喜怒哀樂

對上0個次台北4天係幾時呢??真係唔記得lu..不嬲都係環島5天..所以今團一派4天真係好開心...但...點解衰氣之神仲唔走架??? 要SBH幾耐呀...火嚟~~

RE-CONFIRM時已有個客同我:" SAMMY? 我跟過你啦..." , 估唔到去到機場見到佢2個, 真係好想殺咗佢地...幾個月前跟SEOUL ,全程黑我面, 意見書又寫到不知所謂..今次一見面, 大家即假鬥假...但真係好灰...未出發, 已被LEE樣嘢影響心情...不過FINAL, 今團...都OK. UNFER CONTROL...收入當然唔得啦..成班電波人..不過, 叫做順利囉...2個濺人, 我無咩點理佢..."做足唔比多SERVICE",無位入...

第2晚...真係估唔到...咁都同佢撞到...送咗2個濺人返酒店之後, 再相約聚聚...2人DISCO(真係唔太喜歡咁嘈炒嘅地方...)..傾計...問近況, 忍唔住問上次對話,"斷"之宣言...下?? 唔認無講???,可能對你唔太上心了...所以..OK 無再追問, 但估唔到你和盤托出講哂你個STORY比我聽...不過聽完無咩感覺... 今晚, 唔係飲太多, 出奇地清醒..但仍感受到被錫被寵愛被關心...雖然無關係, 但依然有少少心動, 好幸福...可以KEEP 住喺車上嘅時間嗎??

第3日, FREE DAY!!! 一早約定咗JOANNA 飲茶, 行街, 之後上去佢屋企玩狗狗...聽到一個消息...真係忍唔住, 忍唔住了...點解...真係好唔開心..忐忑不安, 忍唔住打比你, 今次真係由心真真正正講一句, " 我好掛住你, 你好嗎?? 我愛你 !!" LEE個MOMENT我真係好想比你一個大大大擁抱對方, 我永遠支持你, 撐你...加油~~~亞B與你常在,  你係同我有經歷嘅人..我真係愛你...

好兄弟...為咗要同我食飯, 突登由高雄趕快車上返台北食飯, 抽1個半鐘比我,..多謝你...如果我唔係住淡水(他媽的, 出一出去台北車站都要1個鐘=一程香港飛高雄)..我一定凌晨2點都等你同你聚一聚同你暢飲...真係好爽嘅飯局, 最FRIEND 嘅3個一齊食飯..真係好開心...時間可以過慢D咪幾好, 大家可以傾耐D...我一次過將今年嘅經歷一次過SHARING時...(其實真係都幾多...好似講極都唔完咁)..兄弟 一句: "妖~緊係啦, 印堂發黑"..SHIT...即刻照鏡, 好似係係地..點算呀~~ 佛鍊..THANK YOU! 我第4日已遵吩咐, 去咗龍山寺拜...

似乎我真係成功了...今團無咩打電話, 可能我架車有部NOTEBOOK,有埋INTERNET 服務啦...不過真係叻咗...我要將我係6型人改變~加油~

2010.05.30 20:40 第一首生日歌多謝哂~~ 雖然唔知你幾時去香港, 但心意GOT IT! ...都好想見你...不過做人唔可以咁自私嘛~唔可以霸佔~~

2010.05.31  第一個見到而同我講HAPPY BIRTHDAY嘅人係亞焗, 好開心...大家差唔多一齊LANDING...仲要2個心心衫, 情侶裝~HHAHA

收到真係由心講嘅祝願說話,真係好開心..." 我會爽, 我會珍惜, 我會..." THANK YOU, 我愛你地

返到去開FACEBOOK, 一個一個嘅BIRTHDAY 留言, 真係好感動, 堅持個個都REPLY!

