , TRIPLE...HAHAHAH....初頭真係唔明..但佢竟然用日文講出嚟..真係好好笑...
LEE個世界真係好細, 定係LEE間火鍋店已成為領隊收工一個聚地, 我地LEE枱"是日本人", 隔離嗰枱"是韓國人(都係本公司T/L同T/G), 再隔離枱係第2間公司.....
************
真係輸哂...竟然可以一個電話都無....OK WOR...

忙

買咗又無用, 唔買又滿哂....仲未買11年記事簿, 但1 月份full  BOOKING到媽咪都開始乍型..."你又要成2點幾先返呀??" "你小心身體呀..啱啱病完...""今晚又唔返嚟食??","咁你早d返嚟瞓..".....
而家收工去新蒲崗好似已經第2份工咁...
尋晚應該好好瞓, 因為跳到亞媽都唔認得...攰到呢.... 不過, 竟然瞓唔到..唔通因為嗰part跟唔到?? 唔衰得?? 無理由跳唔到...成晚諗...
真係好驚到時....跟唔到..瘀死~
希望good show!
可以上幾年..嗰班有亞妹, 亞花...又有cora同milk 幫...好玩好多...今次..真係差dd...有感

突出

瞓到無嘢做, 喺fb 望下人地profile...突然發現....有個朋友, 雖然唔太熟, 但每次見面都總會傾計....
佢喺韓國出咗事...真係好shocked! 好驚! 聽朋友講好大單...好在佢終於醒咗.
希望佢無事啦...真係好擔心佢...

不吐不快

見到一個無好感嘅人留言, "什麼敵人, 要咩無咩..." 真係好反感, 好討厭...
雖然唔係話我, 但我好憎人話我d朋友, 我好維護我d好朋友, 所以忍唔住send 咗一個inbox sms 比朋友...點解要有敵人, 點解要憎一個人, 點解要唱衰人, 唔覺自己咁樣嘅人生好辛苦嘅咩?? 活在憎恨之下... 真係不知所謂...有咩唔滿意, 點解...唔3口6面講清楚??
lee d 人永遠都唔會係我朋友...
好嬲好嬲好嬲呀~

第3日

第3日病假啦...
好厭悶...日日都抗生素, 食又死唔食又死...辛苦咗囉...
好似無咩好到d咁...
厭悶...

任性

臨瞓前竟然流下眼淚...唔係因為"發小姐脾氣"lee句. ,而係我真係無發過脾氣, 因為另一件事,令我有少少失望同唔開心, 都知自己咩性格, 如果我一出聲, 一定會好燥, 唔想比人知...加上如果我一出聲, 一定會聽出我唔舒服, 對方一定會cxl....所以2個理由下, 我唔想講嘢...但點解要迫我??
最唔開心係一句:""...好難適應.." 真係好care lee句....成晚諗, 點樣好難適應..??? 不段諗事例.....因為上次ktv, 我話cxl 旅行?
究竟係如常出發定真係唔去?? 知你性格, 話cxl, 係知我一定會打比你問y? 但真係好唔想講嘢...你講得cxl, 我知你一定做得出唔去, 尋晚瞓教真係將個電話放喺枕頭上面...一齊瞓...一路諗聽日去唔去碼頭??會唔會有sms??
如果對方唔出發, 不如自己去...去澳門為咩??其實都唔知...不過總之想啦...唔想喺屋企..
一早set咗m/c , 打算去睇醫生, 但...尋晚真係瞓得唔好..起唔到身, 起身仲15,16, 去定唔去, 因為...好凍, 好凍, 打比對方, 仲瞓緊....真係諗不如而家出門口坐船..
final 對方都打比我...出發~開心返...不過諗..會唔會因為尋晚嘅"家變"影響咗...
不嬲出門無諗定目的地, 食咩,..真係好似去旺角咁出澳門...去到...真係好hea,  my style travel, 今次真係唔係travel...朋友吩咐我記住食魚翅....但so far...今次我倆行程會變成咁...^^,不過我ok 嘅....因為開心嘛. 第一次見對方個"狠"樣...^^
去咗食蝦子麵, 影咗幾張相,之後入咗威尼斯...賭場, 因為一心要回本, 所以賭場6個鐘, 學識玩3cards , 好刺激,好好玩....final...0100完成任務~ 仲話要坐直昇機...hahaha...不過....人地收工...^^

去程時, 收到sms, "知我嬲..."....謝罪...即刻開心返.. ^^..我真係一個喜形於色嘅人, 心都軟哂...
大慨估到我尋晚為咩唔開心...了解我,  lee方面, 都幾似丫...係因為太friend 定咩, 點解好似好多嘢都好似咁...,以前唔覺架...??!!! 因為我易受影響? 定什麼近"咩"者咩, 近"咩者咩...?hahaha

"對唔住"lee句係必要嘅, 因為尋晚電話入面...真係燥咗...
"多謝" 都係必要嘅, 因為今日你陪我成日...
可能相處時間本身唔多, 所以每次知道有機會見時, 會好珍惜,好興奮...lee樣亦係其他朋友都感受到嘅~~因為我喺北京已經日日講"澳門"lee2個字...

