錢真係唔易賺呀!你愈賺得多,就代表你要付出多!
一團行船,真係可以賺好多,不過,付出又真係好很多,但客仔唔會知道你出一團有幾壓力大,或者咁講,佢地都唔知你有咩嘢做!其實壓力來自自己,第一團唔想衰...更加唔想衰比五個PARTNERS!同五位同事拍住行,好嘅係因為有人陪,無咁悶!有人同你分擔壓力,但因為上船係講求TERM WORK,並唔係你想點就點,人多唔好就係意見多,或者PARTNER唔係你玩開嗰班,好多嘢你唔會直言!
另外,未出發,有好多熱心人仕主動過料比你,聽得太多,愈聽愈亂,愈聽愈驚! 一個普通嘅旅行團,你唔會有咁多憂心,因為你最主要同個導遊配合就可以,但,上船仔,你無得話事,船公司話一就一,二就二,你無得挑戰,只有服從,知道這個道理時,亦係唯一一個可以畀你推卸責任嘅好方法,不過,唔可以成日用,但無耐地,我五日卸咗三日!亦可以咁講,五日撐咗三日!真係心力交碎!再加上,暈船浪!好拋!但又要扮STRONG!真係好辛苦!
有一刻,不停諗,咁委屈做咩喎..又比客話,又暈船,吃力不討好,.唔想做!不過,自問借口多嘅我,好快又比薪水比平日多而要付出多一倍力架啦...不停諗就快去旅行,會好開心等等,加上有一班同伴嘻嘻哈哈,仲有人長途陪我傾電話到船開,如果唔係,我真係有理由相信我會自殺呀!
沒有留言:
發佈留言