好驚喜好開心.~

可能4天喜恕哀樂,好想同我D好朋友嚟一個大大擁抱~

我愛你地~

六合彩

全香港廿幾間分行...ISO只係去幾間分行...CD中唔出奇...不過....成間CD十幾廿人, 我係唯一一個中嘅就好出奇啦...尋日講咗ISO 9:30AM 上分行, 無耐...聽日出團, 今日要返早..2個人最大CHANCE, 1係我, 1係ROBIN...今朝坐VIP位...點知...佢問亞姐我咩GRADING, 出咩??就係咁...中咗~~ 一考考大半個鐘...由上團jok問到今團twj, 今團由未出問到完團, 上至RE-CONFIRM 下至收老錦, 意見書...全問型...再嚟問CRUISE, 行程由第一日問到走嗰日, 再問突發事...再問COUNTER 運作, 睇電腦, ...不過...OK 唔難...但..我自問真係答到好假好假...假嘅定義係...真係好假...unbelievable 嘅假..咩出團全日著制服, 咩早3,4日re-confirm,...不得了...hahah
--------------------------------------------------------

陌路人...已經係陌路人了...the end.

難受...

一個外人說話...就一口咬定我...會唔會對我唔公平呢??? 咁樣同被屈無分別...
真係好難受..好難受...
個個叫我忍..點忍呢??
月頭一次鬧, 月尾又一次鬧同一樣嘢..但點解唔聽埋我講先鬧呢???
被人屈..真係好難受...
眼淺..都要死忍...
比起自己做錯更難受...

對住你...我都唔知用plan a , plan b 定plan c..
你嘅說話真係好難令我去捉摸..
其實你係咪鬼上身, 仲要比幾隻鬼上呢???
邊有可能明明講a, 但突然轉b...之後再返咬改c...
我真係唔識答你...
係因為工作壓力大, 你而家咁...定咩???
我唔可以否定你以前嘅能力, 但唔認同你而家嘅實力...
跟你..真係好辛苦....
我就快思覺失調...精神失常...
我而家每日一心願就係...唔同你食飯呀~~
我真係好憎好憎你處事方式....
討厭...

ture

因為你, 我開心...
因為你, 我唔開心...
未知, 無名興奮...
知道,  無名失落...
想見你, 無法見你...
想從心與你坦誠相對...
give me a chance
沒有資格改變過去
但就是想見他 無法自禁 萬分地想見他
I miss him
真係miss him...
 

簡單

一早起身,同哥哥同樂比玩,心情好靚,開心丫~ 

終於同一個失去幾日無聯絡嘅朋友聯絡上啦..掛死我啦,哈哈~開心丫~

紅豆糕放假,輕鬆工作好開心丫~ 

同亞花講睡衣KARAOKE PARTY,大家心意,多謝,但知道咗咪無驚喜囉,唔緊要,希望其他嘢令我驚喜,開心丫~ 

值班同事真係痴同顛嘅,好好玩嘅組合,有ESTELLA,螢光筆之友ELAINE,仲有亞花,真係笑死咗咁開心丫~ 

好耐無見監護人,是夜要蒲一蒲頭,如果唔係...我估佢喺失踪人口搵我丫~見到好得意嘅蝦餃,真係好開心丫~ 

開心真係好容易丫~ 

今日咩都令我好開心丫~ 

今日咩都大喜歡!大喜愛!大鍾意啦~ 

有咩方法可以KEEP住日日都咁呢?

空

近排非常極度沈迷郵購...~不過真係好似痴咗線咁.....中咗毒..
landing到而家...真係好忙..好忙...街無咩點出, even食飯,..真係食飯, 食完快回家 ~"愛回家"咁...晚晚要追返電視劇...上咗癮...出咗幾日團姐..好似miss咗咁多集咁...堆積如山..
MOTHER睇6集, 喊足6睇...真係好眼淺..."珍惜 珍惜" ," 我要保護你"....睇完好想攬住媽咪,但...次次都係佢瞓左啦

自日本至今...生活好似少咗d嘢咁...但又唔知少咩...只知好 "空"... 咩事呢??
不知足?!
點解好似無咗 "實在" 嘅感覺?
因為唔想被冷落??
lee幾日,真係好唔自然...