愈係時間耐了, 就會愈了解我, 其實我真係唔係一個平易近人嘅人, 我真係好驚, 有一日, 因為我嘅性格而惹你生厭, 唔喜愛...

作為一個普通朋友, 我唔care 你點睇我, 因為我都唔care對方咯, 但....若然有一日我好care你句說話, 好care你點睇我, 好mind你唔覆我sms, return call, 証明我已經addicted to u...了...

我愛你丫...

意味?

由第一日發燒,第2日都係發燒, 第3日咳到嘔, 第4日失聲....第5日全謝...真係未試過出一團出得咁辛苦. 還記得上幾次去韓國, 病到死, 得返半條命時, 喺機場瞓落去sherming大脾佢攬住我時..覺得自己好幸福, 因為有人take care我, 但今次無咗佢或好朋友, 佢地不斷叫我入醫院, 個個叫我打點滴, 個個叫我唔第2日唔好留酒店休息...死撐, 死頂..真係好辛苦...好在, 我有一個目標, 因為12號我要去澳門...就係一個信念, 頂足5日....亦都估唔到lee個信念, 我真係捱到..
一個人去到一個唔係屬於自己嘅地方, 又唔相信嗰邊嘅醫療...真係一件好辛苦嘅事...
今年冬天, 特別凍?? 今年冬天, 身體特別差...計下, 好似無邊團返嚟係無事嘅?!!
唔通...以後冬天我要做CSR? 夏天先出團???
上次同媽咪提想唔做, 佢竟然第2日叫我去黃大仙問...但今次landing 返到屋企, 佢竟然好認真講, 如果真係好辛苦, 不如唔好做啦...你lee幾次返嚟都病成咁...
其實已諗住過完新年認真考慮duty free定其他工了....但今次北京工作又push我行快一步, 好似要落實咁"一定走"..."身體狀況" push 我行快幾步...唔捨得, 真係有...但奈何我身體真係咁差咩...
唔可以再"得個講字了".......
今次...北京有一個成功感...因為成功開option , 起死回生...唔係因為錢問題, 而係...原來我都得架wor....
今團多謝tracy, 小春,我個guide, 黃堯輝...even 一個問候,已經足夠...我一定撐到...even 真係好辛苦, 有幾個moment好想喊, 因為好辛苦, 嘔到自己諗,點解會咁??? 發燒喺房好辛苦, 又冷又熱, 反問自己點解要咁辛苦??? 賺得唔係多, 點解...?
今團真係...真係認真想了很多事...唔係為錢, 因為身體, 因為年齡問題..而要去認真考慮...真係好無奈, 我承認好多地方我都唔鍾意去...但...往往派咗我去馬來西亞, 韓國, 日本時, even出發前無咩心情出現,但往往on the way時...真係慢慢發現"苦中一點甜"時,真係會比我一個原動力想繼續...期待....但...而家....有d事不得不迫我行快幾步出口方向...
除咗duty free, 我仲有咩嘢可以比我做???
last一晚send 咗sms比你..你有return call, 不過...可能我有期望啦...所以失望咗...究竟...我同你諗緊咩??想點??

又嚟

勁啦!尋日一戰,即刻又狂咳,塊面又敏感,...都唔知係亞張軍強隊我嗰杯紅酒出事定比咗畢人情,食返2隻蝦, 一隻鮑魚,...而搞成咁丫..定成日衣衫單薄成日...而咁...???一返工..個個都話, 哇你尋晚又食錯嘢??食咗咩??....研究~亞姐仲問洗唔洗上樓上幫我佩藥..又問我頂唔頂到..-10度..
我都唔知頂唔頂到呀..facebook 上只係留咗又咳....說話, 估唔到...咁多人回應, 仲提我唔好咩, 唔好點...好warm...^^ i love you!