日子愈嚟愈近, "好耐無見?"." 別來無羔?"定不揪不釆???? 或者, 好假咁打招呼吧....
有點害怕..害怕嘅定義係..."怦怦怦怦..."心跳快...

開始有人問我月尾點過....上年我喺韓國過...今年...我只想要驚喜....唔好一個人...我唔想"空"...

水泡

尋晚發咗一個好好好恐怖, 發夢見到一個人...但點解...??係預兆嗎?? ..唉~

一日一個夢想, 今日嘅夢想已經dreams come true了...hahaha......而家個心態好似唔同咗咁...愈嚟愈投入唔到...真係好似散沙咁...小圈子?都幾咁啦..分咁多堆玩...

收工...4人飯局..今回日本菜, 地方ok. 食物ok, 價錢ok...good good good!! 
竟然..竟然...今晚得我一個無飲酒...你地一句 :" 咁忍得?? 0係我地面前唔洗忍口..."..其實...我真係無忍口...只不過唔想飲...唔係怕又出事...
近期...喜歡上郵購....真係好好....又方便..又平...真係慳好多....^..^ keep on~~~嗜好~~
今日睇到電視講泰國..真係有d心酸...central plaza, siam paragon lee2個我ok 喜歡嘅地方, 2個我唔陌生嘅地方, 2個我幾個月先行完嘅地方...而家變成咁..真係好心疼....lee個世界真係好似好快末日咁..今日有個朋友問我..如果你知仲有一個鐘會世界末日, 你會點...我真係好想講: 同我好鍾意好鍾意嘅人,唔理係家人, robert仔, 朋友都好, 睡又好, 攬又好...點都好..總之要一齊啦..
.一個地方竟然可以由天堂變成地獄...唉~
計過啦...今個月真係無第3團...啦...而家d團派到27,8 嘅...仲諗住可以駁到多一團..可以輕鬆d..點知...妖..如果係咁呀..早知Q多2日...去馬來西亞啦...真係好大引誘囉~~~而家得1嘅1日假...去得邊喎...真係有d想Q埋31號...但去邊呢??點解今年好似咁空白嘅???

獨

今年第一次落日本...估唔到係去沖繩...真係搞笑...估唔到lee個地方可以去到2次...反而東京....都無咩點出...
係今年嘅運係咁定咩...?? 唔係人數問題 唔係客有問題, 就係guide有問題...今團客無問題, 人數比"黨員"多一個, 咁已經係好多啦...即係無問題...咁即係guide 有問題囉...都習慣啦...
今團拍佢...係我變咗定咩...?又或者以前已經去過, 唔驚, 唔洗奉承對方了...
但...真係好不知所謂囉~ 遲到拍手鼓勵, 串客,......真係日日憂心..最嬲就係..連我都串.真係好想講句:" 早d 退休啦...出嚟獻咩..."
所以今團...一free, 我就自由行了.. 無咩點講電話, 入3000yen..用咗1000yen多dd...可能..諗唔到搵邊個啦...個個都工作...亦因為只有單方面send sms, 所以無時無刻都狂睇電話...有無miss call? 有無sms??? 邊個send/打嚟????同埋..其實今團好無聊...所以有一個sms ...真係由心發出嚟咁send..因為send嗰個sms時...個心諗..大家都係工作姐...點解我要受埋你氣, 聽你有骨說話...有屈住屈住嘅感覺....可惜....時差...
放free一日...一個人行咗出去出面, 百無了賴,由1pm行到3點幾...無目的...由sun marina 行到renaissance resort..total 4km..真係講都無人信...但真係好舒服..有風吹..聽下歌, 沿住海邊走..不過...陽光勁咗...但想回程時...無taxi..去到巴士站時..發現要等1個鐘...突然體驗...不過....我真係有諗..如果係0係東京又好, 大阪都好...我一定唔會....因為...危險...但沖繩....
對唔住...無下次...下次小心d...要你擔心....sorry sorry
沖繩lee個地方..我真係幾鍾意...如果今團我唔係工作, 而係客...我諗我會超enjoy..一定玩水上活動....lee度真係好靚...個feeling 好好

過份

短短幾句 "你聽日幾點飛?" "點半" "今晚食飯好唔好,好耐無見你啦" "是旦丫,有邊個?" "高B" "你到執料部未?" "就到" "一陣過嚟車你!" 就係咁...就上左賊車了... 車上有高B,高佬康,同約我嘅人,上車問去邊度食,點知得嚟一句,"我就係鍾意亞Be唔拒絕人,聽完真係有D嬲,咁講我唔開心,好似明知我有咁嘅性格,就用Lee樣嘢耍我咁...諗都無諗過,食飯會去九龍城食污蔑茶餐廳,忍唔住問LEE餐係下午茶定晚餐,一陣仲有地方去?耍我一輪,先知要去西沙一陣,咩鬼地方?再去旺角打麻雀..知道去打麻雀時,真係嬲左,不嬲出團前一日最多只去食飯,唔想玩到個人咁攰,玩創個心,所以今次好嬲,但應承左人唔好亂發脾氣,忍!好嬲好嬲好嬲!忍!,唯有快打,等高佬康女友到交更(其實我係凳腳)拿拿聲走,頂丫,佢到咗又唔比我走,又話要打足四圈先比走,嬲嘅心情已去到頂點!堅持忍!仲要笑!最後要十二點幾先走到...今次又係口術.真係好憎lee樣嘢! 無下次! 又多一個人信唔過...　

怪...

近幾個月...真係覺得自己怪咗...怪咗嘅定義係...真係怪怪地...
今日有人話我愈嚟愈任性...又好似係係地...又好似唔係...;唔係...係因為...我出去玩嘅次數少咗好多...只係偶然飯局...
但同一時間...唔知咩事...lee排成日都好似悶悶不樂咁...一係就想洗錢, 一係就想自閉..仲小事發細小姐脾氣...霸道咗...
真係怪怪地...

心痛

一返工...又插...其實...係咪真係咁好插呀...一個無可能入位嘅地方都入??? 定係..?..??
又一次比人講: "黑b"...而家唔係痛心, 而係我心痛...點解...咁??? 真係輸哂...我認輸啦...最唔開心係..." 你做咗咁耐都咁唔細心..."  ...我真係無嘢好講, 我明啦..下次一定"全世界也安靜,為了聽我宣佈..." 今年...我犯小人咩??? 犯太歲咩??? 點解今年好似未好過咁...嘅??

tired

原本派團沖繩比我都幾開心...因為一日free..不過....最衰又係單女..單女嘅定義係一個單女去旅行呀.,..真係好想知...而家係"單女外遊高峰期"嗎???定係今年係"單女旅遊年"????幾團都係咁....
都算啦....諗住出lee團可以休下息...點知...今日收到通知:" 你拍... "oh~~~ 唔係呀??上次出沖繩又係佢...今次又係佢...而家無guide咩???唉....... 灰咗~~今團真係得一個希望..."祈求順利"....突然咩mood都無呀~~真係好驚佢叫D客食牙膏呀,一個希望,唔好爆鑊!
-------------------------------------------------------------------------------
收工約咗ming yiu 同哥哥去蘭桂芳食飯( ..其實佢地應該知我沖繩coming soon 架啦...點解仲要食沖繩菜丫....玩嘢咩..hahaha)之後哥哥又call多幾個friend 過嚟..就係咁...3變4,4變6.....
但唔好意思...真係好攰好攰.....因為尋日真係玩足一日...狂打喊露,狂標眼水,人地唔知真係以為我排緊隊拎美沙銅呀
今晚我有D尷尬,因為Lee個話題!.
12點幾...忍唔住走先...喺的士已瞓著咗了...
.....突然...好似...有D被隱瞞嘅感覺...你真係唔識講大話丫!你個樣已出賣你了...你真係開錯話題,講咩機票呢?哈哈...
關島$6000 稅入.連3晚5星HILTON HOTEL 2人TOTAL價...真係咁平????
好想好想去馬來西亞呀~~~好想去嘅定義係3日2夜.........都好想去呀...好想去玩呀!十個想!!EVEN近近地嘅南丫島都好想!