WEDDING PARTY

 "亞比" 結婚啦...恭喜恭喜, 雖然真係好好好辛苦, 好似出華東咁0700到達集合,, 只係瞓咗2小時, 真係好辛苦(近排唔知點解, 朋友聚會/function特別多...晚晚無2,3點都唔瞓)...天氣凍到, 雞皮全日跟身...好似乞衣咁..鼻水不停流....相信又會開始病, 不過...今晚都幾enjoy lee個party... ^^

其實同亞比一直雖然以姊妹咁叫大家, 但其實真係未傾過電話, 唔知對方任何事..估唔到今晚見佢揸咪講得咁感性..有d意外...

過程真係辛苦, 上午搞掂男女家, 下午free time時..真係好似出skc零晨機咁,  一落機去seven luck咁, arthur真係十級好人,由於無地方好去,佢車我地由大圍via新蒲崗再去紅磡碼頭停埋一邊比我地6個姊妹喺車緣繼續瞓個零鐘, 先再去佐敦化妝....~真係好似喺seven luck lobby瞓咁..好辛苦同可憐...

大滿意今日下午個化妝, 記住,係下午, 上午其實都ok...不過...條眼睫毛真係....不得了...不得了嘅定義係似...人妖咁...太唔自然啦...

下午個妝真係好good...即刻交換電話, facebook之友 .哈哈~

將會收到一份禮物?! 但...份禮物...hahaha...唔識講, 問我點算, 點處置..哈哈..送嘢比人都要兜咁大個圈,哈哈...不過, 咁咪無咗原本個意義囉, 怪怪地咁, 人地問我幾錢, 我答:"朋友送??.."

好忙, 諗起11,12號...再想13號~~..忙咗??

姊妹

如果係行行下街, 望到樣嘢. 即刻諗起某人嘅話, 相信買咗之後, 送比對方, 對方一定好鍾意, 人地好開心自己又開心...唔鍾意有heart又比人話,無heart又比人話...名牌又唔鍾意, 實用又唔鍾意...所以決定下年唔玩啦 >.<
終於傾掂3月春季旅行了, 日期3月9號左右, 韓國, 濟洲加seoul 或淨seoul ...但如果韓國有咩突發...我地就無地方去架啦....所以唔好有突發事呀..^^ 好期待丫...
幾個好姊妹, 陪我周圍行嚟行去搵灰姑娘嘅高跟鞋...終於買到, 好靚,i like it!!!!!!!

大家終於有時間傾下計啦, 不過一係唔講, 一講就講2小時??有無咁多嘢講呀...haha.thank you , 唔好問點解, 有個point我反而無諗過....所以thank you.
不過....都係時候諗下"未來" ...因為一個人太無安全感, 屋企人唔會陪我直到永遠, 朋友,佢地自己都有頭家啦...

決定12號去澳門...好期待丫, 你期待嗎??

姊妹聚會

事隔年幾?? 我地7個人終於聚會了...可以交換09年嗰份聖誕禮物啦...HAHA..

老地方...今晚叻叻...只係飲咗一杯BLACK LABLE... 其餘時間都係飲LEMON HONEY! 10個乖...HAHA ^^

今晚無人猜枚,只係傾下計,唱下歌,好靜,氣氛有D似去自修室,有D唔慣! 唔知點解怪怪地咁嘅!唔識講!!好似有D脫節咁,話題有追唔上嘅感覺... 前兩日偷食,今次仲要蟹膏蟹肉撈飯!真係好好食,不過懲罰又開始,周身痕!:$又損過,又要塗,塗完又要"哪"到"典"地 ,所以健康食品又新增一項啦,蜂王漿丸!其實我應該好健康丫,又蜂王漿丸,又人蔘粉,又保肝靈,又飲羅漢果水!又唔煙,又少飲酒,但點解仲要比人話我身體差呢?個天都唔公平嘅...

HAPPY NEW YEAR

LANDING都2340,返到去傾左陣電話,搞下LEE樣嗰樣,3點幾瞓,1點幾起身,都依然好眼瞓!
"預咗間房比你丫"好朋友搬屋,同我講lee句,雖然只係隨口講,但已經好開心左好耐,証明我都算在心中嘅~~^^.不過一講完之後, 個腦即刻有個picture, 可能除咗酒店f/s之外, 從未試過自己一間房嘞,所以..真係有一個MOMENT幻想呀...如果間房.....咁就好啦...HAHA

FINAL 夜晚去咗...監護人屋企聚一聚, 倒數完之後...15MINS 就搭車返去...真係好攰...竟然又忘記落車....
2010-2011...就咁就過咗LU...