HK 1 DAY TOUR

難得一日,我地3個一齊landing 放假(sherman,joey)..講咗好耐嘅360同大嶼山, 大澳之旅..終於可以實現....真係好開心..今次lee個picnic ?郊遊? 遠遊..真係好enjoy~~~ 第一次坐360..仲要坐水晶車..真係好似玩sky diving feel!!! 好爽~出團要行山, 行石級時可能係死頂..好似無咁辛苦..但今次上大佛時...真係好辛苦..好攰...誠心為自己, 屋企人同2個好朋友祁福..希望成真...保佑佢地...日日幸福快樂~~~thanks!!之後好似去探險咁...由於miss咗班車去大澳, 好在lee度d人民風樸素...好nice...教我地點坐車...我地轉車位...真係估你唔到..電話係要收"中國移動"呀...去到大澳比咗$20遊船河, 平時我地出團..收成百幾蚊30分鐘...lee度真係抵...或者可能佢個selling point係"睇白海豚"啦...所以佢同我地講坐20mins...點知臨尾追蹤咗成40mins...真係抵..仲要有坐海盜船嘅效果....@@..回程時...真係已經攰死咗..由大澳45mins出返東涌程車...3個已經謝哂....瞓足全程~~~ 但我嘅行程係未完嘅...即刻趕去獅子山公團參加篝火晚會...玩到點幾先返屋企....今日真係攰得很....又一次証明...1日假係唔夠嘅~~~
下次去濕地公園??? 南生圍??南丫島???澳門????? 真係好期待丫...

濟洲

期待已久出LEE團濟洲..好似等咗好多日咁!出發前好緊張好緊張...因為Q嘅嘢,唔想衰...唔想有咩出錯...

其實真係好攰, 玩咗幾日, 又失眠咗幾日...仲要上TN, 下午去執料,返屋企瞓個零鐘再出機場...去到SEALALA...已經聽住歌瞓..點知狂醒...真係好辛苦...不過..今團唔準有怨言!!!

今團2間酒店好靚...LOTTE CIY 同OCEAN SUITES..都係0個句,最唔完美係"單女", 破埋今年RECORD...夾客...不過,有夾等於無夾,濟洲嗰兩晚過左去同事間房瞓,喺SEOUL ,兩晚都出去,到我返到房時,佢已熟睡了...所以一D都唔影響我!!!

食雞鍋已經好似係我去SEOUL必做嘅一件事了...正常一個5天團(唔計CHEAP 4,5), 一般有2晚住SEOUL,而家每次落去, 都係...一晚食雞,一晚同監護人飲嘢了..基本上已經唔洗點PLAN了.., 去到韓國好多時都會有"突然變更"出現.所以..如可以,第一晚點攰都出嚟見咗面先...真係可以講句,今日唔知聽日事呀..HAHAHA

濟洲真係好舒服好舒服...好似沖繩島咁...好RELAX...加上今次係拍ANDY LAM(一個期待咗幾年嘅GUIDE), 好FRIENDLY同幾好傾...除咗JOEE之外,佢又係一個GUIDE揸咪講嘢時,有D位會令我突然思考,心有戚戚然...

上團學識咗"口術"...今團又用???悶唔悶D??? 老實講...我真係不爽..明洞飛機...雖然都知道"突然陷阱"唔關任何人事...但失望咗...所以以後都係唔好比期望會好D...我寧願要驚喜...好似亞CAT 咁..次次都比驚喜我..咁咪幾好...但....要學LEE樣嘢...真係唔易,因為我太小心眼了....雖然唔會寫咩數簿..但..0個一刻嘅心情真係...受影響...

 不爽嘅酒局..咩事姐..."告解"?"借醉呻呀".成晚講講講..不知所謂...真係唔想再見LEE個人...見10次,9次都係咁...是夜飲黑啤,可能不爽啩,狂飲狂飲,次次都係咁,去到lee個位話走,...又想追酒飲...HAHA ..3人酒局...原來我都係鍾意兩三個人酒局,氣氛OK..幾舒服丫...不過,又飲多左...已習慣吧,同親你飲都醉嘅...除左講唔好意思之外,就係講無辦法啦,鬼叫我最信係你咩...哈哈!　當全世界對你好期望時,往往就失望結局,都已經唔係第一次了,失望唔係因為自己收入多少,而係,眼見對方咁努力付出,但結果係咁,真係有少少不爽! 不過今團我已經賺咗了...

聚會

近排同黎小姐真係有時差,一係我有空佢無空,一係我無空佢有空...真係好難見! 尋晚打到四點幾,真係痴線!返到屋企,仲要可以有精神到填FORM,五點幾瞓,但真係錯哂...11點幾醒咗瞓唔返...好似老人家咁...個腦不停有個團嘅嘢, 同埋老舅背後0個幾條傷痕出現.....不停repeat and repeat...悶悶地自己去咗行街..突然好想買褲同鞋...但愈係想要..就愈搵唔到...
之後再meet 波波同monica,lee2個好姊妹去旺角行街...個心不段話要買褲同鞋..但final, 竟然買咗褸同衫...近排買褸好顛 ... 2個月5件....hahahaha ...
之後再等埋laurent 4個人飯局...好飽好飽....原本今晚諗住早d返去瞓..因為真係好攰..但你問我好多次去唔去phebby birthday party...你都去...唔通作為姊妹嘅我唔去咩...(其實自己都覺得好衰..我生日佢都過嚟陪我慶祝(0係seoul).姊妹一場都唔撐場....真係講唔過去...)final 都去咗坐一陣..(真係好好好眼瞓...)..有laurent,sherman, 同好耐無見嘅zome, 同monica 去...自成一閣玩...zome今晚真係好爛gag呀...好好笑...
玩到點幾走...返到屋企2點上床...shit...咩事呀...瞓唔到...4點幾仲未瞓到..但7am要起身去上course...bull shit~ 真係好辛苦....

聯誼

Q 返早真係好難,平時唔Q又成日返早, 一Q早又話你已經返咗幾日早....又話"你淨係識蝦你個好朋友啦"真係啤一聲...講到我真係好似蝦佢咁! 好耐無玩過左腦訓練遊戲,今晚同波波,亞HO同SHERMAN玩,LEE個組合都係第一次,不過真係好爆笑組合,終於知道點解我會咁鍾意同波波玩啦,佢唔洗出聲咋,基本上,只係望住佢一身衣著我已經笑到眼淚都流,胃抽筋呀!或者一個動作你已經理死咗呀..零晨一點先食晚飯,打到四點幾,十二圈,好在磨菇雲喺我頭上面呀!多謝哂!不過可唔可以眷顧埋我黎緊團濟洲,一樣比個磨菇雲我丫!!我真係好想講"COME BACK ,BABY COME BACK TO ME~

心痛

終於明白黎小姐前兩晚點解咁憂心,坐立不安啦~頭先比我望到啦,真係好心痛好心痛! 好似睡火山沉睡左幾千年,突然爆發一樣,好驚!!好可怕... 睡火山,不如你繼續瞓啦,好嗎?我唔想有人受傷呀!! 突然無咩心情,唔想講嘢:-( 真係心痛

散步

今日返工sell 客我估sell唔over3個....不過成日好忙...無咩點蛇...又要跟following up file. 又要跟booking...只係中間傾下幾個電話...send 下幾十個sms...

終於派咗比我啦...真係好開心...開心唔係因為帶佢地或d 咩, 而係...終於可以拍到一個期待而久嘅人...開心因為...人數真係好好好ok...35人...開心因為可以喺我需要深深呼吸時, 比大量清新空氣我..不過...換嚟就係今日已同d vip 電聯咗... 真係好煩..唔係要求d咩..而係....不斷show off 自己, "每個月都去旅行..包開團.,,lee樣0個樣..." ...一個希望...順利平安...

今日..做咗一件全宇宙最白痴, 最低b, 搞笑排行榜no.1 嘅事...
一個留言留比一個想報馬來西亞團, 而本公司又無團開, 只係想通知佢"無團"嘅客人..."你好,何先生, xx旅遊, 我姓黃,方便打返比我丫, 電話係 94905@@@..."講完電話號碼...呆咗...唔知點算...即cut線...too late...竟然留咗自己個手提電話比人... 就係咁...成日都好驚佢會打返嚟...仲不斷諗, 死啦...佢打嚟,我應該講咩好... 講打錯好定咩...個客係男人,會唔會以為我咩....
真係好白痴...不過...我估應該係工作壓力啦...因為...原來有個男同事今朝...一聽電話竟然講:" 歡迎光臨, 我姓咩...呀~唔係.. xx旅遊, 我姓咩, 有咩幫到你..." hahaha...真係好好笑...   

今晚同honey食飯...傾開話題 " 公平 "...哈哈...又係一篇歪理...lee個世界真係有 " 完美 " 嘅人同事...講左好多公平事例,其實真係無強求,係你就係你,唔係你,你想點都唔係你,你有一百個自願對方唔付出零點零一都無用,每人要求唔同,不過. 我都認同有d point嘅...人係鍾意受折磨嘛!所以我唔心急架~ hahaha 之後, 同你散步, 由time square 散步, 經維園送我到屋企門口...一路行一路傾...真係好舒服丫...

buzy

日日"歡迎光臨,有咩幫到你...", 日日好似做神父咁, 聽d客告解咁...真係好悶...而家仲要mark底埋幾點sell過咩客, sell咩? 講幾耐? 結果?? 好悶呀...今日正式認真講電話都已經係...下午5點幾6點啦....

收工拿拿臨趕落去3/f 同豬豬,jay, 恩飯局....好開心...真前叫亞恩幫手買嘅褸又拎到lu....又有新衫著...不過...原來我地4個人, 有3個都有lee件褸囉...^..^ 真係咁啱嘅..幾時再shopping 過呢?? 上咗癮咁....快d啦...hahahah
同佢地傾開自己嘅生活....原來都幾暗淡....無閃爍...日日都係咁...過...真係悶咗...一d 都唔shine~

PERFECT

期待已久(等咗年幾兩年)嘅元朗雞煲....終於食到啦~~~同sherman, sara shum, 花, matt chan 同陳欣苗6個人去食路邊雞煲...

....同韓國嘅雞鍋一樣咁fresh! 真係好好食..~
好食嘅定義真係好好好食....仲要係估唔到咁好味...不過點解會愈食愈辣.....今晚好有出北京拍團食宵夜feel呀...
同埋比我發現....原來, 由元朗返北角半個鐘車程咋..勁快..又有通宵巴士...所以可以再次元朗玩呀....
p.s 今日應該係人生第5次? 以內入元朗丫...

死啦..真係好想快d出團呀...如果唔係又大力振興香港經濟啦...嚟緊function 真係不得了嘅多...已經編排到6號晚啦..真係要草錢呀~~~我要學下戀家~~~